الموضوع: فكيت فلتر التكيف الى فى حوض الموتور وعايز استشاره (بالصور)

تشجيعاً من اخونا exact فى اقدامه على تجربه شحن الفريون فى عربيته قررت انا كمان انى ادخل بقلب جامد واشحن فريون عربيتى بنفسى ولكن فكرت الاول فى مقولة فنى تكييف قبل كده انه لابد من تنظيف فلتر التكييف الى فى حوض الموتور عشان بيبقى فيه رواسب واوساخ من الدايره على مدار الزمن المهم فكيته وددى صورته

وعلى فكره اول ما فكيته نزل نقط زيت وده معناه ان الدايره بها زيت واعتقد انها مش حتحتاج زياده



استفسارى الاول ايه وظيفة السلك الى طالع من الفتر ده ؟؟


واستفسارى التانى لما فكيت الفلتر من الماسوره الصغيره الى جايه من الداخل لاحظت ان فيه اويل سيل فيها بين الماسوره والفلتر ولكن على الجانب الاخر فى الماسوره الى خارجه منه لايوجد هل ده طبيعى ولا لابد من وجود اويل سيل فى الماسوره الخارجه منه؟؟

ودى صور للتوضيح








استفسارى الثالث بالنسبة لتنظيف الفلتر من خلال احتكاكى بالفنى قبل كده ورؤيتى ليه اثناء تنظيف الفلتر كان بينظفه بالتنر ويرجه كويس وبعدين يفضى الى فيه ويكرر العمليه دى لحد ما التنر ينزل من جواه نظيف وللامانه الفتر كان بينزل بلاوى سودا سؤالى هل فعلا ده صح ولا ممكن يأذى الفلتر من الداخل ولو صح ايه الطريقه المتبعه لتنظيف الفلتر المرفق صورته لان الفلتر الى نظفه قدامى كام مختلف عن ده تماما عامل زى زجاجة الميه ومفهوش عدسه يعنى كان يعبيه تنر ويفضيه تانى زى اى زجاجة ميه اما ده مختلف زى ما هو واضح فى الصوره

يا باشا حضرتك لازم تروح لفنى, لأن كده الزيت نقص, و لازم تفضى الدايرة من الهواء, وتغيير المجفف من خطوات صيانة التكييف , زى طقم الاصلاح كده للكربيراتير او طقم الكهرباء, فبالمرة غير المجفف ولو التكييف كان فيه اى مشكلة غير برده الاكسبانشن, و تبقى كده عملت معاه الصح