تويوتا اكو 2000

**elgentel** · 25-05-2010 10:07 PM

بعد السلام و التحية
معروض عليا اكو 2000 ماشية 70000 كيلو و مطلوب فيها 46000

اسالتى لكم يا اخوانى و اطلب المساعدة فى النقاط الاتية تحديدا

هو قطع غيارها متوفر و رخيص و لا متوفر و غالى ولا مش متوفر اساسا
حد سمع عن الموديل ان فيه مشاكل ولا العربية كويسة

لو حد يعرف اخبار استهلاكا للبنزين ايه

و اخيرا هل السعر مناسب ام لا
و هل يوجد للسيارة الايكو فى التوكيل طريقة للكشف عن الكيلو مترات لانى شوية مش مصدق و خايف يكون العداد ملعوب فيه

شكرا مقدما

**elgentel** · 26-05-2010 06:13 AM

ارجو الرد للاهمية

**ramy01011** · 26-05-2010 11:40 AM

الايكو عربية ممتازة كتكيف و استهلاك البنزين و جوده تقفيل عبها بس موضوع الشكل ان ناس كتير موش عجباها شكل العربية غير كده هي عربية ممتازة و بتستحمل موضوع العداد ده لحد علمي ما فيش حد يقدر يعرف اذا كان ملعوب فيه و لا لا

**Ahmed Galal** · 26-05-2010 01:14 PM

العربية ممتازة وواسعة من جوه و بتستهلك بنزين قليل و لو قلقان خدها تويوتا العباسية اكشف عليها هاتغرم شوية بس هاتطمن هاتحجز و هايكشفولك بودى و ميكانيكا و لو فيها شعرة هايطلعوهالك عن تجربة مرة كنت مع واحد صاحبى و كان هايجيب كورولا 2003 حجزنا و كشفنا عليها طلعت مقلوبة و كل اللى شافوها قبلها قالوا ممتازة و توكل على الله لحد ما التوكيل فقسها

**elgentel** · 26-05-2010 01:35 PM

شكرا على الردود انا فى اسكندرية مش عارف برضو التوكيل بتاعها فين عموما هاسال

يعنى بعد التوكيل لو قالو تمام اشيل و انا مطمن؟؟

و بالنسبة لقطع الغيار حد يعرف حاجة
و ربنا يكرمكو ريحتونى

**محمد ابراهيم 1** · 26-05-2010 03:08 PM

المشاركة الأصلية كتبت بواسطة elgentel

شكرا على الردود انا فى اسكندرية مش عارف برضو التوكيل بتاعها فين عموما هاسال

يعنى بعد التوكيل لو قالو تمام اشيل و انا مطمن؟؟

و بالنسبة لقطع الغيار حد يعرف حاجة
و ربنا يكرمكو ريحتونى

برضه اخطف رجلك لغاية شارع صلاح الدين واسأل على قطع الغيار بتاعتها جديد ومستعمل وشوف مدى توافرها لأن معلوماتى إنها مش متوفره قوى لأن العربية نفسها مش منتشره أصلا

سؤال هل العربية دى كحلى ؟