كنت ماشي من كام يوم علي الصحراوي عديت بالعربية 150 كم/الساعة لقيتها بترجرج و مش قابلة تزيد اكتر من كده ، واحد قالي انها عشان جاية من برة ( استيراد خارج ) فممكن يكون كارتتها مقفولة علي السرعة ديه ؟؟ ايه صحة الكلام ده من فضلكم ارجو الافادة
عرض للطباعة
كنت ماشي من كام يوم علي الصحراوي عديت بالعربية 150 كم/الساعة لقيتها بترجرج و مش قابلة تزيد اكتر من كده ، واحد قالي انها عشان جاية من برة ( استيراد خارج ) فممكن يكون كارتتها مقفولة علي السرعة ديه ؟؟ ايه صحة الكلام ده من فضلكم ارجو الافادة
العربية اوتوماتيك وال rpm شغال عادي و مفيش مشكلة
انتا مرصص العجل...؟؟؟
ان شاء الله يا مودي باشا و الف شكر علي مشاركتك يا باشا
مرصص العجل و الموضوع ده مالوش دعوة بالترصيص لان الدركسيون مش بيدردر في ايدي
انا شاكك انها عاوزه ترصيص للعجل
الله يخليك يا باشا و الامر لله وحده بس تفتكر انه يكون حاجة في الجيربوكس ولا لأ؟؟؟؟؟
لا يا باشا مش مغيرة حاجة و ماشية 59500 كم موديل 2003 اوتزماتيك
انا كان عندى نفس مشكله الرجرجه دة من 120 - 140 وبتروح بعد ال 150 بس الحمدلله بتعدى
وبردة كنت مرصص وكل حاجه زى الفل
توقعت ان فى حاجه فى العفشه وبعد ما دوخت غيرت الى كنت برصص عندة العربيه بقت زى الفل الحمدلله
ربنا يطمن قلبك يا باشا ، بس ديه رجرجة خنقة مش رصرصة تحس ان العربية بتدي و تاخد كده مع نفسها
دة ترصيس حصلت عندى قبل كده فى النوبيرا ...كانت بترج على 140 (بدون رج دركسيون)....اول ما رصصت راحت
هو 150 مش كفاية.
لو مركب جنوط احتمال يكون بسبب الجزء البلاستيك بيتحط بين الفردة و الصرة
الموضوع كله فى الترصيص لو كنت جبت كوتش جديد او جنوط
ومافيش حاجه اسمها العربيه جاى من بره مقفوله
انا سمعت ان كذا شخص غير حاجه اسمها بلو بلف و ديه عامله 14 الف جنيه و ديه بيقولوا انها عقل الفتيس و الناس دول غيروا الجزء ده عشان مغيروش زيت الفتيس ... فا احنا بنخلينا فى المضمون و بدل ما ندفع 14 الف جنيه فى قطع غيار بندفع تمن زيت الفتيس اللى مش هيعدى 500 جنيه و نخلينا فى المضمون عشان منعرفش ايه الظروف و الاجواء المناسبه للفتيس و الزيت بتاعه . و التوكيل كمان بينصح بتغيير زيت الفتيس كل 60000 كيلو
كريم باشا..الموضوع في الترصيص يا بيه..ملهاش تفسير تاني..لأن الموضوع ده كان عندي زمان ومكنتش بتعدي 140 بالساهل..كنت لازم أكارك معاها شوية.وبعد ما عملت الترصيص تاني يوم جربت وجابت الـ 210 تمام ( حاليا مش بتعدي 190 لو قعدت أطبل جنبها مش عارف ليه )
و الله ما عارف بجد يا جماعة بس الموضوع مش ترصيص و لا زيت فيتيس زي ما ناس بتقول زيت الفيتيس يتغير لو العربية بتنتش او كده و كمان الشركة الام بتقول زيت الفيتيس طول العمر. مش عارف و الله و هي مش قارية ولا عيب علي الكمبيوتر.
جرب عند حد بتاع كاوتش أعتقد واحد من الجنوط فيه رفــــة وهذه مشكلة لا تعالج بالترصيص بل بالإستبدال - كان عندي نفس المشكلة فى سيارة أوبل - التجربة بوضع العجلة على ماكينة الترصيص وملاحظة وجود الرفـة من عدمه - والرفة عادة بتيجي من خبطة عرضية في الجنط
احسن كده. بلاش تزود عن 150
بص يا باشا ..
زيت الفتيس ده اجراء وقائى للحفاظ على الفتيس ..
يفضل تغيره ..
بس هو ملوش علاقه بمشكله حضرتك ...
انا عاوزك بس تفهمنى الرجه دى عباره عن ايه ؟؟
جسم العربيه هو الى بيترج ؟؟
ور بتقطع فى السحب ؟؟
يعنى اوصفلنا الرجه ..
انا كانت الاوكتافيا بتترج كلها (جسم العربيه) بعد ال 150 ..
لدرجه ان لو حاطط حاجه فى العربيه الاقيها بتتهزر !!
بس غيرت كاوتش و رصصت ..
و راجع بيها 180 190 مفيهاش حاجه نهائى ..
ممممممممممممممم
طب بص جرب تطلع بيها شد من السفر
لو الاتوماتيك فيها اول و تانيو اكبس بنزين كانك بتشد مع واحد من الصفر
و قولي بقى الرجه حصلت و لا لأ
انا قصدي العربيه مفيهاش l و 2 و 3 و لا ايه
ماهي فيها 1 و 2 و 3 و ده اللي محيرني فيها و بتنقل عادي مافيش مشكلة بس تعدي الى 140 او 150 يحصل كانها بترجرج بس
انا قصدي انك تحاول تجيب اخر الار بي ام بيها هل نفس المشكله حتحصل
بص هي مشكله الرجرجه حتبقى غالبا حاجه من الات نقل الحركه
فعاوزك تحمل علىها في طلعتك يعني تجيب اخر الار بي ام في النقلات الاولى و ربنا المستعان
بص يا باشا العربية نقلاتها حلوة و كويسة معايا في المشي و السرعة بس لحد 150 بعد كدة بتلاقي العربية بترجرج و انا دوست امبارح عليها اكتر من كده ال rpm طلع اكتر من 5 عادي بس الرجرجة قلت لما دوست زيادة شوية.
من الاخر اخر الار بي ام في النقلات الاولانيه مفيهوش مشاكل
بص اطلع على التوكيل بقى لان الاحتمالات كتيره في الموضوع ده
روحت من شوية عند مركز متخصص لسكودا و قاللي طلمبة بنزين هي السبب بس انا كده عرفت و ارتحت الحمد لله
مممممممممممممم
طب هو عرف ازاي ان طلمبه البنزين هي السبب
هو قاس الضغط بتاعها و لا لأ
لان ده المفروض
متـــــــــــــابع
المشكلة دي حصلت معايا يا نجم و كانت بتنتش ع السرعات العالية و دخت السبع دوخات و غيرت رداخ البنزين و المشكلة كانت قائمة زي ماهيا مع اختلاف وقت الرجة او التنتيش من 120 الي 160 بمعني اني معنتش عارف احدد بتنتش علي سرعة كام والحل ربنا هداني لية و الحمد لله من بعدها اتظبطت و بقت تمام كان تغيير البوجيهات فا جرب و مش هاتخسر حاجة وان شاء الله تتظبط معاك
اولا الطريق دلوقتي علي الصحراوي بقا صعب جدااا ومليان تحويلات والسرعة 150 كتير عليه احذر الردار بيقعد علي الشمال مستخبي في الشجر وثانيا موضوع الرجرجة ده من الترصيص ولا داعي للقلق رصص عند حد معتمد واظبط الزوايا لو فيه رمي وربنا يسترها عليك وعلينا ولا داعي للسرعة الزائدة