معقولة ؟؟ الشاااي يعمل كده .... الحقوني

**m_waheed** · 24-05-2010 11:21 PM

اولا : سلام عليكم

كونت مسافر اسكندرية مش مصيف كان شغل

المهم كونت راكن العربية تحت عمارة وغيبت عنها حوالي 8 ساعات

ولما رجعت لقيت بقع شاااي مغرقة الكبوت والسقف

اقول ايه

ربنا يهدي الناس المهملة

المهم قولت لما ارجع ابقي اغسل العربية

وتاااني يوم روحت علي بنزينة فيها فرشة كببيوتر

المهم بعد ما الولد حط الصابون وغسل بالمية كونت فاكر ان الموضوع سهل وما فيش مشكلة زي اي بقعة

المفأجاة ان بقع الشااي زي ما هي

حاولنا نغسلها ببنزين

ما فيش فايدة

جيبنا بولش

ما فيش فايدة

الناس الموجودة في البنزينة قالولي خلي البهويجي يحاول يلمسها بالدوكو

طبعا حراام

دي بوية المصنع وحالة الفايريكة

يا جماعة يا تري اي الحل

بقيلي عشر سنين بسوق وأول مرة اشوف الحالة دي

ويا تري البقعة دي تروح ازاي ؟؟

وايه الحل ؟؟

**samirayad** · 24-05-2010 11:31 PM

أكيد الشاى ده مغشوش

أو فيه أقراص كيماويه مدوبه فيه

زى المهدئات وخلافه

**m_waheed** · 24-05-2010 11:38 PM

المشاركة الأصلية كتبت بواسطة samirayad

أكيد الشاى ده مغشوش

أو فيه أقراص كيماويه مدوبه فيه

زى المهدئات وخلافه

شكرا لسرعة ردك يا بشمهندس

بس المشكلة مش في الشااي

اعمل ايه في العربية

**sniperfox** · 24-05-2010 11:48 PM

هو حضرتك مجربتش الكمباوند او البوليش ليه ؟
سوال كمان هو حضرتك مبتشمعش العربيه ؟

**samirayad** · 24-05-2010 11:57 PM

جرب فوطه مبلوله سولار

**ali.mahmoud** · 25-05-2010 12:52 AM

والله انت صعبان عليا علشان اللى حصلك نتيجى اهمال

**m_waheed** · 25-05-2010 07:48 AM

المشاركة الأصلية كتبت بواسطة samirayad

جرب فوطه مبلوله سولار

السولار يا بشمهندس بيأثر علي البوية بتاعت العربية

اروح الوقتي اجرب حاجة وادعولي ربنا يسترها

احاول اجيب مية مغلية واحطها علي مكان البقعة
وبعد كده اشيلها ليمون مركز

اما البقعة تتشال وادعولي

او يحصل حاجة في بوية العربية

اواعمل شاااي بليمون

هم يبكي وهم يضحك

**A.Saad** · 25-05-2010 08:02 AM

انت متأكد انه شاى
اذا كان الشاى مش بيعمل بقع فى الملابس هيعمل كدة فى العربية

**shaddadfalcon1** · 25-05-2010 08:46 AM

بيتهيالي دي حصلت معايا بس كانت في الشنطه ورا
وسيبتها وراحت لوحدها مع الغسيل كل مره
وممكن تجرب حل المياه المغليه برده
والدي جربه في عربيته وكان عليها البتاع اللي بيترش علي الأسفلت مش فاكر اسمه ايه (تقريبا قطرات او زفت حاجه زي كده)