والله شرحك ده خلانى شفت الحادثه بالتفصيل بس ياسلام لوكنت أخدتلك صورتين تبقه فرود
نفسى بس اللى بيتكلم على الميجان يشوف ويسمع
رقم العضوية : 10673
تاريخ التسجيل : 14May2008
المشاركات : 70
النوع : ذكر
الاقامة : Alex
السيارة: Logan 2009 Two Cars
السيارة[2]: Seat Ibeza 94
الحالة :
اولا : ايه اخبار الوحوش جميعا معلش انا مقصر شويه فى المشاركات بس انا وقتى ضايع ضايع ياولدى يا اما فى الشغل او سايق او نايم ولو دخلت المنتدى بقرا بس كده على السريع واطلع تانى
وانا رايح ماموريه كده على الماشى ( فى البحر الاحمر ) وقبل محافظه البحر الاحمر عدى جنبى واحد بميجان بانوراما طاير انا كنت ماشى 100 ( العبد لله ممكن يكون اكتر واحد فى مصر بيلتزم بقوانين المرور ) المهم حب ياخد غرزه على السرعه دى بين لادا وعربيه تانيه
وتقديره مكنش مظبوط واللادا قفل عليه وخبطه فى الرفف اللى ورا بقوه وعلى السرعه دى خبطه زى دى تضيع اكبر توازن
المهم الادا لف نص لفه وهوب فى الميجان والميجان مش عايز اقول قعد يتشقلب قد ايه وطلع بره السكه وكمان اللادا طلع بره ودخل فى يافطه كده حديد
وقفت وكان واحد ورايا معاه ناس فى تويوتا مشروع وقف وطلعنا نجرى على الميجان بحكم المنظر المروع اللى شفناه
اول حاجه رحنا لصاحب الميجان لقيناه فتح الباب والعربيه مقلوبه وطلع انا مش عارف ازاى !!!! انا قولت الراجل دا بقا كفته واللى يجن اكتر ان العربيه مش متخرشمه يعنى كام خربوش تقيل شويه على كام حته معوجه والرفرف اللى ورا طار بس سليم !!! وطبعا كان فى دخان طالع من العربيه وزيت متسرب وكدا
بقول لصاحب الميجان انت سليم مردش اخدته من ايده علشان يقف وقف عادى بس كان مخضوض من اللى حصل هوا كان متعور فى ايده كده حاجه بتاعت غرزتين !!!
شربناه ميه واكنه مكنش مصدق انه طلع من العربيه
نروح بقا بالكاميرا للعربيه اللادا طبعا وش العربيه من قدام بقا كفته والباب مش بيفتح طلعت اجرى على عربيتى معايا جرندر صغير كده اضطريت انشر حته من الرفرف الامامى كانت زانقه على الباب ومحدش حاول يطلع الراجل من الزجاج لانه كان تعبان ومتبهدل جامد وخفنا لنرفعه غلط يحصل مضاعفات لو حاجه مكسور فيه او حاجه
الاسعاف جت واحنا لسه بنطلع فيه وخدوه على طول والمثير للدهشه انا بتاع الميجان كان بيساعد معانا ومرديش يروح مع الاسعاف على اساس انه مفهوش حاجه وخلاهم يروحوا بالراجل التانى الاول بس هما ربطوله ايده كده علشان كان متعور
بعد ما فاق كده من تاثير الصدمه بقوله انت تحمد ربنا اولا انه نجاك ووفقك انك تركب العربيه دى ابتسم وقالى قال وانا اللى كنت عايز ابيعها العربيه دى ماتتبعش
رحنا بصينا عليها تحس ان مفهاش حاجه جمدا جبنا حبل وعدلنا العربيه ( ربطتها من فوق وجبتها على جنبها وبعدين على العجل طبعا شديتها بعربيتى اللوجان )
الكوميديا بقا انه دخل قعد فيها مستنى حد هوا كلمه حايجى يقطرها لا واللى جننى ان الكاسيت والتكييف شغال عادى بس طبعا العربيه ماداريتش
اطمنت عليه وقولتله متخفش بسيطه مش حتتكلف كتير شويه بويه على سمكره ولو حتغير الرفرف اللى ورا والميكانيكا روح التوكيل وبنظره سريعه ملقتش اى تلف كسر او شرخ ظاهرى بس طبعا محتاج يشيك بالكمبيوتر وكان رده ان شالله لو حتتكلف تمنها كفايه ان انا سليم وكان عنده حق
حبيت انقلكم حادثه وقعت قدامى واللى ضايقنى انى مع الاحداث نسيت اصور حاجه مكنش حد حيصدق ان العربيه دى اتشقلبت بتاع 5 مرات
رقم العضوية : 14751
تاريخ التسجيل : 14Jul2008
المشاركات : 239
النوع : ذكر
الاقامة : المعادى
السيارة: ميجان2 -2010
السيارة[2]: كارينز-2009
الحالة :
والله شرحك ده خلانى شفت الحادثه بالتفصيل بس ياسلام لوكنت أخدتلك صورتين تبقه فرود
نفسى بس اللى بيتكلم على الميجان يشوف ويسمع
رقم العضوية : 70823
تاريخ التسجيل : 17May2010
المشاركات : 153
النوع : ذكر
الاقامة : nasr city
السيارة: megane 2005 , beetle 1303
السيارة[2]: beetle 1200, beetle 1303s
دراجة بخارية: no
الحالة :
حقيقى لا تعليق .......
رقم العضوية : 66978
تاريخ التسجيل : 04Apr2010
المشاركات : 1,266
النوع : ذكر
الاقامة : Nasr City
السيارة: None
السيارة[2]: None
الحالة :
الستر من عند ربنا والله والحمد لله انها جت على قد كده........
I don't know the key to success, but the key to failure is trying to please everybody
رقم العضوية : 22719
تاريخ التسجيل : 20Oct2008
المشاركات : 3,543
النوع : ذكر
الاقامة : Egypt
السيارة: none
السيارة[2]: Accent rb
دراجة بخارية: none
الحالة :
ده مش غريب على عربية تحتل فيها اعتبارات الامان موقع مهم
رقم العضوية : 44725
تاريخ التسجيل : 10Aug2009
المشاركات : 5,325
النوع : ذكر
الاقامة : Triumph Sq. - Heliopolis
السيارة: لا يوجد
السيارة[2]: MEGANE EXTREME 2008
الحالة :
تجربة شخصية لأحد الزملاء العزاز ، أ / رامي طنطاوي :
http://www.nilemotors.net/Nile/502114-post33.html
السادة الزملاء عذراً لإمتناعي عن المشاركة ما حييت
abdelaalkhaled@yahoo.com
Khaled Abdelaal
رقم العضوية : 18427
تاريخ التسجيل : 09Sep2008
المشاركات : 2,370
النوع : ذكر
الاقامة : damanhour
السيارة: no
السيارة[2]: 131
الحالة :
ربنا يشفى بتاع الادا ويرجعة لاهلة بالسلامة
من اهم انجازات مبارك :
توحيد المصرين على كلمة حسبى الله و نعم الوكيل
محمد العصار
رقم العضوية : 1006
تاريخ التسجيل : 18Jun2007
المشاركات : 1,955
النوع : ذكر
الاقامة : middeleast
السيارة: n/a
السيارة[2]: n/a
دراجة بخارية: n/a
الحالة :
الحمد لله يا اخ كيكو ان مافيش خسائر فى الارواح ... فى الاول وفى الاخر ربنا ستر و ربك هو الحافظ فى كل الحوال ...
و اختيار سيارة عامل الامان فيها جيد ..دة مجرد اخذ بالاسباب ليس اكثر ..انما الحافظ الحقيقيى هو الله ...
و الحمد لله ان هذ الرجل طلع سليم ..كل دة بفضل من الله فى الاول و فى الاخر .
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
الايرباجات فتحت ؟
رقم العضوية : 10673
تاريخ التسجيل : 14May2008
المشاركات : 70
النوع : ذكر
الاقامة : Alex
السيارة: Logan 2009 Two Cars
السيارة[2]: Seat Ibeza 94
الحالة :
فعلا الحافظ هو الله والميجان مجرد سبب
والايرباجز فتحت طبعا
ومشكور سياده العقيد خالد على الاضافه انا مكنتش قريت موضوع الاخ رامى قبل كده
وان شاء الله عربيتى القادمه ستكون ميجان مع انى اكن كل الحب لحماله الاسيه لوجان والله لو احكيلكم اللى بعمله فيها محدش حيصدق
وعامه انا مش راكب غير رينو حتى لو قالوا ايه العمر مش بعزقه
المفضلات