تعبت مع الدايو ليجانزا و اعطالها و ارجو المساعدة العاجلة

**M.Zaher** · 10-06-2010 03:20 PM

المشاركة الأصلية كتبت بواسطة samirayad

ياترى شيكت على ال park /neutral switch

الموجود تحت السيلكتور

ليكون بايظ أو فيه مشكله فى ضفيرته اللى رايحه لوحدة التحكم

والمشكله دى منه

أو كنت بتعمل أى شغل فى منطقة السيلكتور بعد شرائك للسياره

زى عمل أرضيه للصالون مثلا

قصدك على ساعة الفتيس بلغة الميكانيكيه يا هندسه؟؟؟

**samirayad** · 10-06-2010 03:24 PM

المشاركة الأصلية كتبت بواسطة m.zaher

قصدك على ساعة الفتيس بلغة الميكانيكيه يا هندسه؟؟؟

والله أنا مش عارف بيسموه أيه
يا أستاذ : محمد

عموما هو مفتاح بيفهم وحدة التحكم بتاعة المحرك

السيلكتور أو الفتيس محطوط على أى وضع

ممكن يكونوا بيسموه زى مابتقول برضه

على أساس أنه بيقوم بوظيفه زى عقارب الساعه وبيعمل كونتاكت عن أوضاع السيلكتور

ومنه وحدة التحكم بتفهم وضع النقل

هل هو على ال p أو n أو d أو 1 ....وهكذا

**ahmedjumpo** · 10-06-2010 09:22 PM

طيب ايه علاقة السيلكتور بالتبطيل يا استاذ سمير

**samirayad** · 10-06-2010 09:28 PM

طيب أنا حسألك سؤال الأول علشان نفكر سواء برضه

أنت بدور مكنة العربيه والسيلكتور على أى وضع ....؟

لأن أنا ممعاييش أوتو

بس أاقدر أفكر معاك ( ونقتنع سواء برضه )

فهل تقدر تدور المكنه والسيلكتور على الوضع p مثلا

وياريت الأخ : محمد زاهر يخش معانا

لأنه معاه أوتو تقريبا

ومفيش شك حيفيدنا

لما نفكر مع بعضنا أحنا التلاته

**ahmedjumpo** · 10-06-2010 09:41 PM

بدور المكنه والسيلكتور على الوضع p و احيانا ال n كان لى استفسار هل من الممكن تكون فيه افياش مملحة و عايزة تتنظف و فى حاجة احب التاكيد عليها ان التبطيل مش عشوائى و لكن يحدث خلال الساعة الاولى من تشغيل العربية و 99% فى اول نصف ساعة معرفش الملحوظة ديه تفيد ولا لاء

**samirayad** · 10-06-2010 09:52 PM

ياريت تبقى تكبر الخط حاجه بسيطه بعد كده

وبالنسبه للمفتاح ده فهو موجود تحت السيلكتور

ومن أشارته

وحدة التحكم بتقدر تتحكم فى توقيت الشراره وهواء السلانسيه ( على الأوضاع p & n )

وفعلا ياريت تحاول تنظفه وتركبه تانى

أحتمال يكون الطرفين بتوعه مملحين فعلا ومحتاجين نظافه ( حتلاقيهم سلك لونه أحمر والتانى أسود )

وأشارته مش مظبوطه لوحدة التحكم

ومن هنا بيحصل الخلل اللى بيجى معاك أحيانا وقت أستعمال الفرامل

لدخولك فى مرحلة سلانسيه

______________

بالمناسبه أيه أخبار المكنه معاك على السلانسيه وأنت حاطط السيلكتور على ال p & n

ال rpm بيبقى ثابت فى كل مره بدور فيها

ولا ساعات ساعات

**samirayad** · 10-06-2010 10:01 PM

على فكره

حتلاقى الطرف الأسود للأتصال الأرضى مع جسم السياره وممكن

يكون مملح فعلا وعامل أتصال أرضى ردىء مع مجموعة الأرضى أو

مكان أتصاله بجسم السياره من تحت السيلكتور

والطرف الأحمر بتاع أشارة وحدة التحكم

غالبا العيب على وصفك وملابسات الموضوع

أنا أتوقعه بسبب السلك الأسود

عامل أرضى وحش مع جسم السياره ومبوظ أشارة المفتاح

**alexcdx** · 10-06-2010 11:48 PM

يا باشمهندس سمير
p/n ده ما لهوش علاقه نهائى طالما أن العربيه دايره خلاص يعنى ممكن و العربيه دائره احط السيلكتور على أى وضع من السبع أوضاع والعربيه عمرها ما حتبطل. الكلام ده فى بدايه الدواره فقط . ماتدورش العربيه غير على وضع p او n فقط والا يتم فصل دائره الكونتاكت.
فى لبس فى موضوع الشكوى أن عربيه الأستاذ بتبطل مع نزول ال rpm مش مابتدورش و الليجنزا مافيهاش ايدل كنترول موتور منفصل كله حته واحده فى مجموعه ال tps.
لو حضرتك من القاهرة الأستاذ محمد ممدوح ممكن يرشحلك ميكانيكيه كويسين جدا لأن أنا من أسكندريه.

**mgboss** · 11-06-2010 12:51 AM

السلام عليكم و رحمة الله و بركاته,

بص يا أستاذ أحمد, أنا قعدت تقريبا 4 شهور فالمشكلة دي بالضبط بس في عربيتي الفيكترا...

عملت زيك برده كل حاجة يقول عليها الميكانيكي والكهربائي كنت بغيرها.... و في الاخر مايطلعش العيب فيها.... و على فكرة كل المشاكل اللي عندك دي ممكن تبقى نتيجة لحاجة تانية محدش عارفها....

على العموم أنا هسالك سؤال يمكن يكون عندك نفس العيب اللي كان عندي ...

(استهلاك بنزين علي جدا) هل العربية عندك بتنقط بنزين من أي مكان؟

لو فعلا في بنزين بينزل من العربية يبقى دي تقريبا نفس مشكلتي ويمكن يكون نفس الحل كمان إن شاء الله ... شوف كده و إن شاء الله خير....

الله كريم,

**ahmedjumpo** · 11-06-2010 03:44 AM

الاخ mgboss هو فعلا مرة فولت و لاحظت نزول بنزين من جهة التانك و روحت للميكانيكى و غير الاولسية الموجود تحت الكنبة الخلفية و اعتقد انه من بعد كده لا يوجد تسريب.
بالمناسبة ايه العيب اللى كان عندك و كيف عالجته لعل و عسى يوضحلى و يقربلى الصورة بالنسبة للعيب اللى عندى و لك جزيل الشكر