السلام عليكم ورحمه الله و بركاته
كان فية عربية موديل الثمانينات كنت حشتريها و سئلت صاحبها هية لية مرشوشة جوة ؟
هية اترشت نظافة ولا كانت عاملة حادثة؟
قال ما يعرفش هو كان شريها تبع لوطات شرطة معروضة للبيع
اى رايكم فى الموضوع دا؟
عرض للطباعة
السلام عليكم ورحمه الله و بركاته
كان فية عربية موديل الثمانينات كنت حشتريها و سئلت صاحبها هية لية مرشوشة جوة ؟
هية اترشت نظافة ولا كانت عاملة حادثة؟
قال ما يعرفش هو كان شريها تبع لوطات شرطة معروضة للبيع
اى رايكم فى الموضوع دا؟
رايي ان العربيه بدام ركبها عسكري يبقي ماينفعش تتركب تاني اصلا دول بيطلعو عين العربيات اللي معاهم
وتصليحها بيبقي داخل ورش الشرطه اي كلام يعني مش حالك وخلاص ومهما صرفت عليها عمرها ما هاترجع زي الاول
نصيحه من اخ اووووعى تشتريها وابعد عنهااا فورا
انت لو شفتها في الشارع المفروض تبعد عنها
تقوم تركبها ؟!؟!
و تبقى بتاعتك كمان ؟؟
تأيد كامل لكلام الزميل العيال الحملجية يعنى المقصود الحملة بلغة الجيش يعنى المكان الذى يتم فية الصيانة و سواقين الجيش بيكونو طلعو عين ابو العربية و بتتصلح بملاليم يعنى شبة منتهية اضحكك فى الجيش مثلا ممكن يحصل تفتيش على السواقين و السيارات خصوصا اللورى العيال بتوع الحملة لما ميكنش فية بالورشة شحم بيحط مربة ايوة مربة على العجل و يرمى علية سوية تراب علشان اللورى يبان انة مشحم العجل و و الدنيا تمام
لوطات الجمارك هي اللي بتبقى لقطه بصراحة ..
الى اعرفه ان عربيات الشرطة بتتباع خردة و غير مسموح بترخيصها , يعنى مبيطلعلهاش ورق , يعنى العربية دى لو عربية شرطة فعلا تلاقى ورقها مضروب او دى مش عربية شرطة اصلا , الكلام ده نقلا عن لواء سابق فى الشرطة كان فى الترحيلات و هو الى قال لى الكلام ده ,
انا كنت بتفرج على لاند كروزر و قالولى..... دى لقطة و سعرها ممتاز ...كانت تبع الحراسات الخاصة و الشرطة باعتها... بس مكتوب فى رخصتها انها جيب ... مش لاند كروزر ..و انا بسلامة نية قلتلهم مش مهم العربية حالتها نضيفة ... بس بعد كده فهمت الموضوع ده
سيبك من وجع الدماغ بلاش منها
بلاش طبعا
بس بصراحه فى عربيات جامده جدا فى اللوط
خلاص داقت الدنيا بالناس رايحين يشتروا لوطات الشرطه !!!!
لا طبعا ابعد عنها وريح دماغك
في العربيات الى ممسوكة في قواضي ومتصادرة بيتم تجميعها وعمل مزاد عليها بيكون فيها حجات لقطة بس للحبايب فقط وطبعا مش اي حد يقدر يدخل المزاد ده
من رأيي فكك منها احسن.........
ممكن تشتريها في حالة واحدة بس ........... لو انت تاجر خردة
انت ممكن تستأمن الناس ديه على 100 جنيه!!
تديهم فلوسك ازاى
السنة اللي فاتت رحت معاينة مزاد لوطات تابعة لجهة أمنية برضه -بس مستوى أعلى شوية من الشرطة-:colsmil:
والحقيقية ان 95% من العربيات "ماتنفعش بشلن" و عايزه تجار الخردة او بتوع الإستيراد أو حد مزنوق في نص عربية ولا حاجة
يعنى ايه لوط سؤال ساذج شويه عارف
اجري بسرعه اوعي تقرب
يا جماعة مش كل حاجة بتتقاس بتمنها ؟؟ يعنى فرضاً إنها عربية فورد اكسبلورر أو لاندكروزر أو أيا كان نوعها ، ومطلوب فيها مثلاً 30 الف ، مش ساعتها ممكن تبقا فرصة ، يعنى هيتصرف عليها 10-15 الف مثلاً وترجع جديدة
انا ماعرفش الأسعار الفعلية إنما واثق إن العربيات هتبقا حالتها هباب ! بس لو السعر فى الأرض خالص خالص وموديل العربية عالى وقابلة إنها تتشد تانى يبقا ممكن تفكر فيها ، وكل حاجة أكيد ليها زبونها
ابعد عنها لان العربيات دى بتبقى متلصمة علشان تمشي
كلو كوم وعربيات الشرطة كوم تانى
انت تركب عربية عملة حادثه ومتركبش دى
بتبقى مخلعة ومفككة وكلو فى الصياع
شكرا احمد كمال باشا ع الرد
سواق اتوبيس الشركة حكالى انة مرة جاب بالشراكة مع صاحب معرض 25 سيارة دورية بيجو 405 و قالى ان هما كانو مجهزين 25 نص امامى و خلفى و طبعا انتو عارفين الباقى (يا باشا دية فابريكة برة و جوة , يا استاذ بقولك مرفوعة 12 سنة )
عندى كام سؤال بس ضرورى أنتوا لفتوا نظرى لمجرد الفضول و حب الأستطلاع
لو واحد راح هيشترى اللوط كامل ولا عربية واحدة ؟
طيب مثلا البيجو405 هتعمل كام أو اللاندروفر و الحاجات الضخمه هناك دى ؟ دا أنا بشوف عربيات ضخمه جدا و بالأخص فى الجيش دا غير الهامر القديمه بتاعة أمريكا دى موجود برضة عندنا هنا فى مصر و الـh3