عرض للطباعة
الاخوة الاعضاء الكرام ..
تنبيه الي كل مستخدمي طريق السويس و الكيلو 4,5 ....
لسه من حوالي ساعة كان فيه رادار بالكيلو 4,5 قبل محطة وطنية و اللجنة كانت واقفة هناك و شغالة تحصيل مش بس علي السرعة و لكن كمان امن و متانة يعني أي عربية بيوقفوها و يتلككوا لها
يمكن يكونوا مشيوا دلوقتي بس قولت أنبه حضراتكوا لأن ممكن ينقلوا لأتجاه تاني أو يكرروا الموضوع تاني
مع خالص تحياتي
م/ سمير الشهاوي
ربنا يخليك
بس هو متمركز هناك كتير
هوا فعلا المنطقه دي دايما بيكون فيها رادار
و فى الامن و المتانة بيشوفوا ابه بالظبط عشان ناخد بالنا
فين محطة وطنيه اللى عند 4.5 دى ... قصدك شل؟
محطة شل هي برضه اللي بتديرها وطنيةاقتباس:
المشاركة الأصلية كتبت بواسطة solly76
المهم اللجنة كانت واقفة هناك و الطريق طبعا كان واقف لمدة لاتقل عن نصف ساعة
العربيات اللي كانوا موقفينها علي اليمين كانت كالاتي :
- عربية الرفرف الشمال مخبوط و الامين واقف و عمال يسجل المخالفة
- عربية تانية (نيو أكسنت جديدة - نمر مؤقتة) وقفها و سحب الرخص - تقريبا سرعة
- عربية ثالثة (ماتريكس) - سايقاها واحدة ست و شكلها كانت بتتكلم في الموبايل فسحب الرخص منها و هي عمالة تحلف و تقسم أنها ماكانتش بتتكلم فيه
و كان فيه تشكيلة عربيات تانية : تاكسي أبيض - ميكروباص - ربع نقل - ملاكي
و كانت المخالفات مابين سرعة و حزام و غيره
أنا وقفني و سألني علي الطفاية و شاورت له عليها تحت الكرسي اليمين فقالي أتفضل
خلوا بالكم بقي لأن شكلهم ناوي علي نية :049:
ربنا يستر
مع خالص تحياتي
م/ سمير الشهاوي
شكرا ياباشا ع التحدير دا
بس هما بيخالفو ع الخبطات العربيه ليه !!!!
هو الواحد هيلاقيها منين ولا منين
ربنا يسترها معانا جميعا
لاحول ولاقوة الا بالله وربنا يحفظنا منهم والف شكر للتنبيه..........
يا ريت يا جماعة نعمل موضوع وليكن ده البداية للتحذير من الكمائن المفاجئة
ولما الكمين يتشال ننبه برضو
و انا مش همشي هناك لغاية اما اطمن :)
شكرا بارك الله فيك
شكرا يا سمير باشا علي المعلومة
ان شاء الله اخد بالي منها
بس انا عندي خبطة في الشنطة لسه جديدة تفتكر ممكن يوقفوني عليها
اخر الشهر بقا يا مان
انا لسا مقوقفيني امباريح في الزمالك عند برج ام كلثوم في الزمالك
و سألوني عن الرخص
يااااااه
الف شكر عالتحذير
يا ترى السرعه فى المنطقه ديه 60 ولا 90 ؟
على فكرة يا رجالة عاوز اقولكم حاجة مضحكة بس خلو بالكم ساعات لو فية لجنة رادار واقفة و انت معدى فى الاتجاة المعاكس للطريق فسعات بيرعش نور علشان الى جاى فى الاتجاة المعاكس يهدى و يأخذ بالة عارف لو شفوك حيسحبو رخصتك انت لانك زى الناضورجى سواق ميكروباس جدع عمل كدة بس زودها لانة قعد يشاور للناس الى فى الاتجام المعاكس بيدة و يرعش نور ولاد المؤذين و قفوة و لقينا احنا كمان لجنة فى الناحية بتاعتنا و عملولة مشكلة لو عاوز تنبة الاتجاة المعاكس نور ال دبل فلاشر الشباب المحترف حيفهم و ما فيش مشكلة تيجى عليك
??????????اقتباس:
المشاركة الأصلية كتبت بواسطة lion_heart
و هل لو الطفاية سألوا عنها و لاقوها جوه الشنطة فى مشكلة ( من ضمن التلاكيك ) ؟
مخالفةاقتباس:
المشاركة الأصلية كتبت بواسطة lion_heart
المفروض تكون فى متناول يد السائق
ممكن ياعيني الحكومة معذورة في قرشين عشان ديون مصرنا الحبيبية فتلم المعلوم من شعبها الطيب ...ههههههههههه
الكلام مظبوط 100 فى ال 100 يعنى لو طلعت الطفاية من شنطة العربية لو ضابط غلس ممكن يتلكك مفروض نعمل زى الميكروباص و بعلق الطفاية على القيم من جوة بص احسن حاجة خليها تحت الكرسىاقتباس:
المشاركة الأصلية كتبت بواسطة a.saad
ههههههههههههههههههههه
الحكومة بتلعب معانا استغماية
بس على فلوسنا
الحكومة : خلاويصصصصص
الشعب : ليييسسسسسسسسسااا
لحد ما نقول خلااااااااااااص بس ساعتها اعتقد موش هيكون فينا نفس نقولها اصلاً
احنا كدة بنتنضف بالطريقة
يارب صبرنااااااا
مش يشيلوا البلاوي الزرقا و الحفر و الأرض المكسرة اللي في طريق السويس الاول و بعدين يعملوا اللي يعملوه ؟