استفسار بخصوص لانسر 2010-2011 للمهنس طارق والاعضاء

السلام عليكم ورحمة الله وبركاته
جزاك الله خيرا يا مهندس طارق وربنا يجعله في ميزان حسناتك ويكثر من امثالك
انا باذن الله ناوي كنت متحير قوي بين كذا عربية منهم السيراتو واللانسروالابترا والالنترا
بصراحة شفت السيراتو في اجازة لمصر وعجبني شكلها بس بعد تفحيص صرفت نظر عنها
وغالبا هتوكل على الله ونويت اجيب لانسر اول منزل مصر باذن الله في نوفمبر الجاي
اللنسر عربية روعة بس قدمت لكنها احسن عربية من الفئة ده
سؤالي تنصحني بايه اجيب المصري ولا الخليجي (1600 كاملة او سبورت - ميزانيتي من 100 الى 110 الف) ولا استنى للسنة الجديدة 2011 وهل هتستمر البومة ل 2011 وهل في تعديل في شكلها عن ال 2010 علما باني سمعت من بعض الاعضاء هنا ان الانوار الداخلية مش قد كده انوار الزجاج الكهرباء وما الا ذلك
وجزاكم الله خيرا
في انتظار رد حضرتك
(ملحوظة متاسف لاني وضعت نفس الرسالة داخل موضوع اخر ولكني اريد ان يشاركني الاراء ايضا الاخوة الاعضاء المحترمين )

سؤال تاني يا مهندس طارق لو سمحت معلش انا متقل هل اللنسر 2010 او 2011 هتنزل بالوان تانية غير 7 الوان ؟ يعني مثلا كان في لون سماوي نادرا لما كنت بشوفه هل ممكن ينزل.
وجزاك الله خيرا.

اهلا وسهلا بيك

في نوفمبر الجاي باذن الله هتكون موديلات 2011 وهي نفس موديلات 2010 بدون تغيير سواء للبومة او الشارك بدون تعديل وموضوع الأنوار الداخلية يمكن قصد حضرتك ان الفتيس الأوتوماتيك بدون انوار جانبية زي الفتيس cvt وان كان ده كان بيسبب سخونة لمنطقة الفتيس وبعض الناس بتشكتي منه

كذلك الألوان الخارجية للعربيات مش هتتغير

سواء مصري او خليجي المهم يكون لها ضمان

شكرا يا بشمهندس طارق
بس مفيش اى اخبار جديده عن مشكله التوكيل
و لو الكلام اللى سمعناه صح ان فى مهله سنه التوكيل يظبط نفسه فيها
ممكن نعرف ايه اللى الشركه الام طلباه من التوكيل
و هل فى تغيير فى خطه الاسعار و لا لا

لسه معنديش اي اخبار رسمية من ادارة الشركة ..انما باذن الله لو فيه اي اخبار جديدة مؤكدة هابلغكم بيها

السنة دى نزل 2010 فى بداية شهر 11 ولكن كانت الوان محدودة جدا ًً (فيرانى - فضى ) وخيارات محدودة يعنى الكلاسيك فقط وعموما ً فى بداية شهر 12 كانت بدأت تنزل على عكس ما اتقلى انها بتتأخر بعد شهر 1 من العام الجديد
وانا ارى بما انك هتكون فى اخر العام يبقى موديل سنة جديدة افضل حتى لو نفس الشكل والامكانيات
وربنا يوفقك

متابع بأهتمام

يعني ايه الفتيس بيسخن من قلة الاضاءة وهل ده عيب في الفتيس الاستبترونيك وممكن ياثر علي عمر الفتيس مستقبلا

جزاكم الله خيرا يا جماعة ومتشكر قوي لاهتمامكم ونصائحكم وجزى الله م طارق كل خير

اقتباس:

---

المشاركة الأصلية كتبت بواسطة neonate

يعني ايه الفتيس بيسخن من قلة الاضاءة وهل ده عيب في الفتيس الاستبترونيك وممكن ياثر علي عمر الفتيس مستقبلا

---

لأ حضرتك فهمتني غلط
انا قصدي ان الفتيس الـ CVT اللي بينزل طول السنين اللي فاتت في البومة الأوتوماتيك كانت بتحيط به اضاءة كما هو موضح بالصورة واللمبات دي كانت بتسبب بعض السخونة للمنطقة المحيطة بالفتيس مما جعل البعض يعتقد ان الفتيس بيسخن انما السخونة جاية من الاضاءة

http://www8.0zz0.com/2010/05/25/05/410965740.jpg

اما الفتيس الجديد 2010 مفهوش اضاءة كالصورة

http://www8.0zz0.com/2010/05/25/05/748397706.jpg

تمام كده الف شكر يا بشمهندس طارق علي التوضيح