ماذا تفعل لو كنت مكانى

**batistota99** · 25-05-2010 10:58 AM

السلام عليكم و رحمه الله
انا بقالى فتره عايز اشترى عربيه بس بقول استنى لما موديلات 2011 تنزل خصوصا لما اتفرجت على صور الافنتى الجديده ( النترا عندنا) و صور فيرنا 2011 ( نيو اكسنت عندنا) فا انا عندى تخيل للاسعار فا ياريت تفكروا معايا لان انا بتوقع الاتى:
اولا: الفيرنا اللى بتتجمع فى مصر الان يتوقف تجمعها و يحل محلها النيو اكسنت اللى بتتباع حاليا و تتجمع فى مصر و ينزل سعرها يبقى فى الستينات
ثانيا تنزل ال فيرنا 2011 ( نيو اكسنت الجديده) بسعر النيو اكسنت القديمه و تبقى فى رنج التمانينات
ثالثا: تنزل الافنتى الجديده (النترا عندنا) بسعر من 90-100 الف علشان تنافس السيراتو و الكروز

بس اللى انا مش قادر احدده هما هايعملوا ايه فى الالنترا الحاليه مش عارف هايبقى سعرها كام و هل هاتفضل تنزل و يبقى سعرها زى ما هو فى رنج التمانينات والا لا

نرجع ليا انا بقى بما انى الرنج بتاعى من 70- 80 الف فابفكر استنى لان لو الكلام اللى انا متوقعه ممكن يتحقق فى الحاله دى يبقى احسنلى انى اجيب فيرنا 2011 ( نيو اكسنت عندنا ) بدل ما اجيب دلوقتى نيو اكسنت 2010 و بعد كام شهر تتجمع فى مصر و ينزل سعرها ل ستينات

يا رايت تفكروا معايا و تقولولى رايكم

**hamada007** · 25-05-2010 11:21 AM

بقولك إيه انا كنت عامل زيك وفي الاخر توكلت على الله وجيبت النيو اكسنت وبعدين جيب الكورى قبل ما تتقفل هنا وانت فاهم تقفيل بلدكم بيبقى عامل إزاى

**mohamed_mohsen** · 25-05-2010 01:47 PM

المشاركة الأصلية كتبت بواسطة hamada007

بقولك إيه انا كنت عامل زيك وفي الاخر توكلت على الله وجيبت النيو اكسنت وبعدين جيب الكورى قبل ما تتقفل هنا وانت فاهم تقفيل بلدكم بيبقى عامل إزاى

كلام سليم....بفرق الفلوس أنت هتشتري تقفيل نضيف و راحة بال و مشاكل أقل,,,توكل علي الله و الحق اشتري قبل ما العامل المصري إيديه تتمد في العربيه.... و ربنا يوفقك

**Hosam_Optrawy** · 25-05-2010 01:51 PM

انا توقعاتى كالتالى

توكيل زى غبور هايعمل السيناريو دا

ينزل الالنترا الجديده بسعر عالى ( فوق ال 100 الف )

وهو حاليا رفع سعر الأكسنت سبورت 2011 بقى سعرها من 84 الى 90

والنيو أكسنت الشكل الحالى 2011 من 80 الى 86

كدا بقت الفئه بتاعت الالنترا الحاليه ( من 90 الى 100 الف ) هاتبقى فاضيه ومفيهاش منافسين

وهى دى الفئه اللى غبور هايحط فيها الأكسنت 2011 عشان تحل محل الالنترا الحاليه 2010

وبكدا هايبقى عنده منافسين فى جميع الفئات

فانا رايى لو النيو أكسنت حاليا عاجباك

الحق هاتها وهى تقفيل كورى وعليها تخفيض ( مانيوال 76 اوتوماتيك 82 )

لانها لو اتقفلت فى مصر صحيح سعرها هايرخص بس برضه قيمتها هاتقل , وعربيتك الكورى هايبقى ليها ميزتها وهاتحتفظ بسعرها

اما الالنترا الحاليه غالبا هايتوقف انتاجها زى ما حصل مع اللى قبلها واللى قبلها