الموضوع: تجارب الاعضاء مع شركات التأمين ؟ ( هام للغاية )

نسي اقولكم

العربية متأمن عليها على ان ثمنها 102 الف جنية

تم خصم استهلاك 10 %

وطلع الشيك بمبلغ 90 الف جنية

المشاركة الأصلية كتبت بواسطة Megane

السلام عليكم
الكلام دة سليم 100 بالــ 100 علشان أنا مؤمن على عربيتى معهم من 2/12/2008 و كنت شارى العربية كاش و التأمين بيكون 3.7 % من إجمالى ثمن السيارة و ذلك بعد الإطلاع على فاتورة الشراء.
و إليكم التفاصيل:
1) ثمن السيارة عند الشراء بعد discount جنية 134000 يعنى إجمالى التأمين 4958 يعنى القسط الشهرى 413.16 جنية (و هذة ميزة لديهم و هى تقسيط التأمين لمدة سنة حتى لو شارى العربية كاش)
2) الميزة الثانية وهى عدم طلب محدر بعد الحادث و لا تصوير.
3) الميزة الثالثة إعطائك سيارة بديلة لمدة ثلاث أيام فى حالة طلبك و ذلك نظير مبلغ يعود إليك 500 جنية بعد تسليم السيارة البديلة و 100 جنية عن كل يوم زيادة عن الثلاثة أيام.
4) الميزة الرابعة call center لمدة 24/7 لخدمة العملاء.
العيوب:
1) عدم إخبارك بالبند المذكور أعلاة لأنك بتدفع القسط الأول ثم تستلم العقد بعد 15 يوم تقريبا.
2) بالإضافة إلى هذا البند المزعج ما حدث لى يوم 20/1/2008
عملت حادث قوى الساعة 11.30 مساءا على طريق مصر الأسكندرية الصحراوى أمام توكيل رجب موتورز فى إتجاة ميدان الرماية حيث دخل فى سيارتى من الخلف كونتينر و أنا واقف.
- المهم إتصلت بالـ call center و حكتلهم القصة بصراحة كانوا فى غاية الأدب و الأخلاق و قالوا لى يوم ما تكون فاضى روح التوكيل و كلمنا من هناك.
- ذهبت الى توكيل المقطم بعد 3 أيام و إتصلت بهم فطلبوا محادثة المهندس المختص بالسمكرة و قالوا لى - التوكيل - هنكلمك لما السيارة تخلص.
- بعد مرور 4 أيام إتصل بى المهندس و قال لى السيارة خلصت و كمان رشنالك الإكصدام الخلفى فوق البيعة لأن كان منظرة سىء مع إن الإكصدام كان فية خربوشين مكان الركنة و حك العربيات فى بعض و قال لى إتصل بكونتكت لإرسال فاكس المخالصة علشان تستلم عربيتك.
و كانت المفاجئة المفزعة ( كونتكت طلبت منى تسديد 10 الأقساط المتبقية لأن فى بند تانى بيقول لو تكلفة إصلاح السيارة أكثر من 90% من إجمالى قيمة التأمين السنوى يتم دفع الأقسات المتبقية بالكامل و فورى) طبعا طلبت منهم مقابلة مدير الشركة و بالفعل قابلتة ثم بعد مداولات لمد 4 ساعات تقريبا و صلنا لحل و هو كتابة 10 شيكات بالأقساط المتبقية لكى أستطيع إستلام سيارتى.
- طبعا بعد كدة قرأت العقد جيدا فوجت البند المذكور أعلاة و وجدت أيضا أن التأمين لا يشمل الكوارث الطبيعية مثل الزلازل والبراكين و أحداث الشغب و إنهيار عمارة أو جراش أو سقوط لافتة مثلا بسبب الرياح على السيارة مثل ما حدث فى شارع مصدق مع السيارة المرسيدس من 10 أيام......الخ.
و لو عاوزين أنا ممكن أعملكم scan من العقد موضح فية البنود دى.
و شكرا و أعتزر للإطالة.
-

معلومات هايله جدا جدا جــــــــــــــــدا الف الف شكر ليك

اولا حضرتك لا تعتزر على الاطالة .... ( احنا بنتمنى من جميع الاعضاء المشتريكين مع شركات التأمين انهم يقوللنا تجاربهم بالتفصيل المممللللللللللللل ).... علاشان نعرف خبايا وبنود كل شركة ....

ثانيا انا بشكر حضرتك جزيل الشكر ... على ترتيبك للتفاصيل بهاذا الشكل . وضحتلنا الكثير بمشاركتك و تجربتك مع شركة كونتاكت كارز .

بس انا شايف ان طريقة التأمين عندهم مش زى ما كنا فاكرين وبالاخص البنود ( الملتوية ) .

وبعدين كتير ياخدو 500 جنية تمن السيارة البديلة بالمقارنة ان نسبة التأمين عندهم عالية , بس انا تقريبا اعرف انهم عندهم نظامين للتأمين .... فى نظام منهم ان لو العربية عطلت بيبعتو ونش يشدها .. و وفى حالة الحوادث بيدوك عربية بديلة . هل مبلغ ال500 جنية دة فى كلا النظامين ... ولا هما اساسا غيرو سياستهم ؟؟؟ لان معلوماتى دية كنت عرفتها من شركة كونتاكت نفسها بس من سنتين ..

* اكون شاكر لحضرتك جدا لعمل اسكان لبنود العقد ( لو مكانش فيها ازعاج ), ويبقى مرجع لينا للمقارنة بباقى الشركات .

-----------------------------------
-----------------------------------

المشاركة الأصلية كتبت بواسطة analyzer

تفاصيل الواقعة دى
اتاجرت العربية يوم خميس من انسان مهذب جدا ومحترم وده طبعا بعد السؤال السريع عنه
طلب عربيه يسافر بيها شرم الشيخ يقضى اجازة لان عربية فى التوكيل
وتم الاتفاق على العربية الانسر .
اتصل بيا يوم السبت ( بعد يومين ) وقلى العربية فى قسم شرطة طور سيناء لانى عملت حادث قلتله انت فبن وروحتله البيت لقيته عامل عزاء لزوجته لانها توفت فى الحادث اخدت بخاطرة وسيبتله مفاتيح عربية لانوس كانت معايا ورجعت المكتب فى شدة الحزن على الى هو فيه وكمان على العربيه لانى مش عارف ايه الى حصل فيها بس كان احساس مؤكد انها total lose
سافرت تانى يوم الصبح ولقيتها فعلان كدا
واليكم الاجراءت من اول خطوة الى اخر خطوة
1- تم استخراج شهاده بيانتات للعربية حتى نتمكن من استلامها
2- تم نقل العربية الى الوكيل
3- تم المعاينه من قبل مندوب التامين
4- تم استخراج شهاده حاله من الوكيل لشركة التامين
5- تم عمل ملف للعربية فى التامين وتجمعة فيه بوليسة التامين + محضر الشرطه + تقرير التوكيل
6- تم استخراج جواب ضمان من التامين للبنك بفك الحظر على مسئوليه شركة التامين
7- تم فك الحظر
8- تم نقل ملكيه العربية لشركه التامين
9- تم استخراج شيك من التامين بمبلغ 90 الف جنيه لصالح البنك
10- تم تسوية قرض العربية مع البنك
11- تم دفع باقى المبلغ مقدم للانسر جديده 2008
12- فى انتظار استلام العربية الجديدة
----------
فى انتظار اى استفسار قبل البدء التجربه الثانية

استاذ analyzer الف شكر على مشاركتك ( الهامه جدا جدا جدا جدا جدا ) لانها كانت تجربة ( للاسف بشعة ) بس واقعية مع شركة التأمين ومدى جديتها فى التعامل مع الحادث . ووضحتلنا كل حاجة محتاجين نعرفها من خلال مشاركتك الدقيقه و الى ذاكر فيها كل تفاصيل الحادث .

بس عندى استفسار الاجرائات خدت اربع شهور ؟؟؟ ياترى الفترة دية كتيرة ولا ده الطبيعى ....

* حاجة اخيرة :- انا شوفت منظر العربية ... و حزنت جدا جدا على وفاه زوجة الاستاذ الى كان مؤجر العربية منك ... ربنا يرحمها ويصبر زوجها .


ربنا يكفينا جميعا شر الطريق .