صباح الخير على احلى منتدى
معلش يا جماعة اول مرة اروح الساحل الشمالى حد بس يقولى اروح من عين شمس الى الشاحل الشمالى ازاى بالتفصيل
وربنا نايوقعكو فى لجنة ردار :M_yes[1]:
عرض للطباعة
صباح الخير على احلى منتدى
معلش يا جماعة اول مرة اروح الساحل الشمالى حد بس يقولى اروح من عين شمس الى الشاحل الشمالى ازاى بالتفصيل
وربنا نايوقعكو فى لجنة ردار :M_yes[1]:
حضرتك هتمشي في جسر السويس لحد اشارة روكسي هتخش يمين تكمل علي طول وتطلع كوبري الطاهرة وتكمل علي طول لغاية اخر الشارع السواح هتخش يمين في شمال لحد عبود
تطلع من عبود شمال علي الكورنيش تكمل لغاية كوبري 15 مايو (طلعته علي اليمين) هتطلعه وتكمل في علي طول هتلاقي نفسك في المحور
اخر المحور تنزل يمين في طريق مصر اسكندرية الصحراوي
لو انت رايح الساحل قريب من مارينا هتكمل في الصحراوي لغاية بعد الرست تخش شمال وتخل طريق العلمين وادي النطرون اخره مارينا
لو رايح في الساحل حاجة قريبة من اسكندرية يبقي تكمل في الصحراوي لفاية الكيلو 21 وتدخل شمال في طريق الساحل القديم
توصل بالسلامه واي استفسار انا تحت امرك
متشكرين جدا
معلش سمعت ان فى دخلة للمحور من ناحية المطرية بس مش عارف الكلام دة صح والا لآ؟؟؟؟؟؟
كلام مضبوط فعلا خد الدائرى من المرج الجديده اسهل بكتير من انك تروح عبود والكورنيش
اول ما توصل المرج القديمه هتفضل ماشى جنب سور المترو هتلاقى كوبرى صغير قدامك اسمه كوبرى محمد نجيب اطلعه وكمل على طول هتلاقى الدائرى فى وشك
خد الطلعه اللى على الشمال وافضل ماشى على الدائرى لحد ما هتلاقى يفط بتقلك المتجه للمحور يلزم اقصى اليمين
خد اقصى اليمين وانزل نزله المحور وخليك ماشى على المحور واول نزله تقابلك انزلها هى دى نزله القاهره اسكندريه الصحراوى
والمشوار ده كله من المرج الجديده لطريق اسكندريه الصحراوى مش هياخد معاك ساعه زمن ان شاء الله
وخلى بالك من الرادرات على الدائرى والمحور وربنا معاك
متشكرين جدا يا شباب
مصيف سعيد للجميع