مرجع لجميع اعطال و مشاكل الانوس و حلولها

**m.said.eng** · 20-04-2016 03:55 PM

بعد اذنكم .. ديه اول مشاركة ليا هنا ... عندى لانوس 2005 و التكييف كان شغال زى الفل السنة اللى فاتت لحد اخر السنة لقيت فى صوت صفارة و لما روحت للميكانكى قالى بلية الكباس تقيلة لازم تتغير عشان السير بيلف اقل من سرعته ... جيت السنة ديه غيرت البيلة و ركبت السير لقيت التبريد كل شوية بيقل روحت اسال ... قالى لازم تغيير الكباس كله و تمنة 1700 .. عشان انت لما بتقفل التكييف بيفضل يسرب حوالى لمدة دقيقة او دقيقتان و نزلت سمعت الصوت بتاع التنفيس فعلا و قالى مافيش حل للمشكلة ديه غير انك تغييرة ... هل ده صحيح و لا لاااااااااااا ؟؟؟؟ ارجو المساعدة

**riri4** · 24-04-2016 12:42 PM

جرب تشوف حد تاني لان مره رحت عند واحد قالي ان الكباس عايز يتغير بسبب صوت الكباس كان فيه ترزيع ورحت لواحد تاني عمله طقم أصلاح وبقي زي الفل ..

**msadeka** · 23-08-2016 01:43 PM

موضوع رائع ومميز

كل الصنايعية بقو بيشتغلو الناس ومبقاش فى ضمير

وغير كدة ان معظمهم بيتعلمو فينا وفى عربياتنا

**ledo4ever** · 25-08-2016 01:00 PM

انا عندى مشكلة صغيرة
انا معاياد دايو لانوس 2003
المشكلة ان المساحات بتاعت الازاز بتشتغل على سرعة واحدة
اول سرعة حتى لو رفعت الدراع لاقصى درجة
هل الموتور بايظ .. و هل بيتصلح ولا بيتغير و بيتغير بكام
حد يفدنى ؟؟؟؟؟؟

**محمد القيسي** · 20-11-2016 01:34 PM

المشاركة الأصلية كتبت بواسطة ahmedezzat78

ايه رايكم يا جماعة نعمل موضوع مثبت فى منتدى الدايو و كل واحد يكتب فيه المشكله او العطل اللى حصل معاه فى عربيتو الانوس و يكتب طريقة الاصلاح باختصار دون الخوض فى تفاصيل كثيره و ردود متبادله بين الأعضاء و اهم حاجه اختيار عنوان مناسب و مختصر يدل على نوع العطل تسهيلا للبحث

سبب الاقتراح انى لاحظت تكرار المواضيع و تكرار الاجابات

يعنى لو فيه حد عندو مشكله معينه محتاج يبحث فى كل مواضيع القسم و احيانا يتم ذكر بعض الأعطال خلال موضوع بعنوان مختلف و ممكن واحد يكسل يدور فيعمل موضوع مكرر

أما اذا تم تثبيت الموضوع و كانت كل المشاركات مختصره فسوف يتكون لدينا مرجع لكل الأعطال يستطيع كل ملاك السيارة الرجوع اليه عند الحاجه دون اضافة مواضيع اخرى مكررة

============================
برجاء وضع شكل ثابت لكل المشاكل وهى كالتالى
* بداية ظهور المشكلة
* المحاولات الفاشلة لحل المشكلة
* الخبرات الجانبية اثناء حل المشكلة (ايه الجديد اللى اتعلمته / ايه اللى المفروض اخد بالى منه / نوع قطع الغيار اللى فيها مشكلة والنوع الكويس / حاجه اتفكت جنب المشكلة واتعلمت منها حاجة)
* الطريقة النهائية لحل المشكلة
* اذا امكن اضافة صور للمشكلة قبل واثناء وبعد حلها
* التكلفة النهائية لحل المشكلة مفصلة قطع غيار / مصناعية (برجاء ملاحظة عدم الاعلان عن اى ورشة ابوس ايدكم علشان اللى بيحصل فى المنتدى - كفاية كده)
* على جميع الاعضاء الألتزام بعدم الرد على اى عضو الا فى الضروره القصوى (انا داخل اشوف اعطال وحلولها ومش عايز اقرأ أى تعليق)
* الردود تكون للأستفسار عن العطل بعينة فقط وليس لعطل شبية (عندك عطل تانى اكيد هاتلاقى موضوع بنتكلم فيه عن العطل بتاعك فى المنتدى أو ممكن تبدأ موضوع جديد)

مشرف القسم

**محمد القيسي** · 20-11-2016 01:41 PM

السلام عليكم اخوكم محمد من العراق عندي دايو لانوس موديل 2000 وارد خليجي عندي مشكله وبكل الاوقات لمن ادوس على دعست البنزين وترفع رجلك مينزل ال rpm الا بعد خمس ثواني وكذلك لمن اريد اتوقف مينزل الrpm الا بعد خمس ثواني وهاي مشكله زاعجتني شكرا

**Manal Ahmed** · 21-11-2016 04:01 PM

السلام عليكم .... انا معايا دايو لانوس 2006 وعداد البنزين مش شغال و المفروض اجيب عداد جديد من حد يفيدنى اجيبه اصلى منين وبكام؟؟

**حمزاوى صديق** · 29-11-2016 10:33 PM

بسم الله الرحمن الرحيم

**aymansalem11** · 25-02-2017 11:34 AM

تم تغيير بطارية و4 مساعدين وبطاحات وكوبيات وغطاء التاكيهات

**aymansalem11** · 25-02-2017 01:35 PM

المشاركة الأصلية كتبت بواسطة aymansalem11

تم تغيير بطارية و4 مساعدين وبطاحات وكوبيات وغطاء التاكيهات

لان البطارية كانت سايلة وبتنزل ميه على الصاج ، والمساعدين اخدت مطب جامد باظ واحد منهم فغيرت 4 ، البطاحات والكوبيات كانت صيني جبت الكوري وكان في طقة في لفة الدركسيون وانا واقف ، استنفذ غطاء وش التكيهات عمره واصبح لا يجدي معه تغيير اولسية او ربطه