انا هاتجنن من ام الصوت ده

يا جماعه خلاص انا هاروح مستشفي الامراض العصبيه علشان ام التقفيل بتاع غبور
مشكتي تتلخص في ان الكاسيت السي الدي الكينوود الجاي مع الفيرنا الفول اوبشن صوته جميل ماقولناش حاجه بس اكيد بعد لما تغير السماعات الرديئه بتاعه جولدي
المشكله بقي صوت تكتكه كده جاي من صوت الكاسيت و انت ماشي بالعربيه تحس ان الكاسيت مش راكب كويس لما بشيل الوش بتاعه بلاقي في مستطيله سوده الفرام بتاع الكاسيت دي بقي مهزوزه مش واغده مقاس الفرام بتاع كاسيت العربيه نفسه ايه الحل جربت اللحام لفيت بيه الفراغات برضه مش نافع يا ريت حد يدلني و لو كان حد واجهته المشكله دي ايه
اكيد انتو هاتقولي غير الكاسيت الكاسيت جميل علي فكره لا هو رخيص و لا غالي
ايه انسب حل يا جماعه
ياريت اليدخل يقولي التجربه و ايه الحل

متابع باهتمام يا جماعه ماحدش يبخل عليا
1111111111111111111111111111111

سؤال بس ، هل الصوت ده بيظهر حتى لو الكاسيت مش شغال؟

متابع بأهتمام

لا يا باشا الصوت ده بيطلع لما العربيه تمشي و حتي لو الكاسيت مش شغال
حاجه كده رخمه لما تغير الغيار او تمشي في طريق في حفر او حتي لو ماشي عادي
جاي من عند الكاسيت انا بدوس علي الحته السوده الهيا جنب الكاسيت باتك عليها بايدي لجوا الصوت بيروح
الظاهر حاجه ورا الكاسيت صوت كده تحس ان فيه حاجه مش مربوطه كويس
هل ينفع ان التابلوه يتفك و يتركب تاني احسن من الاول قصدي يعني المواد التستخدم فيه تكون احسن
فاهم قصدي انت حضرتك تعرف شكل التابلوه بتاع الفيرنا
مش فيه حز اسود كده جاي من عند الساعه فوق لحد تحت عند التكييف اللون الاسود المتغيره في الفيرنا ستار بالبيج
يا ريت حد يفيدني و اعرف احل الصداع ده ازاي هو صوت مش ملحوظ بس انا ودني حساسه جدا
و عندي هسهس من الموضوع ده بجد فياريت حد يفيديني

أكيد عيب تقفيل في الطبلون

نفس الصوت في الافيو و ده عيب في تقفيل الطابلوه مش من الكاسيت

جرب اقف بالعربيه و اضغط علي التابلوه حتلاقي الصوت طلع

فك التابلوه يا باشا و شوف يمكن تلاقي مسمار مش مربوط ولا حاجه
انا كان عندي الحوار ده في باب الفيرنا بردو و بالصدفه بغير سماعات الابواب لقيت مسمارين مش مربوطين رحت مطلعهم و راميهم و الحمد لله الدنيا تمام
علي فكره انا فكيت البابين بنفسي و غيرت السماعات عادي جدا