مساعده من خبراء النوبيرا عاجل مقصات النوبيرا

السلام عليكم ورحمة الله وبراكاته

بعد التحيه الطيبه وبعد

عند استفسار بخصوص جلب مقصات الدايو نوبيرا 2

جلب المقصات بقت خفيفه جدا لدرجه اني لما اجي اخد غرزه العربيه بتحدف مني جامد دا غير احساس عدم الثبات الي بقى بيبدأمن 70 kmph

فدلوقتي انا موش عارف قدامي طريقين لحل المشكله
1. اني اغير جلب المقصات بس
2. اني اغير المقصات كامله

بالنسبه لتغير جلب المقصات هل فى حالة شحط الجلب الجديده بدل التالف هتنتهي المشكله وهترجع تظهر تاني بعد اد ايه ؟؟

فى حالة تغير المقصات كامله المقصات الاصلي فى التوكيل ب 600 جند دا غير طبعا المصنعيه بس موش عارف هل هى gm ولا لا


العفشجي الي بتعامل معاه برا التوكيل قلي فى مقصات اسمها srt او str موش فاكر بالظبط وقلي انها تمام وركبها لكذا عربيه نوبيرا وكتير شكروا فيهم

وفى المنتدا هنا سمعت عن المقصات الاسباني ودي لا اعلم عنها شىء ولا حتى لما رحت اسأل حد دلني عليه واول ما اقله مقصات نوبيرا اسباني يجليه صدمه (حزومبوليه) ويفقد الاحساس بالزمان والمكان ويتنح كان قلت حاجه فضائيه وهنا برده قريت حاجه اخطر ان المقص الغير اصلي دا الي هوه الاسباني تقريبا بيبقى ضعيف جدا وممكن يتكسر بسهوله من مطب او نقره فى الارض فتلاقي نفسك مدمر الجي ومدغدغ الدي فا ياجماعه يا ريت الي معاه نوبيرا وغير فيها جلب او مقصات يدلني ودا طبعا مع رجاء باسم الماركه بتاعت الحاجه ومكان صنعها واسعار + المصنعيه واكون شاكر جدا ليكم

لو حد جرب المقصات ال str يقولي ومنتظر مساعدتكم عشان الصيف داخل ولازم اظبط العربيه قبل الصيف اتقأءا لشر الطريق اللهم احفظنا جميعا اللهم امين
انا من طنطا يا جماعه
فى انتظار خبراء النوبيرا والدايو ومستشارانا ممدوح باشا وسمير باشا

:B4_444:

معتقدش ان المشكله اللى عندك دي بسبب جلب المقصات

المقصات الاسبانى دى فعلا مش عند اى حد
موجودة عند ابو الحسن فى بين السريات, ش المرور الدقى
سعرهم 450 جم

انا سمعت فعلا عن مقصات ctr بى 350 جم بس معرفش اخبارهم اية
بس عموما مركة ctr معروفة جدا و هيا البتعمل بارات المفصات و الدركسيون

(فأعتقد و الله اعلم هيكونو كويسين) لانك لو جبت بارات مقص هتكون ctr

بص يا باشا عن تجربه اوعى تشتري المقصات الكوري علشان انا اشتريتها ومكملتش معايا سنه

قدامك حل من الاتنين انك تعمل تعديل قالي عليه الميكانيكي بتاعى ان بيركبلها جلب فورد امريكي

والجلبه الواحده ب 50 جنيه يعني علشان تغير الاربع جلب ب 200 جنه + مصنعيه 50 = 250

او تشتري احسن المقصات الاسباني وهى فعلا سعرها 450 جنيه عند ابو الحسن وديه اللي متجربه

في المنتدي والناس كلها بتشكر فيها جدا

موضوع الجلب انا جربته ما كملتش ثلاث شهور وباظت
المقصات الاسبانى انا مركبها بقالها سنه تقريبا و الحمد لله مافيش مشكله

اقتباس:

---

المشاركة الأصلية كتبت بواسطة moh_zaher

معتقدش ان المشكله اللى عندك دي بسبب جلب المقصات

---

+++++++++++++++++
انا كانت عندى جلب المقصات بايظة ومع ذلك عمرها معومت العربية على الطريق
هيا اللى كانت بتعملة كنت بحث ان جسم العربية بيتحرك قبل العجل الامامى واحساس بالتكسير غير عادى.
على فكرة انا لما حليت المقص كانت الجلب عاملة زى المهلبية ومع ذلك مكنش فية عومان. والله اعلم

اشتريت مقصات اسبانى والحمد الله ماشى الحال بس بردو دوخت عاليها يمكن عشان انا من الاسكندرية
والعفشجى اللى بتعامل معاة بيتعامل مع العيب دة بتبديل الجلب بجلب تويوتا عيون
وواحد جارى مركبهم عندة وشغالين تمام.

معلومات عن عفشة العربيه عشان نقدر برده نحكم

العربيه موديل 2008

بعد 7 شهور من اول ما جبتها وهى زيرو المساعدين الامامي ضربو والحمدلله ودا بسبب اني كنت لسه مكنتش اعرف الطرق والمطبات وتم تغيرهم بطقم امامي منارو ابو 700 جند + مصنعيه 35 جند


المهم فى اول 2009 فى صيانه ال 20 الف ظهرت مشكلة جلب المقصات بس التوكيل قلي متقلقش منها حالا هتفضل شغاله معاك بس رحت فى اكتر من مكان عشان اظبط زاويا وكلهم قالولي موش هينفع عشان الجلب خفيفه والعجل بيفتح ويقفل لوحده

اول ما الراجل ينزل عشان يبدأ يظبط يختبر جلب المقصات وطبعا النداء المعهود (انزل بعد اذنك يا بشمهندس فى مشكله ) فما كان مني الا اني افضل ماشي بيها كدا من غير ظبط زاوايا وانا لحد الان لا اعلم شىء عن زبط الوايا غير انها بتظبط اتزان العربيه وبالرغم من كدا كنت بسافر بيها على سرعات عاليا ومعدل المشي الطبيعي 120-140

وذهبت لاكثر من عفشجي عشان اشوف العفشه كلها دا غير طبعا التوكيل يمكن يكون فى عيب غير الجلب

وفى التوكيل يقلي احنا بنغير مقصات عالطول مفيش تغيير جلب

وبرا تلاقي فتوى باشكال وانواع

المهم انا دلوقتي من (((((طنطا)))) وطبعا عاوز اريح دماغي من المشكله دي لاني خلاص العربيه حاسس انها بتقلي الحق نفسك انا مليش دعوا هههههههه ربنا يسترها

فا رايكم ايه هل اركب ال ctr واتوكل على الله ولا اعمل ايه انا بصراحه عاوز المقصات الاسباني بس موش لاقيها خالص عموما عقبال ما الردود تيجي انا هدور على النت على موضوع المقصات دا

انصحوني يا جماعه

لو حد يعرف معلومات عنها فى طنطا او المنصوره يقلي عشان اتحرك بالعربيه ولكم جزيل الشكر والامتنان

متاااااااااااابع

انا هقولك النصيحه غير الجلب انا عن نفسي مغي الجلب مرتين

انا كان عندى نوبيرا 2 موديل 2001 زير وكنت بمشى احسس عليها بدون مبالغه كنت لما يجى مطب بيبقى هاين عليا انزل اشيها من على المطب عشان ما تتهنش ومع ذلك لمل وصلت لـ 20000 كم جابت جلب مقصات وخبط وترزيع على كيفك

انزل ياباشا القاهرة وجيب المقصات الاسبانى من هناك المشوار مش كبير يعنى عشان تكسل

تغير الجلب افضل من تغيير المقص بالكامل لانى معروف ان النوبيرا بتاكل جلب بالبلدى وانا مغيرهم بقالى سنه ونص وزى الفل بتشتري الجلب بحوالى 60 جنيه وتروح للميكانيكى يحلهم وتروح عند خراط يكبسهم (الواحده 7 جنيه) بعد الفصال طبعا وبعد كده الميكانيكى يرجعهم مكانهم + ضبط زوايا واتزان وكله هيبقى تمام ان شاء الله عن تجربه

المقصات في التوكيل ليست ج ام وانما س ت ر وعلى فكرة حلوة انا جبتها ومركبها من حوالي اربع شهور وزي الفل عليك بتغيير المقصات فورا وضبط الزوايا خشية العومان سترها الله معك ومعنا الطريق غير مضمون

فعلا يا مستر ياسر اانا سمعت ان المقصات الي فى التوكيل موش gm ولكن ctr ودا الي عرفته النهرده بعد لف ودوران وتخيل بيبعوه فى التوكيل على اساس انه Gm والي يضحكك اكتر انهم بيبقى حطين المقصات فى كيس كدا مكتوب على gm بالبنط العريض

المهم كتير نصحوني بتغير المقصات ب ctr وخلاص ان شاء الله ناويت على كدا

واشكركم جميعا والله يعني انا لسه كانت الموضوع النهرده والحمدلله اتحل النهرده منتدى رهيب واعضاء زي الفل ربنا يسترها معانا جميعا ويقينا شر انفسنا وشر الطريق اللهم امين

اقتباس:

---

المشاركة الأصلية كتبت بواسطة speed3001

فعلا يا مستر ياسر اانا سمعت ان المقصات الي فى التوكيل موش gm ولكن ctr ودا الي عرفته النهرده بعد لف ودوران وتخيل بيبعوه فى التوكيل على اساس انه gm والي يضحكك اكتر انهم بيبقى حطين المقصات فى كيس كدا مكتوب على gm بالبنط العريض

المهم كتير نصحوني بتغير المقصات ب ctr وخلاص ان شاء الله ناويت على كدا

واشكركم جميعا والله يعني انا لسه كانت الموضوع النهرده والحمدلله اتحل النهرده منتدى رهيب واعضاء زي الفل ربنا يسترها معانا جميعا ويقينا شر انفسنا وشر الطريق اللهم امين

---

نصيحه ياباشا لو هاتغير المقصات هات الاسباني وريح دماغك من حكاية تغير الجلب كل فتره
ومعلش دور بدل ماتيجي بعد سنة ولا حاجة تلاقي نفسك عايز تغير تاني
مش هاتغرم حاجة يعني لو نزلت لحد ابو الحسن اللى في بين السرايات مشوار خفيف
ولو مش هاتغير المقصات خلاص اعمل التعديل بتاع جلب المرسيدس او بتاعت التويوتا

اشكر الجميع على الاهتمام والمشاركه والردود المفيده بس الموضوع كله اني عاوز اظبط العربيه تمشي معايا لشهر 10 القادم ان شاء الله لاني ناوي ابيع فى الفتره دي

النهرده رحت لعفشجي تمام وراني المقصات ال Ctr وقلي على الفرق بينهم وبين الاصلي الكوري

والفرق فى خامة الكاوتش بتاع الجلب اقوى وامتن من الاصلي حتى الاصلي وهى جديده تحسس انها زي المهلبيه

المهم برده موضوع جلب المقصات دا لقيته على النت بس فى عربيات bmw موش فاكر كام موديل كدا فيهم نفس مشكلة النوبيرا بيكلوا جلب المقصات وكان عنوان المشكله {control arm bushing }
واتحلت بتغير بمقصات من شركة متخصصه.

عموما خلال الاسبوع دا ان شاء الله هعمل التغير واقلكم على الي هيحصل وهحاول اعمل الموضوع بالصور

اشكركم مجدد


اللهم احفظنا من شر انفسنا وشر الشيطان الرجيم وشر الطريق .اللهم امين

متابع باهتمام