ايه هي المصايب و الكوارث اللي حصلت لك من عربيتك النيسان صني المصري

**elassar2010** · 26-05-2010 12:07 PM

افضل عربية فى فئاتها وشيك

**atefadel** · 26-05-2010 12:38 PM

المشاركة الأصلية كتبت بواسطة hanyelrakhawy

حصلت معايا مره .... و قلت عيوب التقفيل المصرى ظهرت .... خصوصاً إن المفتاح وقع منى أول م نزلت من العربيه
بس فى خلال دقائق إكتشفت فعلاً إن فيه باب مفتوح

+9999999999999999999999999999999999

مره سبت الأولاد فى العربيه و نزلت أشترى حاجه و رجعت و بعدين فجأه لقيت زجاج الأبواب مش شغال .... قلت التقفيل المصرى ظهر ... و قلت أول م أرجع البيت هعمل موضوع هنا عن الحكايه دى .... و على م وصلنا البيت خدت بالى إن فيه مفتاح جنب السنترال-لوك ... قلت يمكن يكون بيعمل لوك لزجاج العربيه ... و فعلاً لما ضغطت عليه لقيت الزجاج بيطلع و ينزل تانى .... و كانت أول مره أشوف الزرار ده ... و طبعاً الزرار ده ميزه كبيره جداً علشان لما الأولاد بيبقوا قاعدين ورا بيلعبو فى زراير الإزاز .... ف مبقيتش أزعق و لا أقولهم حاجه ببساطه شديده بقيت أعمل لوك للإزاز من الزرار ده و خلاص

موافق حضرتك
الواد ابني بيطلع عيني لما بيركب العربية
يلعب في زرار الزجاج
وينور نور الصالون
بس المفروض يكون في السوبر صالون
1 وحرات رفع
2 حساسات ركن
3 نفسي فيييييييي فتحت سقف
من يومين كنت جايب طلبية ادوية في النيسان وخرجت انا والمدام
لمل روحت هما طلعو البيت وانا قات انقل الطلبية في العربية القديمة
بس انا كنت بتلكع علشان افضل اطول وقت في العربية و اتفرج عليها كويس
اعت بناع ساعة لدرجة ان المدام اتصلت علي الموبيل انت فيييييييييييييييييييييننن ننننننننننننن

**Ahmed.TV** · 26-05-2010 01:14 PM

بحييك يا دكتور على الموضوع فى البداية وعندك حق فى اللى قولته

فعلا نيسان شركة محترمة جدااا , وحتى انا بوجه شكر للفرع اللى فى مصر واللى بيتنج وبيقفل نيسان هنا عندنا
التقفيل يعتبر جيد جدا وخامات محترمة ويمكن تكون احسن من عربيات اخرى كتيرررر فى نفس فئتها
بس اتمنى انهم يشوفوا حل فى تظبيط استهلاك البنزين فقط
وربنا يباركلكم فيها

**mohamedfadel** · 26-05-2010 03:20 PM

علي فكرة العربية زي الفل

**Elsayed** · 26-05-2010 03:46 PM

انا كان معايا صنى 2006 وبصراحه مش شايف فيها عيب غير ضيق الكنبه الخلفيه جامد ولانى دايما بركب 5 افراد فكانت مشكله ما باقى المشاكل فلا وجود لها.
الان انا غيرت وبرده نيسان بس تيدا علشان الوسع الداخلى وبرده يابانى

**م.محمد علاء** · 26-05-2010 03:53 PM

عربيه...تستحق كل قرش و ميليم و سحتوت إندفع فيها..
الحمد لله..انا لسه مكتشف حاجه فيها مكنتش عارفها...و مش عارف بتعم إيه..
الابواب الخلفيه لما تفتحها تلاقي عليها من ناحية الكالون زرار يعمل لوك...
ياترى ده وظيفته إيه؟
الأ

**doctor_eid** · 26-05-2010 08:09 PM

المشاركة الأصلية كتبت بواسطة ahmed76

بس فيه ملحوظه يا ترى هاعرف انام و امدد رجلى على الكنبه اللى ورا واتقلب واناملى ساعتين انا والعيال ولا الكنبه ضيقه
ويا ترى الكرسى الشمال بيزيق ولا بيصوصو

الحقيقة ياباشا هو بينونو

اما من ناحية وسع الكنبة الخلفية ما اقولكش
ملعب كورة

مع تحياتي
د.عيد