-
صوت فى الطنابير
انا بدات اسمع صوت زى اكنى فى حاجة بتنحر فى الطنابير الامامية و لكن لما روحت كشفت طلعت الفردة اليمين الحمد لله مفيش منها صوت و صوت النحر كله من الطنبورة الشمال فلما كشف عليها بيقولى انى التيل دا خشن و وحش فهو اللى عامل الصوت ده فعاوز اعرف قبل ما اجيب تيل جديد كلامه صح ولا غلط مع العلم انى الصوت بيبقى موجود و انا ماشى و عالى و ظاهر اكتر من و انا ما بدوس فرامل و كمان التيل مش متاكل اوى و كويس مش وحش بس ممكن يكون خشن شوية فعلا عشان ده مش الاصلى فارجو الرد و معرفة الصح و شكرا
-
ساعات فعلاً بيبقى التيل وحش و لقمه بتبوظ الطنابير و بتخليها تريج و تعمل صوت صفارة أو نحر .. نصيحة: هات تيل كويس و ياريت أصلي بعد كده علشان ماتتعبش.. و الله أعلم
في رعاية الله
-
لو الصوت أثناء المشي أكثر منه أثناء الفرملة يبقى الاحتمال الأول تكشف على الرولمان بلي
-
بالظبط كده لو التيل تعبان يعمل كده .......
هات تيل اصلي واكشف على الطنابير برده لانها ممكن تكون اتاثرت من التيل اللي راكب
-
أنا آسف على الرد المتأخر ده.... بس في حاجة نسيت أقولها.... كده الطنابير هتلاقي فيها ريجة وحشة قوي....
والله أعلم...
في رعاية الله........
Content Relevant URLs by
vBSEO 3.6.0 PL2