ياريت لو حد من الاخوه الاعضاء يدلني ازاي اظبط عربيتي الفيرنا او لينكان اسعار وصور لعربيات متظبطه
عرض للطباعة
ياريت لو حد من الاخوه الاعضاء يدلني ازاي اظبط عربيتي الفيرنا او لينكان اسعار وصور لعربيات متظبطه
تظبيط من اي نوع بالظبط شكل اداااء
والميزانية كام
معلش انا معلوماتي مش قد كده في الفيرنا اولا انا جايبها استعمال وفيها شويه مشاكل بسيطه تتعالج زي الاريال ومقبض الباب الي ورا يمين مش شغال وواحد صاحبي قالي لازم تعلي العربيه من ورا تقريبا بيتعدل حاجه في العفشه
ضبط الصوت والأنوار والفرش والكلاكس والكاوتش والدهان بس كده ..
نصيحة مني اهم حاجة في الفيرنا الثبات و دة بتغييير العفشة سبوووور و جنوط و تعريض الكاوتش و عن تجربة هتحس بفرق كبييييييييييير اوي و مبروك عليك
لالالالالا
اوعي تعليها دة غلط وهاتحس بيها في السرعات العليا
وبعدين الفيرنا اساسا خفيفة
متشكر لمتابعتكم لاسائلتي طيب اجيب منين الكماليات بتاعتها وبالنسباله لمقبض الباب اللي ورا ياتري اصلحه فين ويتكلف كام تقريبا واسعار الجنوط ال 14 كام تقريبا ووهل في انواع
ومعلش بقي انا تعبكم معايا
اولا مبروك انضمامك لاخواتك الفيرناوية
ثانيا انت عربيتك مواصفتها اية كاملة ولا لالا؟؟
ثالثا معاك كام؟؟
انا هقولك انا مركب اية فل
طقم جنوط 14 بالكاوتش 2400 جنية ( طقم الجنوط تايلاندى والكاتوش مش فاكر )
فوانيس سموك 250 جنية ( طقم فوانيس صينى ورشيتوا )
فوجات على شكل عدسة بالرنج بتاعتها 240 جنية
زينون فى الفوجات 285 جنية
فلتر هوا سبور 350 جنية ( ونصيحة منى بلاش بيسحب بنزين بس احساس تحفة )
عدادت الوان 2 لون ازرق واخضر عامل 250 جنية ( بيتباع دلوقتى 225 جنية)
طقم سوند بيتكون من كاسين بيونير 7150 ب1200 جنية
2 سماعات 400 وات بيونير ب 265 جنية
صب jbl فى صندوق بازوكا
طقم ستاير كبس ب 65 جنية وتفييم الزجاج الامامى ب20 جنية
جى ام 600 وات
ولسة فى خطة قادمة ان شاء الله
طيب لو مكنش يضيقك ممكن اشوف صوره لعربيتك ومتخفش انا هاتفرج بس مش هقلد ومتشكر اوي لمتابعتك
ومواصفاتها هي موديل 2004 كوري
1600 cc كامله اوتوماتيك
بس هي كل حاجه فيها بتاعتها مفيهاش اي اضاقات خارجيه
والسماعات اللي ورا الاصليه وعندي طقم سماعات كينوود 400 وات بس معرفتش يركبوا ازاي عشان افك دول واركب دول
مبروووووك
بلاش تعلى العربيه من ورا لان فعلا بحس بها فى السرعات العاليه
والحاجات اللى انت بتقول عليها زى مقبض الباب الوانى // حاجات كلها بسيطه
اهم حاجه فى العربيه الماتور اخباره ايه وسحب الاوتوماتيك عامل ايه بالظبط