ال f3 نورت الاسماعيليهاااااااااااااا ااااااااااااااااااااااااا ا

السلام عليكم :
الحمد لله والصلاه والسلام على سيدنا محمد (صلى الله عليه وسلم):

اخيرا بعد عناء وعذاب 7 شهور من التدوير والبحث فى كل انواع العربيات فجاة لاقتنى استقريت على الجميلة BYD F3 بعد لما شفت اد اية العربية دة جميلة وتستحق الشراء .

ولكن اسمحولى قبل ما ادخل فى تفاصيل انى اخص بالذكر والشكر الاخ الفاضل العزيز SV065 على المجهود الرهيب اللى بزله معايا امبارح وانا باشترى العربية( واللى اتمنى ان صداقته لى فى الله تدوم الى الابد)

طبعا زى ما كتير من الاخوه الاعضاء كنت حاجز العربية عن طريق البنك واللى حصل امبارح كالاتى:

مسئول البنك (الساعه 10.30 ص) الو استاذ احمد الفار..
انا : ايوه يا فندم
البنك : مبروك الموافقة بتاعة حضرتك جت , تحب يتجى امتى علشان نكمل باقى الاجراءت:S_thum1[1]:
انا: ان شاء الله على الساعة 3
البنك : تمام يا فندم

وفعلا الساعه 3 كنت فى البنك ولقيت الموظف هناك مجهز كل حاجه وكان موجود مدير المعرض اللى حايستلة العربية.
المهم وقعت على كل الاوراق المطلوبة وخلصت الجزء الاول من دورة البنك , وطلعنا انا ومدير المعرض على المعرض علشان ادفع المقدم . وبعدين اتصلت (برجل المهام الصعبة) الاستاذ / محمود عبدالله مدير مبيعات فرع الاسكندرية والمسئول عن عرض نايل موتورز وسئلته ينفع استلم النهارده والراجل مشكور قاللى تحب تنزل القاهره امتى وايه اللون اللى انت عايزه قولتله على الساعه 8.30 ان شاء الله وحافاضل بين النبيتى و الفضى
قاللى ان شاء الله اول ما توصل حتلاقى اللونين فى المعرض , وكمان انا حاتصل بالاستاذ / محمد عبد العال فى معرض الشركة بشارع نزيه خليفه مصر الجديدة

كده تمام اوى (وبصراحةه دى اول مرة كنت اشترى عربية زيرو وكنت خايف جدا ) فاتصلت العزيز الغالى SV065
وقولتله ساعه الصفر حانت انا نازل القاهره دلوقتى ومعايا 2 من المعرض واحد معاه الفلوس و التانى علشان يستلم وانا بتمنى انك تكون موجود معايا ساعه الاستلام .فسئالنى حتوصل القاهره امتى قولت على الساعه 8.30 قاللى خلاص انا خلاص انا حستناك عند السندباد ونروح سوا على المعرض(شفتوا كرم الاخلاق)
قعدت اتحايل عليه انه ميجيش وهو ابدا لازم اجى .

المهم ركبت انا والجماعة اللى معايا ميكروباص من الموقف الساعة 7.15 م (تويوتا 2010 ) وربنا كرمنا بسواق طول السكة (ماشى 160كم) لقيت وصلنا موقف السلام الساعة 8 م فاتصلت بالاستاذ / وليد sv065) وقولتله احنا وصلنا موقف السلام قاللى انا نزلت بدرى من البيت 5 دقايق وحكون عندك , فعلا 5 دقايق وكان موجود ورحنا على الفرع اللى فى نزيه خليفة ولقيت الاستاذ / محمد عبد العال مستنيى على الباب ( طبعا وانا فى الطريق اتصلت عليه للتاكيد ان انا فى السكة لو اتاخرت ولا حاجة )

وكان فى المعرض 4 عربيات( سوداء - بيضاء - نبيتى فاتح - فضى ) انا استبعدت الاسود والابيض)
وركزت على النبيتى ثم الفضى .
النبيتى كانت بره و الفضى كانت جوه المهم النبيتى فى الاضاءه كانت شوية بصلى اللون حلو بس مش عاجبنى
واتفقنا على ان يكون الفيصل هو جوده التفقيل وكان لصالح الفضى (ده مش معناه ان النبيتى تقفيلها وحش ,والله كانت زى الفل ) بس الفضى احسن .

وبعدين الاستاذ / وليد اقترح ان التوكيل ليه معرض تانى بعد شارعين ممكن نروخ ونشوف و فعلا رحنا ولقيت عربية واحده بس اونها فيرانى والباقى لادا ولكن معجبتناش
ورجعنا على الفرع الرئيسى ( طبعا طول ما انا ماشى بقول دعاء الاستخارة بين اى حاجتين انا متحير فيهم)
والحمد لله رجنا على المعرض ولقيت نفسى مستقر على الفضى طبعا بعد مازوجتى الحبيبه قالتلى على الموبايل انا حاسه ان الفضى احلى بس انت اللى شايف واللى انت عايزه :khd:

وفعلا عملنا check مره تانية على الفضى وللاسف لقينا مسمار فى الكاوتش الامامى شمال وقولت للموظف عليه وراح على طول مغيرلى الجنط كله بواحد تانى وطلعت عند الا ستاذ / محمد عبدالله ودفعت الفلوس (60000 جنيه). وطبعا دورت العربية وجربت الانوار و الاشارات و الراديو وطبعا الغالى علينا كلنا التكييييييييف

واستلمت العربيه وطلعت بيها على محطة البنزين اللى قدام المعرض حطيت بنزين طلعت من على طريق الشروق ومنه على الاسماعيليه

العربية قبل ما استملها كانت عامله 45 كم ولما وصلت الاسماعيليه كانت عملت 187 كم بالظبط
واسمحولى اقول راى المتواضع من خلال 142 كم سواقه:

بسم الله ما شاء الله:
1- العربية سحبها ناعم جدا وان كان الدبرياج تقيل شوية واعتقد ان ده سببه انا الدبرياج علشان لسه جديد وبعدين انا نازل من هوندا سيفيك طبعا قمة النعومة .

2-التكييف رائع ومش مأثر على سحب العربيه

3- وقعت فى نقره ومطب العفشة ناشفه شوية وبيتهيالى مع الوقت حتطبع .

4- الصالون واسع ومريح .

5- تابلوه العدادات مريح فى النظر .

6-استهلاك البنزين لسه مخربتهوش ولكن من الطريق امبارح ولا حاجة

7- التفقيل ممتاز طبعا قبل صيانة ال 1000 حشرح بمعلومات اكتر بعد الاستخدام .

8- طبعا انا مزودتش عن 100 كم .

بالمناسبة اللى صور الصور ده العزيز الغالى SV065 الاستاذ وليد اللى مسابنيش ولا لحظة .


http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 189KB.
http://up.7cc.com/upfiles/M3X38478.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 209KB.
http://up.7cc.com/upfiles/RsQ38479.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 189KB.
http://up.7cc.com/upfiles/l7f38481.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 177KB.
http://up.7cc.com/upfiles/Dl038482.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 177KB.
http://up.7cc.com/upfiles/Nq138483.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 232KB.
http://up.7cc.com/upfiles/p8k38486.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 238KB.
http://up.7cc.com/upfiles/Ep838691.jpg



..........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 224KB.
http://up.7cc.com/upfiles/lQd38692.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 224KB.
http://up.7cc.com/upfiles/xQm38693.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 152KB.
http://up.7cc.com/upfiles/r4H38693.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 150KB.
http://up.7cc.com/upfiles/5IK38694.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 180KB.
http://up.7cc.com/upfiles/fsL38695.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 201KB.
http://up.7cc.com/upfiles/R0b38843.jpg



.........................................




http://www.nilemotors.net/Nile/image.../wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 165KB.
http://up.7cc.com/upfiles/W9U38843.jpg

ربنا يارك لك فيها ويرزقك خيرها ويكفيك شرها يا استاذ احمد

الف مبروك يا باشا
ربنا يديك خيرها و يكفيك شرها يا رب

ماشاء الله لا قوة الا بالله
ربنا يبارك لك فيها يا رب
و يكفيك شر الطريق و عين الحسود

ألف مليوووووووون مبروك للأستاذ / أحمد

وياباشا لا مجهود رهيب ولا حاجة أنا ماعملتش حاجة خالص والحقيقة ثنائك هذا كثيرا جدا جدا عليّ لا أستحقه

وعارف أد إيه بيكون الواحد قلقان ومحتاج حد معاه لما يجي يشتري عربية وده غير إن العربية بتعتبر ثاني أكبر إستثمار للأسرة في مصر بعد المسكن ومش من السهل نضيع شقي عمرنا بسهولة في أي حاجة لازم يكون بعد تأني وبحث كتير

ربنا يبارك لك فيها ويؤتيك خيرها ويصرف عنك شرها وأنا لي الشرف الكبير أن نكون إخوة متحابين في الله فحضرتك إنسان محترم جدا وعلي خلق ودين ولا نزكي علي الله أحد

الف مليون مبروك لحضرتك
ربنا يديك خيرها ويكفيك شرها

10000 مبروووك ياباشا وربنا يباركلك فيها

الف مبروك ربنا يديك خيرها و يكفيك شرها

ربنا يباركلك فيها و يكفيك شرها أمين

الف مبروك ال f3 والف مبروك انك قابلت وليد باشا SV065 كنت اتمنى لو الصورة اوضح واحب اعرفك واديك جربت انه انسان سخى وجدع جدا وراجل صاحب مواقف ربنا يباركلك العربية ويبارك للاستاذ وليد بسبب شهامته وجدعنته

اللهم امين , الله يبارك فى حضراتكم , وشكرا لكل من دعالى بظهر الغيب

اقتباس:

---

المشاركة الأصلية كتبت بواسطة sv065

ألف مليوووووووون مبروك للأستاذ / أحمد

وياباشا لا مجهود رهيب ولا حاجة أنا ماعملتش حاجة خالص والحقيقة ثنائك هذا كثيرا جدا جدا عليّ لا أستحقه

وعارف أد إيه بيكون الواحد قلقان ومحتاج حد معاه لما يجي يشتري عربية وده غير إن العربية بتعتبر ثاني أكبر إستثمار للأسرة في مصر بعد المسكن ومش من السهل نضيع شقي عمرنا بسهولة في أي حاجة لازم يكون بعد تأني وبحث كتير

ربنا يبارك لك فيها ويؤتيك خيرها ويصرف عنك شرها وأنا لي الشرف الكبير أن نكون إخوة متحابين في الله فحضرتك إنسان محترم جدا وعلي خلق ودين ولا نزكي علي الله أحد

---

وليد وبسسسسسسسسسسسسسسسسسسسسسسس سسسس:S_thum1[1]:ربنايبارك لك

اقتباس:

---

المشاركة الأصلية كتبت بواسطة firro_1

اللهم امين , الله يبارك فى حضراتكم , وشكرا لكل من دعالى بظهر الغيب

---

الف مليون مبروك وربنا يبارك لك فيها ويكفيك شرها ويديك خيرها

الف مليون مبروك

الأخ العزيز

الف الف مبروك علي العربيه و ربنا يديك خيرها و يكفيك شرها
وعلى فكره انا من الأسماعيليه برضوا وجبت f3 glxi من اول دفعه نزلت في 2007
و الحمد لله اكتسبت فيها خبره كويسه جدا
فلو احتجت اي حاحه انا تحت امرك

اقتباس:

---

المشاركة الأصلية كتبت بواسطة sv065

ألف مليوووووووون مبروك للأستاذ / أحمد

وياباشا لا مجهود رهيب ولا حاجة أنا ماعملتش حاجة خالص والحقيقة ثنائك هذا كثيرا جدا جدا عليّ لا أستحقه

وعارف أد إيه بيكون الواحد قلقان ومحتاج حد معاه لما يجي يشتري عربية وده غير إن العربية بتعتبر ثاني أكبر إستثمار للأسرة في مصر بعد المسكن ومش من السهل نضيع شقي عمرنا بسهولة في أي حاجة لازم يكون بعد تأني وبحث كتير

ربنا يبارك لك فيها ويؤتيك خيرها ويصرف عنك شرها وأنا لي الشرف الكبير أن نكون إخوة متحابين في الله فحضرتك إنسان محترم جدا وعلي خلق ودين ولا نزكي علي الله أحد

---

وليد باشا بعد اذنك انا كمان هستلم اريب:unhappy: انصحنى كده كام نصيحه بخبرتك :colsmil: كده ونبي وانا بستلم اعمل ايه (افحص ايه - واجرب ايه - اشيك على ايه) :shyy:وكدة يعن علشان متسكش :khd:
وهو ده:ask: عشمنا فيك طبعا انا وكل الى عايز يستلم
بكرر شكرى وتحياتى و دمت بالف خير...................:Ta_clap[1]:

الف مبروك ياباشا وربنا يديك خيرها ويكفيك شرها.........

اقتباس:

---

المشاركة الأصلية كتبت بواسطة raoufrakha

الأخ العزيز

الف الف مبروك علي العربيه و ربنا يديك خيرها و يكفيك شرها
وعلى فكره انا من الأسماعيليه برضوا وجبت f3 glxi من اول دفعه نزلت في 2007
و الحمد لله اكتسبت فيها خبره كويسه جدا

فلو احتجت اي حاحه انا تحت امرك

---

الله يبارك فىك , وانا ارسلت رقم تليفونى على الخاص بتاع حضرتك ,وشكرا على ذوقك
وان كنت اتمنى ان اقرا موضوع تكون حضرتك عملته عن تجربتك مع العربية من خلال الصيانة , وقطع الغيار , والمميزات والعيوب , وحالة العربية بعد 3 سنوات من الاستخدام لان تقيم حضرتك يكون مهم جدا لكل من يملك العربية او يريد امتلاكها .

الف مبروك وربنا يكفيك شرها ويعطيك خيرها ... وماتنسناش بالتقارير الدورية وتطمنا عليك اولا وعلى العربية ... علشان انا ناوى اشتريها بازن الله... دعواتكم ليه

للاسف 3 شركات تامين رفضوا يأمنوا على العربية
2 بسبب ان العربية فى البلاك لست بسبب كثرة شكاوى العملاء من عدم توفر قطع الغيار
والثالثة متعرفش العربيه اصلا .

فين دور الوكيل؟؟؟؟؟؟؟؟؟؟؟

موضوع التأمين ده جديد بصراحة ... طيب الاخوه اللى اشترو العربية مؤخرا ياريت يفيدونا لو حد أمن على سيارتة ...

اقتباس:

---

المشاركة الأصلية كتبت بواسطة firro_1

للاسف 3 شركات تامين رفضوا يأمنوا على العربية
2 بسبب ان العربية فى البلاك لست بسبب كثرة شكاوى العملاء من عدم توفر قطع الغيار
والثالثة متعرفش العربيه اصلا .

فين دور الوكيل؟؟؟؟؟؟؟؟؟؟؟

---

هو حضرتك حاولت تأمن مع شركة ايه؟؟

السلام عليكم

شكرا على اهتمام حضرتك , البنك هو اللى كان بيتعاقد مع شركة التامين علشان انا مقسط ولكن الشركاتين اللى انا عارفهم هما الاهلية و مصر للتامين , والبنك قاللى ان مصر للتامين حتوافق بس بعد لما يصوروا العربية يفتحلها ملف

اقتباس:

---

المشاركة الأصلية كتبت بواسطة firro_1

السلام عليكم

شكرا على اهتمام حضرتك , البنك هو اللى كان بيتعاقد مع شركة التامين علشان انا مقسط ولكن الشركاتين اللى انا عارفهم هما الاهلية و مصر للتامين , والبنك قاللى ان مصر للتامين حتوافق بس بعد لما يصوروا العربية يفتحلها ملف

---

العفو يا باشا تحت أمر حضرتك
هو شركة وثاق للتأمين التكافلي كويسة هبعتلك على الخاص رقم أخ معانا في المنتدى شغال في الإدارة تسأله

اقتباس:

---

المشاركة الأصلية كتبت بواسطة elmanahry

الف مبروك ال f3 والف مبروك انك قابلت وليد باشا sv065 كنت اتمنى لو الصورة اوضح واحب اعرفك واديك جربت انه انسان سخى وجدع جدا وراجل صاحب مواقف ربنا يباركلك العربية ويبارك للاستاذ وليد بسبب شهامته وجدعنته

---

العفو يا دكتور هذا من بعض ما عندكم

تقبل تحياتي

وأتمني أن أتشرف بلقاء حضرتك في القريب

اقتباس:

---

المشاركة الأصلية كتبت بواسطة ozama22

وليد وبسسسسسسسسسسسسسسسسسسسسسسس سسسس:s_thum1[1]:ربنايبارك لك

---

أسامة باشا ربنا يعزك

تلاميذ سيادتكم

اقتباس:

---

المشاركة الأصلية كتبت بواسطة dodedode

وليد باشا بعد اذنك انا كمان هستلم اريب:unhappy: انصحنى كده كام نصيحه بخبرتك :colsmil: كده ونبي وانا بستلم اعمل ايه (افحص ايه - واجرب ايه - اشيك على ايه) :shyy:وكدة يعن علشان متسكش :khd:
وهو ده:ask: عشمنا فيك طبعا انا وكل الى عايز يستلم
بكرر شكرى وتحياتى و دمت بالف خير...................:ta_clap[1]:

---

السلام عليكم

تحت أمرك

وتستلم إن شاء الله في أسرع وقت وأحسن عربية ياباشا

والحقيقة الموضوع فعلا مش محتاج خبرة أوي يعني بمعني معلومات بسيطة تكفي لأن دي عربية زيرو مش محتاجة الواحد يقلق منها أوي بس هي حجات بسيطة زي مثلا تراجع علي فينيش الدهان محتاج يتلمع زيادة بالذات الفيبر وتراجع علي تقفيل الأبواب مع العتب لأنها أحيانا بتحتاج ظبط وتراجع قفل الشنطة مع الفوانيس الخلفية برضه أحيانا بتحتاج ظبط يعني حجات شكلية كلها وليست مشكلة لأنها بتتظبط بسهولة في التوكيل

وبعد كده جرب كل أجهزة العربية الأنوار والإشارات والعدادات والتكييف والراديو سي_دي وزجاج الكهرباء والمرايات ولو إن كل ده بيتعمل عليه تشيك في المصنع بس علشان تكون مطمئن وإن شاء الله يكون كله تمام

وياريت تبعت لي موعد ستلامك إذا تيسر لي أحاول أكون معك في الإستلام إذا كان في القاهرة

دمت بود

اقتباس:

---

المشاركة الأصلية كتبت بواسطة firro_1

للاسف 3 شركات تامين رفضوا يأمنوا على العربية
2 بسبب ان العربية فى البلاك لست بسبب كثرة شكاوى العملاء من عدم توفر قطع الغيار
والثالثة متعرفش العربيه اصلا .

فين دور الوكيل؟؟؟؟؟؟؟؟؟؟؟

---

موضوع الشكوي قطع الغيار ده حاليا قل كتير عن زمان وأصبح متوفر في التوكيل ومحلات قطع الغيار ولكن مانقدرش نقول 100% في كل قطعة طبعا مفيش توكيل بيقدر يوفر جميع أجزاء أي السيارة بالكامل واللي مش متوفر حاليا التوكيل برضه بيجيبه بس هي مسألة وقت لكن عاوز أقول أحسن من توكيلات عربيات تانية معروفة ده طبعا باستثناء موضوع توافقها مع التويوتا والميتسوبيشي وده صراحة عن تجربة بفرع الإسكندرية للصيانة من الزيرو حتي 25000 كم

أتمني أن تكون وجدت حل لتلك المشكلة

دمت بود

اقتباس:

---

المشاركة الأصلية كتبت بواسطة sv065

السلام عليكم

تحت أمرك

وتستلم إن شاء الله في أسرع وقت وأحسن عربية ياباشا

والحقيقة الموضوع فعلا مش محتاج خبرة أوي يعني بمعني معلومات بسيطة تكفي لأن دي عربية زيرو مش محتاجة الواحد يقلق منها أوي بس هي حجات بسيطة زي مثلا تراجع علي فينيش الدهان محتاج يتلمع زيادة بالذات الفيبر وتراجع علي تقفيل الأبواب مع العتب لأنها أحيانا بتحتاج ظبط وتراجع قفل الشنطة مع الفوانيس الخلفية برضه أحيانا بتحتاج ظبط يعني حجات شكلية كلها وليست مشكلة لأنها بتتظبط بسهولة في التوكيل

وبعد كده جرب كل أجهزة العربية الأنوار والإشارات والعدادات والتكييف والراديو سي_دي وزجاج الكهرباء والمرايات ولو إن كل ده بيتعمل عليه تشيك في المصنع بس علشان تكون مطمئن وإن شاء الله يكون كله تمام

وياريت تبعت لي موعد ستلامك إذا تيسر لي أحاول أكون معك في الإستلام إذا كان في القاهرة

دمت بود

---

ياسعاده الباشا انا مش عوز اتعبك معايا انا يزدنى شرف طبعا
انا هستلم من القاهره (انا شبراوى اصلا ) :S_thum1[1]:
وبجد مش عارف اقولك ايه علي زوقك واللهم اكثر من امسالك وبازن الله هنسق معاك قبليها
دمت بالف صحه و احسن حال:B4_007:

عقبال ما تنور العريش ياااارب ...الف مبروك للاخ احمد على السياره والف شكر للاخ الفاضلsvo 65 الزى بناء على نصائحه قمت بحجز السياره ال byd gl i بمبلغ 68 الف اللون الفضى من احد المعارض عندنا فى العريش الاسبوع الماضى يوم السبت ووعدنى صاحب المعرض بالاستلام غدا او بعد غد بعد الاتصال بالشركه ...وخايف من عيوبالتقفيل وربنا يستر .....

ألف ألف مبروك يا باشا ربنا يبارك لك فيها ويكفيك شرها وتستخدمها فى الخير دايما إن شاء الله

اقتباس:

---

المشاركة الأصلية كتبت بواسطة firro_1

للاسف 3 شركات تامين رفضوا يأمنوا على العربية
2 بسبب ان العربية فى البلاك لست بسبب كثرة شكاوى العملاء من عدم توفر قطع الغيار
والثالثة متعرفش العربيه اصلا .

فين دور الوكيل؟؟؟؟؟؟؟؟؟؟؟

---

بالعكس انا لسة مأمن على السيارة في شركة تأمين والماركة معروفة عندهم

اقتباس:

---

المشاركة الأصلية كتبت بواسطة ozama22

بالعكس انا لسة مأمن على السيارة في شركة تأمين والماركة معروفة عندهم

---

ان مكنش فيها دعايه وبعد اذن الادارة ممكن تقولنا اسامى الشركات دى

السلام عليكم

الحمد لله تم حل المشكلة بتدخل من البنك و التامين كان عن طريق شركة مصر للتأمين

اقتباس:

---

المشاركة الأصلية كتبت بواسطة hish172005

عقبال ما تنور العريش ياااارب ...الف مبروك للاخ احمد على السياره والف شكر للاخ الفاضلsvo 65 الزى بناء على نصائحه قمت بحجز السياره ال byd gl i بمبلغ 68 الف اللون الفضى من احد المعارض عندنا فى العريش الاسبوع الماضى يوم السبت ووعدنى صاحب المعرض بالاستلام غدا او بعد غد بعد الاتصال بالشركه ...وخايف من عيوبالتقفيل وربنا يستر .....

---

السلام عليكم

العفو يا أستاذنا الفاضل وإن شاء الله تستلم علي خير

ولا تقلق من الفينيش لأنه غالبيته مش عيوب تسوجب التغيير لا قدر الله

ولكنها مسألة ظبط في أغلب الأحوال ليس أكثر


وتحت أمرك في أي شيء أو إستفسار


وإذا لم تستلم في موعدك وترغب في الإستلام من القاهرة من التوكيل قولي أحاول أشوف إمكانيت ده إيه

اقتباس:

---

المشاركة الأصلية كتبت بواسطة firro_1

السلام عليكم

الحمد لله تم حل المشكلة بتدخل من البنك و التامين كان عن طريق شركة مصر للتأمين

---

الحمد لله وعاوزين نشوف تقاريرك بقي

وإن كنت لا أحبذ القسط إطلاقا ولا أنصح به فهو مليء بالمشاكل العويصة من أوله لآخره عن تجربة

اقتباس:

---

المشاركة الأصلية كتبت بواسطة elmanahry

الف مبروك ال f3 والف مبروك انك قابلت وليد باشا sv065 كنت اتمنى لو الصورة اوضح واحب اعرفك واديك جربت انه انسان سخى وجدع جدا وراجل صاحب مواقف ربنا يباركلك العربية ويبارك للاستاذ وليد بسبب شهامته وجدعنته

---

الف مبروك يا غالي

الله يبارك فى حضراتكم جميعا

الاخ العزيز svo 65 اشكرك على الرد السريع والله يطمنك بخصوص التقفيل وصاحب المعرض اتصل.بيا اليوم واخبرنى ان العربيه لسه.مخرجتش من المصنع وانا هستنى لاخر الاسبوع لو مستلمتش هتصل بحضرتك ...معى ان المسؤلين فى الشركه وعدوا صاحب المعرض امامى على الموبايل بالاستلام اليوم ..يالا ..كله يهون علشان الجميله ...ولو عجبتنى سوف اطلق عليها لقب ..جميله الجميلات ...