الموضوع: مايميز سواقه البنات عن سواقه الرجاله

ياه الستات مبهدله العربيات ليه كدا

شكرا على الموضوع
الموضوع مكرر

ياريت يا جماعه زى ما بنتكلم على سواقه البنات والسيدات نبص لنفسنا الاول دلوقت بقى فيه رجاله تنقط فى السواقه اللى ماسك الشمال ونايم على الدركسيون واللى متنح واللى عايزك يخطيك من الشمال واللى مسنتر نفسه فى نص الطريق واللى وراه يولع
معلش كله بسبب التقسيط
وعلى فكره بقى فيه بنات وسيدات سواقين بجد وبحرفه ومهاراه

لسة شايف واحدة راكبة frv كانت مبهدلة واحد راكب نيو اكسنت وعلمت علية والواد معرفش يطلع منها ابتآ ابتأ
وانا كنت ماشى وراهم مكتفى بالمراقبة فقط :)))

لسه النهارده شايف اغرب حاجتين شفتهم فى حياتى من ساعة ما سوقت من عشر سنين
1- هانم فى الدائرى سايبة الدركسيون وبتتسرح ومش مركزه فى الطريق نهائى لدرجة اننا نزلنا من على كوبرى صقر قريش والاوتوستراد بطئ وانا ادامها قلت حتلبس فيا من ورا بس الحمد لله رجع ليها الوعى وفاقت من التسريح بفرمله ولو شفتوها وهى مخضوضه انا كنت باضحك والله ما هى ممكن تتفادى كل ده وتتسرح وتتمكيج فى البيت والذى منه قبل ما تنزل ولا حبكت حاجه تنقط
2- سبحان الله بعدها بخمس دقايق ربنا اراد انى مش افرح فيهم هذا الجنس الغير مفهوم حتى الان وانا عند مؤمن وانا كنت اول الاشاره ببص ادامى لاقيت بيه برده زى الهانم بس بيعمل ايه بقى بيحلق دقنه فى العربيه
لك الله يا مصر

المشاركة الأصلية كتبت بواسطة oilman

2- سبحان الله بعدها بخمس دقايق ربنا اراد انى مش افرح فيهم هذا الجنس الغير مفهوم حتى الان وانا عند مؤمن وانا كنت اول الاشاره ببص ادامى لاقيت بيه برده زى الهانم بس بيعمل ايه بقى بيحلق دقنه فى العربيه
لك الله يا مصر

أنا شفت واحد بيستحمى امبارح