هل بنزين 90 فى ضرر للسياره من أستخدامه

نصحنى أحد الاصدقاء بأستعمال بنزين 90 وهو كان عامل زيي كده أول ماجاب عربيته الفيرنا كان بيحط 92 وبعد كده حول الى 90 وقالى أن معدل أستهلاك السياره لل 90 بيكون أقل من 92 يعنى لو العربيه بتعمل 270 ك فى الصفيحه من 92 طوالى ممكن تعمل 300 ك لو بنزين 90 فما رأيكم فى هذا الموضوع لأن بصراحه استهلاك العربيه عالى شويه خاصه فى الداخلى وأنا عامل لحد الان حوالى 1400 ك وهل فعلا أستهلاك السياره هيتحسن قدام شويه ولا ده كلام لآن المهندس قالى وأنا بعمل صيانه الالف صعب الحكم على هذا الموضوع والعربيه يدوب عامله 1000 ك أفيدونا فى هذا الامر وجزاكم الله خيرا

ما فيش ضرر من استخدام ال 90 واستهلاك البنزين نسبي من عربية للتانية وعلى حسب ظروف الطريق وطريقة القيادة ...

هو اللي اعرفه ان استهلاك البنزين بيكون عالي خاصة في اول 5000 كيلو.........
بالنسبة لبنزين 90 انا معنديش معلومات مؤكده بس من واقع تجربتي مع البنزين ان 95 استهلاكه احسن من 92 و92 افضل من 90 وهكذا ده اللي اعرفه والله اعلم واستنى رأي الخبرا يفيدوك اكتر مني ان شاء الله......

بالظبط انا أول ما استلمت السياره من المعرض فولت السياره بنزين 90 لكن وجدته بيأخر كهربه الموتور فسالت فى التوكيل قالو ننصح بتموين السياره ببنزين 92 وليس اقل وانا الان بمون السياره ببنزين 95 من حوالى العام والنصف وما شاء الله السياره فى حاله ممتازه واستهلاكه افضل من البنزين 90 و 92 يعنى داخل البلد ال20 لتر بتعمل حوالى 253 وبتعمل 327 فى الطوالى بس هو انت ممكن تمون بنزين 90 عادى ولو حسيت بتأخير فى كهرباء الموتور ممكن يتظبط فى التوكيل ما فيش مشكله ودا بيرجع برضو لطريق القياده ان كانت هادئه او عنيفه

متابع باهتمام و فى اننتظار راى الخبراء

برضه بالتجربة فعلا بنزين 90 أوفر

متنسوش يا جماعة ان ال92 بتقل فيه نسبة الرصاص وبالتالى , حالة العربية بتكون افضل فى السحب والجرى وتوفير البنزين عن 90

واكيد ال95 حيكون افضل كمان بكتيررررررررررررر , وكان نفسى احطه بس غالى ومش متوافر كمان مش تلاقيه فى كل المحطات
لان فعلا ال95 ممتاز جدا واداء العربية بتختلف معاه للافضل

يفضل ال 92

بفضل 92 وكمان فرق السعر بينه وبين 90 قليل جدا

اقتباس:

---

المشاركة الأصلية كتبت بواسطة elsayed

بفضل 92 وكمان فرق السعر بينه وبين 90 قليل جدا

---

افتكر انة مكتوب فى ارشادات السيارة يجب عدم استخدام بنزين اقل من 92


95 بكااااااااااام دلوقتى
هل احسن ولا حيكون حامى على الماكينة

بنزين 90 وفر معايا كثير

هل فيه ضرر يا جماعة من استخدام ال 90 علما بان الناس قالت هيعمل استهلاك افضل (فرق 30 كم فى الصفيحهعن ال 92)

بالطبع بنزين 92 أفضل و فرق السعر بين بنزين 92 و بنزين 90 لا يذكر بالمرة

92 بلا منازع .... بدون تفكير و الفرق 2 جنيه في 40 لتر

انا معايا 2004 ومكتوب في الكتالوج يفضل استخدام بنزين 92 اوكتين فما فوق بس 90 بيوفر عن 92 في الاستهلاك بس الفرق مش كبير في الاستهلاك والسعر وخصوصا اعتقد ان الشوائب في 92 افل من 90 ثاني حاجه مكتوب يفضل استخدام بنزين 95 اوكتين بصراحه انا كنت بستخدم 90 فتره كبيره لحد ما شوفت الكتالوج غيرت لـ92 اما بالنسبه للفرق في الاداء مش كبير يعني مش حاسس بيه تقريبا اما بالنسبه للعربيات اللي بتستهلك بنزين يفضل الكشف على شمعات الحرق حتى لو العربيه لسه جديده لأنها لو في حاله مش كويسه او مرطبه استهلاك البنزين بيزيد

الاستهلاك يفرق حسب طريقة الضغط على دواسة البنزين و كمان السرعة والحمل على الموتور
استخدام 92 للسيارة افضل من 90.اوكتين
وشكلهم لو حيشيلوا الدعم :U_thin1[1]: هسيب العربية مركونة وأزرعها بطاطس أوفرررررررررر

اقتباس:

---

المشاركة الأصلية كتبت بواسطة hobaz

هو اللي اعرفه ان استهلاك البنزين بيكون عالي خاصة في اول 5000 كيلو.........

كلام مظبوط 100 100 أنا عربيتى فيرنا 2010 أول ما جبتها كانت بلااااااااااعة بنزين و حاليا أنا عامل 6800 كيلو و الإستهلاك تمام هابقى احسبه وأقولك

بالنسبة لبنزين 90 انا معنديش معلومات مؤكده بس من واقع تجربتي مع البنزين ان 95 استهلاكه احسن من 92 و92 افضل من 90 وهكذا ده اللي اعرفه والله اعلم واستنى رأي الخبرا يفيدوك اكتر مني ان شاء الله......

مش عارف ليه مش بالع إن نسبة الأوكتين فى البنزين مالهاش دعوة بمعدل الإستهلاك

---

انا بأفضل ال 92 والفرق في السعر 2 جنيه بس في الصفيحة .. مرة واحدة بس كنت مسافر ومالقيتش في طريق العودة بنزينه فيها 92 فحطيت 90 ومالقيتش فرق واضح في معدل الاستهلاك لانه كان طريق طوالي..