باركولي يارجاله

**drzezo0o** · 27-05-2010 02:45 AM

الله يبارك فيكم جميعا ويارب كل واحد رد عليه بكلمه مبروك ان ربنا يديه هديه شارك ههههههه
وعقبال عندكم
اولا التقرير المفصل عن العربيه
الموتور مايفك 1500 سي سي بيطلع 109 حصان تكنولوجيا خطيره جدا الموتور المايفك ياجماعه مواتير بتاعه سبق واقوي بكتير من اي موتور 1600 سي سي وده عن تجربه الموتور ده فيه تجميع سريع جدا فوق ماتتخيل والفتيس بتاعها قوي جدا اسمه الفتيس الذكي
طبعا العربيه من جوه شبيهه بالرينو الميجان اول ماتخش العربيه وتفحها بالبصمه تلاقي شاشه كبيره ترحب بيك تقولك ولكم وطبعا الشاشه ديه اسمها شاشه المعلومات تبين كم متبقي على البنزين ويخلص عدادات ديجيتل مافيش امبيرات ولا الكلام بتاع زمان البومه وامثالها طبع العدادات شكلها جميل جدا واخده شكل عيون القرش 4 الوان شاشه في الوسط تبين الصوت والساعه وعدد السيديهات طبعا 6 اسطوانات طبلون شكله جميل جدا ويعطيك هدؤء قوي وكانك قاعد جوه كابينه طيار والله تكيفها اوتوماتيك اي عطل بيظهر على شاشه المعلومات ولو بسيط وده بيريح من الميكانيكي انه يشتغلك لو عيب فرامل يقولك لو عيب فتيس يقولك اي خدمه بيقدمها لك تلك الشاشه كراسي مريحه جدا جلد طبيعي واسعههههههههههه جدا جدا جدا بعكس نيسان صني اللي كانت معي ياجماعه العربيه ديه اقسم بالله كانك بتحلم بعربيه تمنها مليون جنيه وركبتها ده اللي عايز اوصفه عزل ممتاز جدا صوت العربي متوحش جدا اسد بيزئر كاوتشها مقاس 16 بوصه ارتفاعها مناسب مع طرقنا مبتحكش ابدا في الارض مليانه حساسات نور
وفيها زينون اصلي والتاره يوجد تحكم فيها بالصوت والراديو والسي دي بعكس السيراتو فيها بكره مالهاش لازمه وطبلون بلاستيك شكله سيء للغايه بجد عربيه تنفع تكون بنت نااااااااااس جدا ورياضيه جدا وعائليه جدا وكل حاجه ولسبب كده لو ملاحظين ان السيراتو كانت بتحاول تقلد شكلها لاكن في الاخر هيه والالنترا علب كرتون ملهمشي لازمه خالللللللص ودليل لذلك خش مواقع بيع السيارات كلها سيراتو والنترا موديل 2010 للبيع عمرك دخلت لقيت اكتر من شار ك او اتنين للبيع اتحداك لانها اللي بيشتري الشارك ميفكرشي يبيعها تاني ابدا طبع عفشتها خدمه شاقه جدا مريحه مبدبش زي العربيات الكوري
طبعا انا مشتري لانسر شارك موديل 2008 كامله سقف وبصمه وجلد طبيعي وزينون بسعر يجيب سيراتو على الزيرو وفضلتها عن السيراتو الهاي لين
العربيه انا مشتريها تقريبا بسعر 115 الف وكانت طبعا لقطه لاني لقيتها استعمال خفيف وطبعا في اغلى من كده بتوصل مستعمله لغايه 130 الف لان سعرها زيرو 155.900 الف
طبعا هل هناك مقارنه بين عربيه تمنها زي القرش بعربيه تمنها كامله هاي لين بسعر 122 الف
مش ممكن طبعا
والله الي ناوي يشتري يجيب شارك
وعلى فكره انا نزلت السوق وسالت عن قطع الغيار تقريبا والله زي الانسر البومه بالضبط في الاسعار ومفيش اي مشاكل تماما من العربيه
العربيه واخدها عامله 40 الف كيلو ودلوقتي عملت معايه 46 الف كيلو يعني انا مشتريها من 4 ايام وبكده اكون عملت تقريبيا 6 الف كيلو لان انا سفري كتير من الاخر طحاااااان عربيات ببيع العربيه 2008 نيسان صني وهيه عامله 300 الف كيلو
وخد من مجرب زي للشارك انها مفيهاش اي عيوب ولو خفيفه ومن خلال استعمال 6 الف كيلو ده تقريري في 4 ايام استعمال للعربيه ديه
على فكره فيه ناس بتقول الموتور بتاع الشارك بيسخن
ده كدااااااااااااب اللي يقول كده والله عداد الحرار ه بينزل عن النص في السفر الطويل وفي درجه حراره 50 انتو عارفين الطرق الصحراويه ودرجه حرارتها يعني الحراره زي ماهيه وده بالتكيف ومن غير التكيف مفيش سخونه على الاطلاق طبعا نسيت اكلمكم عن الثبات والله العربيه زي الطوبه تقيله جدا خدت بيها ملف على سرعه 160 لو اخدته بالنترا كان زماني بتحاسب عند ربنا هههه
وفي الاخير انا اسف جدا للاطاله بس يمكن انا مبهور شويه بالعربيه هههههه
واتمني من الله ان يدي اي انسان مايحلم به
ويديكم الشارك ويكفيكم شره
والسلام ختاااااام وشكرا

**د.محمود صلاح** · 27-05-2010 12:21 PM

الف مبروك وتشجيع منك لإقتناء الشارك ...

**FunnyMickey** · 27-05-2010 02:20 PM

الف مبروك عليك ياباشا

وسؤال غبي شويه

هيا مين فيهم الشارك ومين فيهم البومه

فيه واحده ببوز غبي كده
دي مين فيهم

**احمدعبدالعزيز** · 27-05-2010 02:46 PM

الف مبروك العربية الجديدة ربنا يديك خيرها ويكفيك شرها

**FunnyMickey** · 27-05-2010 05:00 PM

المشاركة الأصلية كتبت بواسطة hesham_7amza

دى الشارك
http://carphotos.cardomain.com/ride_...0004_large.jpg
ودى البومه
http://carphotos.cardomain.com/ride_...0026_large.jpg

سبحان الله
انا بحب شكل البومه اكتر بكتير
شبه المكواه شويه

انما الشارك دي شكلها عجيب
بس صراحه اللون الابيض فيها وهمي وهمي وهمي

**turch** · 28-05-2010 10:32 AM

الف الف مبروك وربنا يجزيك خيرها ويكفيك شرها والتقرير اكتر من رائع

**kemoelord** · 28-05-2010 03:24 PM

المشاركة الأصلية كتبت بواسطة drzezo0o

الله اكبر اقسم بالله العظيم اقوي بكتيييييييييير من البومه 1600 والله كانها 2000 سي سي العربيه فيها قوه غريبه جدا مش متوقعه منها كدااااااااااب ثم كدااااااااااااب ثم كداااااااااااب الي يقول الشارك ضعيف الاستجابه انا من كتر قوتها واستجابتها بدون اوفر درايف خالص فكرتها مش واخده الغيار الاخير تاريها واخده وطلعت جربتها مشيت بيها على سرعه 160 والار بي ام على تقريبا 4.5 او اقل شويه بشرطه او اتنين طبعا انا كنت راكب صني 2008 مانيوال كانت بتجيب نفس المعدل ده مع فارق 1600 سي سي والمانيوال
ومن خلال تجربتي للغيارات لاحظت الاتي
قمت بيقاف السياره تماما ونقلت عصايه الفتيس على( l) طبعا العربيه بتمشي كانها على الاولاني مفيش نقلات
قمت بايقاف السياره ونقلت العصايه على رقم (2) وجدتها بتنقل نقله واحده بس
قمت بيقاف السياره ونقلت العصايه على رقم (3) وجدتها بتنقل نقلتين بس ولقيت صوتها على سرعه 80 تقريبا نقلتها لحرف (d) ارتاحت العربيه تماما واخدت نقله اخري طبعا العربيه كانت بتجري زي الوحش الله اكبر
بس ليه سؤال من خلال تقرير تجربتي هل هذا هو الطبيعي ولا فيه غلط في عدد النقلات طبعا من خلال تجربتي ان العربيه بتاخد 3 نقلات محسوسه جدا بس بسلاسه بدون نتشه ولاتخبيط تحس باندفاع العربيه كل نقله او دفعه فيها لقدام فهل احساسي بالنقلات سليم ولا لا
ولا المفروض محسش بالنقلات نهائيا
ده تقريري وارجو الافااااااده

طبعا الف مبروووووك على العربيه وربنا يديك خيرها ويكفيك شرها , انا ليا استفسار بسيط هو حضرتك لما بتيجي تنقل من ال L to 2 to 3 to D بتنقلهم والعربيه ماشيه ولا حضرتك بتقف وتجرب كل غيار على حدى ؟؟ ولو بتجيبهم والعربيه ماشيه بتنقل عادي زي ما يكون فتيس مانيوال على اعتبار طبعا ان العربيه مش زي البوما انه فيه زرار في الفتيس والفتيس تبع الشارك (مزجزج) يعني حركة الفتيس مش على خط مستقيم فلما بتيجي تنقل بتحرك الفتيس عادي وبتنقل والعربيه ماشيه لاني ساعات كتير بحب اجرب انقل بس بخااااااااااف على الفتيس !!!!!!!!