اتصدمت فيكى يا كيا

المنتدى العزيز
والله انا كنت ناوى اشترى كيا سيراتو كوبيه بعد كام شهر
بس الحمد لله رجعت فى قرارى
اللى حصل ان واحد صاحبى اشترى عربيه كيا سيراتو كسر زيرو خليجى قعدت معاه لغايه حالن 3 اسابيع. وانا راكب معاه لازم ياخد مطبات غصب عنه
بس مش بياكلها على سرعه كبيره دا احنا بنبقى على الهادى
المقصات بدأت تزيأ بعد كام مطب
وراح كشف على العربيه وعايزه تتغيرلها مقصات او حاجه كدا
وللعلم كان معاه قبل العربيه دى citreon وكنا مبهدلين العربيه ولا سمعنا صوت تزييق فى المقصات ولا يحزنووون
وربنا يستر ومش عارفيين هنشوف ايه بعد كدا
دلوقتى هو دا طبيعى يعنى تاكل كام مطب بالعربيه تقوم المقصات بايظه ؟! :N_no[1]:

يمكن تكون حاله نادره
وبعدين دى كسر الزيرو يعنى مش واخدها من التوكيل
الله اعلم صاحبها كان عامل فيها ايه
اكيد الاخوه هيفيدوك

صاحبك شارى العربيه مستعمله يعنى ماتضمنش ايه اللى فيها

احنا بقينا فى زمن الزيرو احتمال مايبقاش مضمون مابالك المستعمل ؟؟

طالما العربية مستعملة حتى لو كانت كسر زيرو فمش مضمون أتعمل فيها أية ........... متقدرش تحكم بالموضوع ده علي كل السيراتو

ماهو واضح الى كان معاه العربيه بيسوق زى صحبك فمتستغربش من حاجه تحصل فى العربيه

طالما روحتوا كشفتوا عليها وقالكم المقصات كلها عايزة تتغير يبقي اكيد المقصات دي كان فيها حاجة - او المالك الاول كان خاربها

الراجل ده كلامه صح انا اول مره اسافر بالعربيه من اسوان للغردقه والطريق من سفاجه كله مطبات صناعي وعىون قطط ومش معقول افضل اعديهم ع الهادي وبعد التجربه مش مرتاح للعربيه مع العلم العربيه انا شاريها زيرو وبحسس عليها بفكر اغير

اكيد المالك الاول طلع عنيها وبعها

جايز تكون حالة فردية فعلا او العربية صاحبها الاول بهدلها قبل ميبعها

اقتباس:

---

المشاركة الأصلية كتبت بواسطة aminibrahim

الراجل ده كلامه صح انا اول مره اسافر بالعربيه من اسوان للغردقه والطريق من سفاجه كله مطبات صناعي وعىون قطط ومش معقول افضل اعديهم ع الهادي وبعد التجربه مش مرتاح للعربيه مع العلم العربيه انا شاريها زيرو وبحسس عليها بفكر اغير

---

حضرتك للعلم ...عفشة السيراتو الأمامية = عفشة الالنترا الأمامية يعني لا مقصات و لا مساعدين يقرقوا مللي

لو في حاجة بتضايقك في عيون القطط هاتبقى التعليق الخلفي المتصل ودي حقيقة ممكن تضايق

لو زهقان من العربية و هاتبيع اشتري عربية تعليقها من ورا متعدد الوصلات يعني بلاش برافو بلاش ميجان ممكنتفكر في تويوتا أو النترا


__________________
لصاحب الموضوع ...العيب مش في كيا

العيب في اللي باعلك

خلينا منطقيين و ناخد الموضوع بالتسلسل الطبيعي

اقتباس:

---

المشاركة الأصلية كتبت بواسطة Ahmed Samy

حضرتك للعلم ...عفشة السيراتو الأمامية = عفشة الالنترا الأمامية يعني لا مقصات و لا مساعدين يقرقوا مللي

لو في حاجة بتضايقك في عيون القطط هاتبقى التعليق الخلفي المتصل ودي حقيقة ممكن تضايق

لو زهقان من العربية و هاتبيع اشتري عربية تعليقها من ورا متعدد الوصلات يعني بلاش برافو بلاش ميجان ممكنتفكر في تويوتا أو النترا

---

ولا كمان كورولا تعليقها الخلفي torsion beam زي ال-cerato

اقتباس:

---

المشاركة الأصلية كتبت بواسطة hobiko

ولا كمان كورولا تعليقها الخلفي torsion beam زي ال-cerato

---

+1


على فكره أنا مش بهدى فى عيون القطط دى
مش فاهم
أنا مبعاملش العربيه معامله غريبه...زيها زى أى عربيه
لو ماشى هادى أكيد مش هخدها بسرعه...لو راكب 128 مش هعمل كده
ولو ماشى بسرعه أكيد مش ههدى فيها!!
أى واحد بيعرف يسوق بيعرف أن العربيه كل متزيد سرعتها كتلتها تقل "دى قاعده فيزيائيه" يعنى لما تعدى عليها ببطء شديد زى مطير من فوقيها

شكلك بتفهم يا نصة

اقتباس:

---

المشاركة الأصلية كتبت بواسطة medo_elgezy

شكلك بتفهم يا نصة

---

التعليق دا ايه علاقته بالموضوع اصلا ههههههههههههه انا فطسان على نفسى من الضحك لما شفت الكومنت دا

وارد جدا انه يكون فى عيوب صناعة ودى بتروح التوكيل زى البيه وتغيرهم وانت قاعد ودة فى اى نوع مش كيا بس يعنى ممكن فى كل 100 عربية واحدة يكون فيها عيب صناعة واحدة عفشة وحدة مشكلة فى الكهرباء واحدة التكييف دة طبيعي ووارد حتى فى الفئات العالية من السيارت بس النسبة بتقل طبعا كل مالسعر بيعلى لكن مستحيل توصل لصفر وهنا فايدة الضمان الى بيده التوكيل ضد عيوب الصناعة لكن بما انك بتشترى عربية خليجي يبقى انت وحظك وكمان كسر زيرو يبقى تشك فيها ان صاحبها بايعها لية بدرى كدة ملحقش يعنى يستعملها دة بالنسبة للتزيق ودة ممكن تروح التوكيل وتشوف المشكلة فين تصلحها وانت مرتاح ودة الحب الوحيد او انك تبيع العربية ودة هيبقى صعب لانك تانى مالك وحتى الى هيجربها هيسالك عن السبب . نصيحة صلحها واستمتع بيها والى وفرته فى كسر الزيرو هتطر تدفعة معلش بقى ربنا معاك

شكرا لامانتك يا أستاذ امين (اسم على مسمى) وعدم تحيزك على الرغم من ان حضرتك مالك للعربية

اقتباس:

---

المشاركة الأصلية كتبت بواسطة aminibrahim

الراجل ده كلامه صح انا اول مره اسافر بالعربيه من اسوان للغردقه والطريق من سفاجه كله مطبات صناعي وعىون قطط ومش معقول افضل اعديهم ع الهادي وبعد التجربه مش مرتاح للعربيه مع العلم العربيه انا شاريها زيرو وبحسس عليها بفكر اغير

---

العنوان مستفز مع كامل احترامى لصاحب الموضوع

أي عربية لازم يكون فيها اعطال بسبب الهبد والرزع في شوارع مصر

مع احترامي لصحب الموضوع ووجهة نظرة وكمان وجهة نظر اخونا اللي صدق علي المشكلة

انا بس محتاج افهم حاجة لو احنا عاوزيين نكون فكرة عن سلعة او بضاعة او سيارة او حتي اكلة معينة

هاتسأل مين ؟؟؟؟؟ اكيد هاتسأل حد لة فيها وعلي قدر من الخبرة في قدرة التمييز اية المزايا واية العيوب

ولازم يتوفر فية الخبرة والمعرفة علشان تبقي متاكد من حكمة صح
طب لما الراي يصدر عن حد خبرتة لسة قليلة هل هاتاخد منة راي وتعتمد علية؟؟؟؟؟؟؟؟
كمثال علي ذلك وانا لا أقصد اي معني سئ ولكنة لتأكيد وجهة النظر مع كامل احترامي للعضو aminibrahim
اللي دي عينة من ردودة في بعض المواضيع وخلينا نشوف هل ممكن ناخد راي في حاجة فنية زي كدة

http://www.nilemotors.net/Nile/15223...post3872693139
يعني ايه رجلشة الفرامل؟
http://www.nilemotors.net/Nile/15127...post3872682410
يعني ايه وحده رفع
http://www.nilemotors.net/Nile/14936...post3872655977
يعني ايه تسقيط نقله؟

وبعد هذة الردود بيطلق حكم ويقول
"الراجل ده كلامه صح انا اول مره اسافر بالعربيه من اسوان للغردقه والطريق من سفاجه كله مطبات صناعي وعىون قطط ومش معقول افضل اعديهم ع الهادي وبعد التجربه مش مرتاح للعربيه مع العلم العربيه انا شاريها زيرو وبحسس عليها بفكر اغير"

مع احترامي الكامل لرغبة العضو في المعرفة والاستفسار ماينفعش اطلق احكام واراء بالشكل دة

يارب النقطة تكون واضحة

تحياتي

ممكن تكون حالة فردية

اقتباس:

---

المشاركة الأصلية كتبت بواسطة carfreak92

التعليق دا ايه علاقته بالموضوع اصلا ههههههههههههه انا فطسان على نفسى من الضحك لما شفت الكومنت دا

---

على كلام البشمهندس نورمال

اقتباس:

---

المشاركة الأصلية كتبت بواسطة ahmed samy

حضرتك للعلم ...عفشة السيراتو الأمامية = عفشة الالنترا الأمامية يعني لا مقصات و لا مساعدين يقرقوا مللي

لو في حاجة بتضايقك في عيون القطط هاتبقى التعليق الخلفي المتصل ودي حقيقة ممكن تضايق

لو زهقان من العربية و هاتبيع اشتري عربية تعليقها من ورا متعدد الوصلات يعني بلاش برافو بلاش ميجان ممكنتفكر في تويوتا أو النترا


__________________
لصاحب الموضوع ...العيب مش في كيا

العيب في اللي باعلك

خلينا منطقيين و ناخد الموضوع بالتسلسل الطبيعي

---

الغريب ان عفشة الباسات الخلفية نفس فكرة عفشة السيراتو الخلفيه ومع ذلك محدش بيشتكى من ملاكها من نشوفية العفشه من ورا

وبعدين ايه دليلك ان عفشة الالنترا الاماميه هيا نفس عفشة السيراتو الاماميه عايز برهان للموضوع ده

اقتباس:

---

المشاركة الأصلية كتبت بواسطة hossam_elwani

الغريب ان عفشة الباسات الخلفية نفس فكرة عفشة السيراتو الخلفيه ومع ذلك محدش بيشتكى من ملاكها من نشوفية العفشه من ورا

وبعدين ايه دليلك ان عفشة الالنترا الاماميه هيا نفس عفشة السيراتو الاماميه عايز برهان للموضوع ده

---

مين قال لحضرتك ان عفشة الباسات هي عفشة السيراتو الخلفية ؟؟؟؟؟؟؟؟؟؟؟

انت بتهزر صح !!

عموما عفشة الباسات الخلفية متعددة الوصلات



اما دليلي انه عفشة السيراتو الأمامية هي عفشة الالنترا فده من أرض الواقع

انا نزلت و شفت الاتنين تحت العربية

و مركب مقص سيراتو وهو هو مقص الالنترا

و مركب مساعدين النترا عندي

ومركب تيل فرامل النترا

ماتقلقش ...احنا ما بنفتيش :S_thum1[1]:

اقتباس:

---

المشاركة الأصلية كتبت بواسطة Ahmed Samy

مين قال لحضرتك ان عفشة الباسات هي عفشة السيراتو الخلفية ؟؟؟؟؟؟؟؟؟؟؟

انت بتهزر صح !!

عموما عفشة الباسات الخلفية متعددة الوصلات



اما دليلي انه عفشة السيراتو الأمامية هي عفشة الالنترا فده من أرض الواقع

انا نزلت و شفت الاتنين تحت العربية

و مركب مقص سيراتو وهو هو مقص الالنترا

و مركب مساعدين النترا عندي

ومركب تيل فرامل النترا

ماتقلقش ...احنا ما بنفتيش :S_thum1[1]:

---

+111111111111

سبقتنى يادوك

ده أنا كنت لسه بكتب فى الرد :shine[1]:

فعلا عفشة السيراتوا من قدام هى هى نفس عفشة الالنترا و العربيتين على نفس الشاسيه و نفس المقصات و المساعدين الامامية و الفرق فى العفشة بينهم العفشة الخلفية بس زى ما الدكتور قال
بس نيجى هنا بقى لنقطة .... مشاكل كتير بانت فى مقصات السيراتو مابنتش خالص فى الالنترا و عربيات كتير سيراتو مقصاتها اتكسرت و انا شايف ان ده ممكن يكون بسبب الجنط ال 17 اللى تقيييييييل جدا جدا على العفشة دى بالذات فى الطرق الجميلة بتاعتنا اللى كلها نقر و قرف
انا راكب النترا 2010 و شفت عفشتها من تحت و هى هى نفس عفشة السيراتو من قدام بس اللى مخلاش حاجة تبان فى الانترا ان حتى الهاى لاين بتاعتها بتنزل بجنط 16 ( وده طبعا الخليجى بس ) و الباقى كله 15 يعنى مافيش منها 17 خالص
انما معظم السيراتو اللى بتتباع بجنط 17 و سمك الكاوتش بتاعه قليل جدا و ده مخلى اى حاجة تسمع على طول فى العفشة ده غير انه تقيل و عريض جدا يعنى بينقل اى صدمة للعفشة على طول و ده اللى عامل المشاكل دى
و ده رأيى و الله اعلم اذا كان تخمينى صح او غلط

ماقلتليش بقى اللى صاحبك جايبها بجنط 17 برده :d:d:d:d ??????

اقتباس:

---

المشاركة الأصلية كتبت بواسطة hosam_optrawy

احنا بقينا فى زمن الزيرو احتمال مايبقاش مضمون مابالك المستعمل ؟؟

---

تصدق عاجبتنى أوى ديه يا حسام باشا

سوري الموضوع مش محتاج خبره دا احساس وانت سايق العربيه واظن ان امطب مش عايز مفهوميه ولا خبره

ومش معني ان عندي كيا تبقي احسن عربيه

يا جماعة السيراتو اتباع منها كتير جدا ولازم تظهر حالات زى دى
وفعلا زى ما معظم الاعضاء قالو الجنط ال17 غلط كبير على العفشة انا صاحبى معاه frv ركب لها جنط نجمة 17 لما راح يعملها صيانة 1000 صوروا العربية فى التوكيل وقلولوا غيروا بالعادى علشان لو فضلت مركبو هتخرج عربيتك من الضمان او ركب لها جنط زى اللى راكب فيها
لكن المشكلة هنا ان العربية بتنزل ستوك بالجنط دا يعنى المفروض يكونوا عاملين حسابهم ان العفشة تستحمل وتكون مختلفة
لكن على ما يبدو ان عفشة السيراتو كلها واحدة ودا سبب المشاكل

السيراتو وحشة متبقاش تجيبها

ده حاجة متنقصش كيا لأن السؤال اللي بيطرح نفسه المالك الأولاني بعها ليه وكان بيعاملها ازاي.........؟

اقتباس:

---

المشاركة الأصلية كتبت بواسطة aminibrahim

سوري الموضوع مش محتاج خبره دا احساس وانت سايق العربيه واظن ان امطب مش عايز مفهوميه ولا خبره

ومش معني ان عندي كيا تبقي احسن عربيه

---

+111111:S_thum1[1]:

اقتباس:

---

المشاركة الأصلية كتبت بواسطة hossam_elwani

الغريب ان عفشة الباسات الخلفية نفس فكرة عفشة السيراتو الخلفيه ومع ذلك محدش بيشتكى من ملاكها من نشوفية العفشه من ورا

وبعدين ايه دليلك ان عفشة الالنترا الاماميه هيا نفس عفشة السيراتو الاماميه عايز برهان للموضوع ده

---

الفرق بين أى عربيه تعليقها الخلفى متصل مثل السيراتو ولا توجد شكاوى من نشوفيه عفشته واضح
السيراتو مش ناشفه عشان التعليق المتصل
لا
السيراتو ناشفه لأن فيها كومنيشن من كذا حاجه تخلى عفشه أى عربيه ناشفه
الجنط ال17
التعليق
المساعدين الغاز
كل عنصر من دول كفيل لوحده يخلى عفشه أجدعها عربيه ناشفه
تصور بقى كلهم فى السيراتو
لو نقيت أى عربيه تانيه هتلاقى فى الى متصل لكن بجنط 15 مثلا
والى ب17 ملتى لينك كده وبالتالى مش بنشوفيه السيراتو

اقتباس:

---

المشاركة الأصلية كتبت بواسطة aminibrahim

سوري الموضوع مش محتاج خبره دا احساس وانت سايق العربيه واظن ان امطب مش عايز مفهوميه ولا خبره

ومش معني ان عندي كيا تبقي احسن عربيه

---

مع كامل أحترامى لحضرتك
إذا كنت بتجرى على 100 مثلا وهديت علشان عيون القطط تبقى محتاج خبره
المطب فعلا مش عايز تعليم
لكن أسمع كلامك أنت.......
بتقول "مش معقوله كل شويه أهدى علشان عيون القطط ولا مطبات"
لاهو أنت عايز تجرى تلاقى مطب متقفش!!
ولو بتجرى ولقيت عيون قطط مين قلك هدى
ولما بتخدها على بسرعه ايه الى بيحصل؟؟؟؟؟!!!
وأنا مقلتش خبره
أنا بقول أى واحد بيعرف يسوق سواء عنده خبره أو معندوش
فى مطب غصبن عنى لازم أقف وأخده على الهادى
عيون قطط بجرى يمكن أزود بنزين أفضل!!!! لكن مهديش
ماشى هادى خدها على أنها مطب
لو حضرتك متعرفش الكلمتين الى فوق دول
بجد طبقهم هتلاقى الوضع افضل
وأنا راكب سيراتو وبقلك دى مش أحسن عربيه

اقتباس:

---

المشاركة الأصلية كتبت بواسطة medo_elgezy

شكلك بتفهم يا نصة

---

اسمها (ثكلك فاهم يا نثه):POINTIy2[2]:

شكرا يا شباب على تفاعلكم وللاسف انا كان نفسى والله اجيب الكوبيه بس انا عايز اجيب حاجه فى المضمون وكنت عايز افهم ايه الليله وفعلا فى كذا واحد حتى من برا المنتدى قالى على مشكله المقصات وحصلت معاهم فعلا فخير ان شاء الله

اقتباس:

---

المشاركة الأصلية كتبت بواسطة ahmed samy

مين قال لحضرتك ان عفشة الباسات هي عفشة السيراتو الخلفية ؟؟؟؟؟؟؟؟؟؟؟

انت بتهزر صح !!

عموما عفشة الباسات الخلفية متعددة الوصلات



اما دليلي انه عفشة السيراتو الأمامية هي عفشة الالنترا فده من أرض الواقع

انا نزلت و شفت الاتنين تحت العربية

و مركب مقص سيراتو وهو هو مقص الالنترا

و مركب مساعدين النترا عندي

ومركب تيل فرامل النترا

ماتقلقش ...احنا ما بنفتيش :s_thum1[1]:

---

معنى كده ان حضرتك غيرت مساعدين ومقصات
طب ليه ؟

اقتباس:

---

المشاركة الأصلية كتبت بواسطة kono

معنى كده ان حضرتك غيرت مساعدين ومقصات
طب ليه ؟

---

لأني عملت حادثة و الحمد لله جت سليمة :36_7_4[1]:

اقتباس:

---

المشاركة الأصلية كتبت بواسطة ahmed samy

لأني عملت حادثة و الحمد لله جت سليمة :36_7_4[1]:

---

طب الحمد لله انها جت على قد كده
طب حضرتك عملت صيانتها فى التوكيل ؟ واتكلفت منك كتير ؟