الخوف الشديد من السواقة اعمل فية اية

**saso2010** · 26-05-2010 02:03 AM

مشكلتى باختصار تبدا لما اتعلمت السواقة فى مركز لتعليم القيادة لمدة 5 ايام وبعد كدة خرجت بيها دخلت فى الرصيف مع العلم انها زيرو وبعد كدة اتعلمت تانى فى نفس المركز وحاسة انى بسوق كويس الحمد لله دلوقتى بس مشكلتى انى مش قادرة انسى الحادثة وعندى خوف فظيع دة بالاضافة للركنة ومشكلتها يعنى باختصار فقدت الثقة بنفسى .المشكلة بقى انى اشتريت العربية خلاص ومش عارفة اسوقها خالص من الخوف والرعب مع انى اتدربت كويس جدا خاصة بعد الحادثة والراجل اللى بيدربنى كل الل همة الفلوس وبس وانا بجد تعبت وزهقت ومش عارفة اعمل اية.

**SunSet** · 26-05-2010 02:08 AM

انا زيك اخدت 9 حصص بس مش حاسة اني اقدر اسوق لوحدي

لسه قدامي فترة عشان الخطوة دي

بس قوليلي انت اللي دخلت في الرصيف واللا الرصيف هو اللي دخل فيكي؟

**saso2010** · 26-05-2010 02:17 AM

ههههههههههه الاتنين ومرسى على الرد

**الصيداح** · 26-05-2010 02:39 AM

مسألة وقت فقط
الخبرة في أي شئ = تدريب +وقت
فقط دع الخوف جانبا وقد بحذر وصدقني كل شئ
سيكون على ما يرام
وإذا كان موضوع الطلوع على الرصيف مقلقك فاعمل حسابك إنك لسة هتطلع على 100 رصيف غيره
متقلقش ياما خبطنا عربياتنا
أهم حاجة طالما دخلت العربية وبدأت تسوق متضربش لخمة بالناس اللي حواليك واللي عمال يزمر واللي بيجري واللي واللي
ملكش دعوة بالناس وخليك في حالك واعمل أنك من القرن الأفريقي
وبالتوفيق

**ahmad--ezzat** · 26-05-2010 02:45 AM

كلنا فى الاول كده....انا اول ماابتديت اسوق كان قلبى بيدق جامد قبل ماركب العربيه...وكنت بترعش وانا بسوق :)....ومع الوقت اتعودت

**husseinoo** · 26-05-2010 09:35 AM

السلام عليكم ورحمة الله وبركاته

إن شاء الله خير ... ادخلى حضرتك على المشاركة دى ... وإن شاء الله كل شىء هايكون تمام

نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى ‏

مع اطيب التمنيات
اخوكم حسين غزالة

**ahmed2y** · 26-05-2010 10:20 AM

كلنا كنا كدة فى الاول كلة بالوقت بيكون تمام هى المشكلة الوحيدة عندك ان العربية جديدة خسارة تتبهدل فى التعليم بس

**ahmad5997** · 26-05-2010 11:05 AM

لما تعرفي ابقي قوليلي لحسن مراتي مطلعة عيني
تبقي ماشية في الطرق الفاضية بتاعة اكتوبر زي الباشا واول ما تشوف بني ادم ماشي تسيب الدركسيون من ايديها وتحطها علي عنيها

**agwaa** · 26-05-2010 11:58 AM

نصيحتي لكل مستجد في القيادة يدخل مدرسة المرور التابعة للمحافظة ( كل محافظة بها مدرسة تعليم قيادة السيارات ) وهي ممتازة والمدربين فيها ممتازين وعندهم صبر خاصة مع السيدات _ وبتعلم عملي ( على السيارات ) ونظري ( عبارة عن ميكانيكا السيارات وكيفية إصلاح الأعطال الخفيفة ) ...
أنا شخصيا ً قدمت فيها رغم إني كنت شاري العربية وبسوقها وبروح بيها الشغل لكن لم يكن معي رخصة قيادة ...
ولما دخلت المدرسة دي إستفدت كتير جداً في العملي والنظري وكيفية ركن السيارة علاوة على حصولي على الرخصة من خلالهم بعد إجتياز الإختبار في نهاية الدورة( لاحظوا إن الأوراق المطلوبة للتقديم في هذه المدارس هي نفس الأوراق المطلوبة لإستخراج رخصة القيادة ) . . .
وهذه المدارس أفضل كتير من إستغلال مراكز التعليم الخاصة إللي بتحاسبك بالدقيقة . . . !

-

الموضوع: الخوف الشديد من السواقة اعمل فية اية

LinkBack

أدوات الموضوع

عرض

-

-

-

-

-

المواضيع المتشابهه

فيلم شئ من الخوف

الخوف من السواقة بقى حالة مزمنة .. ايه الحل ؟؟

دائرة الخوف

الانتشار الشديد

ملعون الخوف

الكلمات الدلالية لهذا الموضوع

المفضلات

المفضلات

ضوابط المشاركة