ورش الشكمانات والجهل البيئى

**original** · 06-02-2008 11:44 PM

رحت أسأل فى ورشة شكمانات كبيرة ومشهورة على شكمان كامل حتى إستثمارى ويكون معاه علبة تنقية العادم (محول الحفز) (Catalytic Converter) اللى هيا صديقة البيئة وبتنقى العادم والطبيعى إن أى بنى آدم عنده وعى بيئى مايفكرش يلغيها لما تعطل ولازم يشترى واحده جديده مهما كان تمنها!!
بتحول العوادم المضرة اللى خارجه من الموتور إلى عواد أقل ضرر أبل ما تخرج من الشكمان..

بتاع الشكمانات على الرغم من إنه عارف ومسميها علبة البيئة قاللى دى مالهاش أى لازمه وباين عليك فلوسك كتير وعايز تطيرها!!
على الرغم إنى مش زعلان على عربيتى لأنى مش هتنازل عن تركيبه إلا كامل
أعتقد إنه يستحق الإعدام على كل عربيه بيلغى فيها العلبة المهمة دى..
فى بعض الدول بتمنع ترخيص أى عربية مافيهاش العلبه دى لأن التلوث قضى علينا خلاص

**casper2010** · 07-02-2008 05:58 AM

طبعا معاك حق ...
انا بادور علي واحد بتاع شكمانات علشان بولو 1300 يا ريت لو تعرف حد كويس و اسغار يا ريت تبلغني

شكرا

**tutankhamoun** · 07-02-2008 07:13 AM

أغلبية الصنايعية في مصر

مش فاهمين حاجة في البطيخ
و شكرا

**eng_mkhalaf** · 07-02-2008 08:38 AM

العلبة دية ممكن تلاقيها عند أبو اليزيد وهية بصراحة غالية قوى بالنسبة لتمن الشكمان وعلشان كدة ناس كتير مش بتجيبها لما تبوظ
للعلم الانوس نص أوبشن بتيجة من غير العلبة دية لكن الكاملة فيها العلبة دية

**noni67** · 07-02-2008 10:51 AM

مركز خدمة ابو اليزيد فى 6 اكتوبر عنده علبة البيئة لكل العربيات وشكمنات كاملى فوق الممتازة واسعاره حلوه جدا

**CryptonX** · 07-02-2008 11:22 AM

المشاركة الأصلية كتبت بواسطة noni67

مركز خدمة ابو اليزيد فى 6 اكتوبر عنده علبة البيئة لكل العربيات وشكمنات كاملى فوق الممتازة واسعاره حلوه جدا

شكمانات عادية و لا PERFORMANCE ?

**ahmedezzat78** · 08-02-2008 05:13 PM

يا ريس الانوس الكامله 2007 مافيهاش علبه بيئه

اشتراطات البيئه فى بلدنا لم توجب هذه العلبه والا لما منحت تراخيص السيارات الجديده التى لاتحتوى العلبه

مش معقول الناس هتكلف نفسها مبالغ على حاجه مش اجباريه

موضوع الوعى البيئى للمصرين يعتبر ضرب من الخيال على ما اعتقد و يجب ان تاتى المبادرة من الدوله ليتم عمل حملات توعيه و سن القوانين الملزمة لاشتراطات الحفاظ على البيئه

يمكن ده يحصل بعد عده اجيال .......... هههههههههه ......... ربنا يدينا طول العمر