لقيت بيجو 205 واقعة خالص على الحديدة اشتريها؟
السلام عليكم ورحمه الله و بركاته
كنت بدور على بيجو 205
لقيت واحدة حالتها بالبلى لسة ما شفتهاش
موديل 84 رشة جوة و فيها بارومة و ماتورها بيجيب دخانه بيضة (بس فيها فتحة سقف و ازاز كهرباء هههههه)
المهم صاحبها كان طالب 13 الف فى الاعلان فقولت له اخرك كام قال 10 الاف يبقى كويس
عايز رايكم بصراحة فى الموضوع من كل جوانبة
و لو حد رمم 205 بالكامل يا ريت يقول لى التكاليف حته حته
انا لسة مرحتش اشوفها علشان فى محافظة تانية
(بس طبعا انا عارف حتحتاج
بوية و سمكرة كاملة
+ ماتور جديد
+ اكيد طقم عفشة
+ باب شنطة علشان بيقولى باب الشنطة فية خرم من البارومة +
فوق الرفرف الى ورا
+ اكيد كاوتش جديد و جانط
+بطارية و خلافة
) عامرة عربية كاملة
و غالبا لو رحت اجيبها من هناك لحد اسكندرية ولا انا ولا العربية حنوصل ههههههه
فا الى ساكن على الزراعى او الصحراوى يدينى نمرته اكيد ححتاجة
المهم الراجل كاتب عن عربيته فى الاعلان
السيارة تحتاج الي رش خارجي فقط (كدة ما اتكلمش عن الداوخل او البارومة) حالة المتور 75%(كدة مقالش انها بتطلع دخانه بيضاء) العفشة جديده (الله اعلم)بها كوتش جديد زجاج كهربة و فتحة سقف (دى الحاجات الوحيدة الى ممكن اتاكد منها)
منتظر رايكم
