اخوانى اعضاء نيل موتورز المحترمين
انا حبيت احذر كل واحد بيروح ناحية سوق العصر او السخاوى
خدو بالكو من الشارع اللى موجود بين شارع الخليفة المامون وميدان السخاوى اللى عند سوق السخاوى للكمبيوتر اللى قصادو من ناحية الخليفة بنزينة موبيل
الشارع دا اتجاه واحد بس للى جاى من الخليفة المأمون وداخل على السخاوى اوعى تمشى فيه عكس
فى أمين شرطة هناك قاعد ليل ونهار وبيستخبى وسط العربيات ومسافت ما تخش فى الشارع تلاقيه نطلك قصاد العربية ورخصك وطبعا ولا بيسحب رخص ولا زفت لكن بياخد اللى فيه المعلوم وطبعا موش بيرضى بأقل من 100 جنيه
انا زميلى فى الشغل ادالو 150 جنيه
والله من ساعة القانون الجديد وهوا راشق هناك ودلوقتى النضارات الاوريجينال و الساعات الغاليه
بجد والله حسبى الله ونعم الوكيل
والحكومة حاطة يافطة كأنها مخبياها
والله المفروض الشوارع العكس دى ابل ما يحسبونا عليها يعرفونا انها عكس عن طريق الاشارات الضوئية و الاسهم البيضاء
لكن واضح انها ارزاق وهما قصدينها