هل ينفع تغيير الاكصدام موديل 2006 لي الاكصدام 2007 في لانسر البومه
وياريت اللي عمل كده يقولنا ازاي
او فين
هل ينفع تغيير الاكصدام موديل 2006 لي الاكصدام 2007 في لانسر البومه
وياريت اللي عمل كده يقولنا ازاي
او فين
بص ياباشا انا منت سألت المهندس طارق وقالى ينفع يركب وده هيتكلف 5000 جم في التوكيل وانا عن نفسي هعمل الموضوع ده كمان اسبوع وهقولك على التغيير بالظبط
أماكن خروم التثبيت مختلفة على ما أعتقد
لو اتصرفت فى الجزئية دى هيركب لأن الصنايعية أول ما الاكصدلم الجديد نزل كانوا بيركبوا القديم مكانه لو اتقطع فى حادثة لانه كان غالى
طب بالنسبة لوش العربية اكيد الشبكة لازم تتغير ولا ايه ؟
ينفع طبعا بس لازم تغير الشبكه كمان ولو كنت عاوز توفر يبقى تجيب النوع التايوانى لانه ارخص او تجيب واحد استيراد ... علشان حرام تجيب اكصطدام ب 3000 جنيه من التوكيل
طيب الاستيراد في حدود كام كده ؟
كان في موضوع عامله ابو اياد عن الاكصدامات خلع التأمين بأسعار رخيصه جداً واصليه وممكن تلاقي بلون عربيتك كمان
انما كتير جداً انك تدفع 5000 جنيه في التوكيل لمجرد اكصدامات
طب ياجماعة طقم الجريد الجانبي اللى في 2007 الاصلي بيتباع فين ولو جديد فين وبكام ولو استيراد برده فين وبكام ولكم جزيل الشكر
بص يا بااشا العربيه الانسر بوما دي مفيش اكتر من قطع غيارها متوفره في كل مكان زي الرز
انا عربيه صحبي لسه مخبوطه الاسبوع اللي فات من ورا والخبطه جابت الربع الوراني كله
عملنا السمكره بتاع الربع في مركز خدمه معتمد من التوكيل في اسكندريه اسمهم الصفوه
ودول بصراحه ولاد ستين حراميه بالاخص المدير بتاعهم اللي اسمه وائل راجل مستفز وقليل الادب اوووي المهم السمكره اخدت 6000 جنيه ولما السمكري بتاعنا شافها حلف بالله كان ياخد فيها 300 جنيه وفي الحال سحبنا العربيه من الحراميه دول وكملناها عند السمكري بس بعد ما اخدو مننا 6000 جنيه
المهم مش هطول عليك عشان افيدك احنا نزلنا الحرفيين لبتوع قطع الغيار والاستيراد وكده
كل الناس قالت لنا كده كده الاكصدام بيتكسر لو عربيه ريحت عليك يبقا هات التايواني وجبنا 2 فانوس خلفي تايواني كريستال شفاف وكملنا طقم سرفيس للعربيه وبصراحه التوكيل غالي جدااا ولو فعلا انت عايز التوكيل يبقا تطلع على المركز الرئيسي في قليوب عالمهندس طارق راجل محترم وزوق اوي ولو ناوي تعمل زي ما عملنا يبقا تطلع عالحرفيين وتسال عند كله لان هناك في اختلاف اسعار رهيب انا سالت عند الكل واستقريت على واحد كان ارخصهم لو عايو رقمه ابعتهولك المهم قطع الغيار اسعارها اهي
العربيه بومه 2005 سوبر اكشن بها عتب جانبي فقط وليس بها العتب والكساحات الاماميه والخلفيه
اكصدام خلفي تايواني 110
فانوس خلفي كريستال شفاف تايواني 120
طقم السيور كامل كاتينه وباور ودينامو 105 ماركه صن ياباني
فلتر هوا 45 مكتوب عليه ياباني بس حاسس انه تايواني
فلتر بنزين 165 مكتوب عليه ياباني بردو بس البياع بيقول انه حلو لكن مش اصلي
تيل فرامل امامي هاي كيو 70 كوري
وانا بردو لي راي خاص الكماليات هاتها تايواني لانها هي هي لكن الاساس في العفشه واداء العربيه خليه اصلي وفي الاخر القرارا ليك
ومنهم لله الحراميه بتوع الصفوه لطشو مننا 6 الاف والعربيه السمكري خدها هتتسمكر بالكامل وتترش ويركب فيها قطع الغيار اللي كتبتها ب3000 جنيه ربنا ينتقم منهم يارب
بالنسبه للتركيب مافيش اى اختلاف نهااااااااااااااااااائى
بس لازم تجيب الاكصدام بالفريم بتاع الشبكه بالشبكتين
وفى عضو معانا بعد ما عرفته موضوع اكصدامات خلع التامين نزل واشترى الاكصدام الامامى بالفريم بتاع الشبكه بالكساحه وطبعا اصليين واخدهم ب 650ج واشترى الشبكه جديده بس مش عارف سعرها كام