قانون المرور والسيارات القديمة

**Ghamrawy** · 28-02-2008 10:05 PM

ياريت يعملوا كده و يكهنوا كل الموديلات قبل سنة 90 و يعملوا للناس اللى حتتكهن عربياتهم افراج جمركى لمدة 3 سنيين على العربيات الجديدة و بعد كده يرخصوا العربية عادى علشان ماحدش يروح يبيع العربية و يستفيد بالفرق:) و لكن اعتقد بما اننا فى مصر بلد الفهلوة و الجدعنة و دهان الهوا دوكو ان اسعار العربيات القديمة حاتغلى علشان الطلب عليها حايزيد علشان الاستفادة من الافراج الجمركى :D

**magdi mina** · 28-02-2008 10:27 PM

قالوا الكلام دة قبل كدة .. على تلوث البيئة .. والاشتراطات التى ستفرض على الموتوسيكلات والسيارات اللى فيها الزيت على البنزين فى التانك - سيارات فارتبورج - الالمانى .. ولم يتم اى شيئ !! ومازالت الموتوسيكلات تمرح والسيارات الفارتبورج على الطريق والعادم ينتشر !! فلا داعى للقلق .. هدة حلول وهمية لايمكن تنفيدها .. تتبع مقولة -اصلة ماعداش على مصر !!

**fady.bekatcho** · 29-02-2008 10:07 PM

هو فعلا الكلام دة بس مع التاكسيات وانا قريت مقالات قالوا انهم نفذوا اول مرحلة وهيا كانت 100 عربية وكان بدوا فى تنفيذ المرحلة التانية
الله واعلم صح ولا لا

**ahmedsrs** · 29-02-2008 10:10 PM

فعلا ده من افلام الخيال العلمى

**thegoodhacker** · 29-02-2008 10:41 PM

يتهيالي الموضوع ده احلام وردية - لان 90% من الناس اللي عندهم عربيات قديمة ما عندهمش امكانية انهم يشتروا عربيات حديثة و العملية دي حتبقي اصعب لو الحكومة سحبت عربياتهم بمبلغ بخث- و في نفس الوقت لو اتوقف ترخيص العربيات القديمة ازمة المواصلات ستسوء اكتر من الاول ....
وكمان فيه عربيات قديمة موديل خمسينات و ستينات بتبقي تحف حرام انهم يوقفوا ترخيصها