الصيف داخل والحر ورمضان والصيام مفيش حل غير التكيف
عاوز منكم نصيحة باحسن نوع واحسن سعر وصيانة بعد كدة
و التركيب بيتم ازاى ؟ يعنى من عند نفس اللى هشترى منة ؟
عرض للطباعة
الصيف داخل والحر ورمضان والصيام مفيش حل غير التكيف
عاوز منكم نصيحة باحسن نوع واحسن سعر وصيانة بعد كدة
و التركيب بيتم ازاى ؟ يعنى من عند نفس اللى هشترى منة ؟
انصحك ب توشيبا مركه ممتازه وناس محترمه والصيانه ممتازه
مافيش حاجة اسمها احسن تكييف المسالة نسبية تتكون من الكفاءة والمواصفات بالمقارنة للسعر والتحمل والضمان cost benefit ratio والافضل على اساس هذه النسبة كاريير لكن لو موش تهمك النسبة دى وماعندكش مشاكل تدفع فلوس زيادة شوية هات شارب والاتنين مجربيين وسمعتهم تمام وكاريير يتميز برخص قطع الغيار وسهولة التصليح بالمقارنة لشارب وهذا كلام مهمندس متخصص فى شركة مكيفات
عندك ال جى ظهر مؤخرا وبقوة لكن نحتاج يكون حد جربه علشان نحكم عليه عمليا ويعطينا النصيحة المظبوطة وسعره هايل يعنى قريب كتير من كاريير
طب حد يفهمنى اية الفرق بين كل واحد وهل بيختلف قوتة عن التانى ولو هحطة فى صالة 50 متر مثلا يبقى اجيبة كام حصان
لو معاك الفلوس هات شارب .. مش معاك عليك و علي كاريير تمااااااااام
و أبعد عن يونيون اير
شاااااااااااااارب بلا مناااافس كارير كان حلومن سنتين الوقتي داخل فيه مكونات صيني رديئه جد والله والفرق مش كير ينه وين الشار ف الفلوس
يونيون اير شغاااااااااااااااااال من سنين سعره كويس و شغال عندنا
1- شارب
2- ال جى
هندسيا المفروض ان الحصان الواحد بيكفي 8 متر مربع
ودا بيدي احسن جودة تبريد
انما ساعات كتير الشركات عشان تعلن بتقول ان الحصان يكفي لحاد 10 متر مربع
ودي برضه مقبولة طالما الشمس مش ضاربة في الوحدة الخارجية للتكييف
اكتر من كده حيحصل اجهاد كامل للكمبريسور (قلب التكييف واغلى حاجه فيه)
يعني 50 متر على الاقل 5 حصان
لو صالة على هيئة حرف l وممكن الفصل بين المكانين يبقى 2 تكييف 2.25 او 3 حصان
انا شايف ان فى اجماع على شارب طب احسن مكان اجيبة منين
هل كارفور اسعارة حلوة ومحدش رد عليا فى موضوع التركيب
من احسن الانواع من كلام بتوع التكييفات هما شارب العربي وتقريبا كاريير.........
ويونيون اير جاامد بصراحة بس ده القديم.....انما دلوقتي الجديد منه تقريبا مبقاش زي الاول
وفيه انواع جديده بس مش مجربه بقالها فترة
اما عن مكان وتركيب التكييف........فا مش شرط اللي تشتري منه يركبهولك
احذر تماما من يونيون اير مافى حد اشتراه واستعمله الا اشتكى منه مر الشكوى فى الغالب ولذلك هتلاحظ انه اقل سعر تكييف فى السوق ولو اتصلت على الوكيل هيعرض عليك يجيلك يركبه على طول علشان حالهم واقف وسمعتهم موش كويسة
كمبوريسور ضعيف وموروحة ضعيفة جدا والاعطال تظهر من اول سنة استخدام
خلى بالك واحذر تماما
مش عارف بلنسه لكرفور مجربتوش في اكتر من مكنسه اوكاميرا ثانيا الي جبته منه جابلي الي يركبه تبعه يعني بس بحساب لوحده خليك مع مكان مضمون ويجيبلك حد يركب تبعه افضل يعني وعلى فكره انا ندمت اني مجبتوش سبليت الفرق حوالي 500 جنيه بس الصوت اهدى وفي سخن بس الشباك حلو جداااابرضه
توكل على الله و خليك فى شارب العربى
ضمان 5 سنوات على الجهاز بالكامل
سمعة طيبة
ضمان ممتاز
بس المهم تختار شركة سمعتها كويسة فى التركيب
انا عندى فى البيت وايت و ستنج هاوس شغال بقاله ست سنين زى الفل يادوب الصيانه و بس
انا لسه مركب شارب 3 حصان سبليت أمبارح عامل 4800 جنيه وكهربائي وأسلاك 100 جنيه وقهوة اللي بيركبوا 40 جنيه يعني تقريباً اللي عاوز يجيب شارب سبليت 3 حصان يعمل حسابة في 5000 جنيه والصوت منخفض والتبريد لسه مجربتهوش عشان الجو ساقعة في أسكندرية دلوقتي والتركيب مش صعب أوي يعني متشغلش بالك بالبحث المضني عن شركة لأنها مش محتاجه عبقري التركيب بياخد ساعتين تقريباً وبتاخد ضمان 5 سنين على الشارب وفي صيانة مجانية حسب أتفاقك مع المكان اللي أشتريت منه .... لو هتشتري شارب ألحق أشتري دلوقتي لأنه الموديل القديم قرب يخلص والموديل الجديد هيفرق 600 جنيه والأختلاف شاشة ال سي دي صغيرة وخاصية توزيع الهواء على حسب الرغبة ودي حاجات متستحقش لأنك مش هتحتاجها وطبعاً الأمر راجع ليك ... حاجة كمان لو في حد بيبيع جنب منك يستحسن تجيب منه عشان لو حصل مشاكل لا قدر الله لو عاوز تنظيف عاوز اي حاجة يوصلولك بسرعة .
تكييف كاريير اعتقد ده احسن تكييف فى مصر
فيه عرض تبع المنتدى ادخل هنا يمان
كوول بريز للتكييفات والاجهزة الكهربائية (موضوع اعلانى) - :: نــايــل مــوتــورز:: - :: NileMotors.net ::
يا جماعة دلوقتي لو عايز اكيف غرفتين مساحة الغرفة 12 متر بس الغرفتين جنب بعض بالظبط
ومعدي عليهم طرقة 7 متر وهم في اخر الطرقة
ينفع في الحالة دي اجيب تكييف واحد في واحدة منهم وبكده الغرفتين بالطرقة يبقي اتكيفوا
ولا لازم اجيب تكييفين
وفي كل حالة اجيب تكييف قوته كام
طمننا يا اكرم باشا عملت ايه في موضوع التكييف......
جبت نوع ايه واخباره ايه وبكام؟
انا عارف ان الاسكندرية رطوبتها عالية جدا وفعلا محتاجة تكييف ضروري
انا عندى يونى اير بقاله كام شهر وشغال ذى الفل والحمد لله
أحلى حاجه في شارب البلازما كلاستر
بتنقى الجو فعلا
محدش جاب سيرة ترين ليه؟
من وجهة نظرى ولأن عندى 3 أنواع يونيون اير وكارير وترين
الترين بلا منازع :)
الترين جميل بس غالي فرق بينه وبين الشارب تقريباً 1000 جنيه في كل فئة .
الشارب بعد تجربة أسبوعين تبريد ممتاز سريع جداً بالذات خاصية التربو كول دي رائعة مساحة الصالة عندي حوالي 25 متر جايب 3 حصان في ثواني بلاقي المكان تلج وشكلة شيك خاماته نظيفة والبلازما كلاستر حلوة جداً خاصة للي بيشربوا سجاير لو مشغل البلازما مش هيشم ريحتها وهو بيشربها يعني بصراحة جهاز محترم ومعمول له 51 أختبار جودة و11 أختبار محاكاة كله دة على الكتالوج بتاعه أهم ميزة بعد كل ده صوته مفيش الهوا ولا كأنك مشغل حاجة ... طبعاً خدمة عملاء جبارة بعد تجربة 8 مرات أتصالات وأستفسارات .
الشارب قرايبي اللي عايشين بالخارج بيسافروا بره عشر شهور وييجو عالصيف شغال ماشاء الله بعد ركنة 10 شهور كويس
شارب ممتاز من ناحية السعر والكفاءة والاهم خدمة عملاء رائعة رائعة
الأسعار كالتالي :
شارب 2,25 حصان بارد فقط 4250
3 حصان 4800 بارد فقط
3 حصان بارد ساخن 5300 جنيه
كارير :
2,25 حصان بارد ساخن 4300
3 حصان بارد ساخن 4900
دي الأسعار اللي لقيتها تختلف من محل لآخر وأنت وشطارتك بس تعمل حسابك في سلك ومفتاح أوتوماتك في الحيطة وكهربائي كلهم هيعملوا حسبة 150 جنيه حسب طول السلك كمان خللي بالك من حاجة مهمة أثناء التركيب تأكد من أن الفني معاه ميزان ماء عشان يعدل الميل بتاع الجهاز ويفضل تتأكد مالحكاية بنفسك قبل ما يخرم في الحيط أو قوله يوريك الميل بعد كدة تأكد من أن الوحدة الخارجية متثبتة كويس وفي مكان بعيد عن الشمس ومصادر المياه زي المزاريب والخ وطبعاً لما يجي يركب يتأكد ان مفيش عربيات واقفة تحت منه عشان لو حاجة وقعت متدفعش أنت حق تصليح العربية دة لو كنت هتركبه على الشارع .