دا غير الترخيص الرسمى طبعاا
عرض للطباعة
الموضوع ده مش عام ....عشان مش الناس كلها كده
انا شايف ان الاخ هو اللى مستعجل ورايح فى اخر المده القانونيه (( شهر بالكامل ))...وحاسس ان فيه حاجه غلط فى الاوراق
فابيحاول يخلص نفسه بسرعه ....عشان مايحصلش حاجه تعطله
دفع المبالغ دى كانت بارادته الكامله...للاسف ... ولا يمكن ان يلوم الا نفسه
الحمد لله بروح المرور فى طنطا وكل حاجه بتخلص ومش بدفع ولا مليم رشوه
انا اسف لو كنت فظ معاك شويه بس لا يجب ان نسئ للبلد كلها عشان ظروفك ...او مكان فيه حاجه غلط
انا معاك على فكره و متفق مع رايك
لما كنت برخص العربيه و كنت بنقل من مرور في محافظة تانيه كمان
العمليه مشيت تمام و مدفعدش اي حاجة لاي حد خالص
مافيش غير بس الراجل اللى بيركب النمر و اديته 5 جنيه
لكن ولا امين و لا عسكري ولا حتى اتاخرت
الحكايه كلها خدت يومين ايام
الاول شهادة المخالفات و ده كان يوم لوحده عشان من محافظة تانيه بس طلعت بدون اي مشاكل خد الرخصه و نص ساعه و نده عليا و اخدت الشهاده
اليوم التاني الفحص و عادي دخلت فحصت و طلعت سلمت الورق و استنيت بتاع ساعه لحد ما الرخصة و النمر جت
و على فكره الدنيا ماكنتش فاضيه دي كانت زحمه بس مش عارف بقى مشيت ازاي كده
يا أستاذى العزيز انا لا بسئ للبلد لأنها بلدى زى ماهى بلدك, و بعدين انا حكيت كل التفاصيل, على فكرة ورقى كلة كان سليم 100 % و الرخصة كانت سارية من قبل ما اروح اجدد و انقل ملكية, بس لو كدفعتش بإرادتى زى محضرتك بتقول كان المشوار حيبقى 2 او تلاتة, و مكنتش حخلص , وانا بصراحة مش حسيب شغلى و اروح كل يوم المرور علشان أرخص, و عاوز أسألك سؤال, الناس اللى اخدت الفلوس دى يا إما بطلب منهم شخصيا او بإيحاء او بضغط غير مباشر , معليهومش اى ذنب, و اللوم عليا ؟؟؟ اعتبرنى يا سيدى كذاب و إسأل هنا فى المنتدى ايه اللى بيحصل عندكم فى المرور (فى القاهرة و الجيزة يعنى) بجد مهازل مش محتاج افضل احكيها علشان مسيئش للبلد واللى عايشيين فيها
يبقى واضح ان المشكلة عندنا إحنا فى القاهرة, مش موجودة فى المحافظات
ممكن احكى ليكم على موقف انا باقابله تقريبا كل سنه
انا بانزل بالعربية مصر من السعودية كل سنة وباسوق فى السعودية 1800 كم وفى مصر 450 كم تقريبا
طبعا عذاب وقرف ووقت اللى باخد فيهم ال450 فى مصر اطول بكثييييييييييييييير واكثر تعبا واجهادا من ال1800 مش دى النقطة
عارفين ايه اكثر حاجة متعبة ومقرفة فى السفرية كلها ؟ ال3-4-5-6 ساعات اللى باقضيهم فى الميناء اخلص الافراج الجمركى للعربية
والله كل سنة اقسم انا وكل اللى نازل من العربية ما نكررها قمة السرقة وقمة قله الادب وعدم الاخترام يعنى احنا بنبوس ايديهم ياخدوا فلوس مش ناخد منهم وبرضوا بيذلونا والله
اخر مرة اقسمت الا ادفع اى رشوة ابدا واخلص كل الورق واخدت الامر تحدى
الحمد لله خلصت اول واحد ومادفعتش ولا جنيه وكل اللى ييجى يقولى قلوس اشتمه واهزأه كمان
المهم فى الاخر رحت للظابط اللى ماسك الميناء يختم الختم الاخير وباقوله بدل ما بتبهدلونا على 300 شباك حطوا شباك زى الناس المحترمة نحط فيه الورق والمطوب دفعه ويمر الورق داخليا ونستلم فى النهاية يقوم الباشا يرد و يقولى ايه ... هو ده الصح بس لو عملنا كده ازاى الناس دى كلها ها تسترزق ههههههههه
يعنى الرشوة والاتاوة اصبحت رزق
وعلى فكرة اللى بيقول الولة مش فاهمة غلطان هم عارفين وسايبين كل حاجة لان ده فى مصلحتهم عارفين ليه ؟
الموظف المرتشى ده لو مش موجود مش هايعرف المسؤال يكتب ارض من اراضى الدولة باسمه ومش هايعرف يرخص عربية متهربة من الجمارك وغيره وغيره وغيره
سؤال بقه وياريت حد يجاوبنى عليه مين الاشخاص المرتشين دول ( وعلى فكرة مش فى المرور بس فى كل حته الان ) المرتشين دول ممكن يكون ابويا وابوك وخالى وعمى مهم اكيد اقرباءنا مش مقطوعين من شجرة
واجبنا حاجتين اولا ننصحهم ونعرفهم ان كده غلط حتى لو هانفضحهم او نقاطعهم
عدم دفع اى رشوة وتاكد ان الله سيساعدك واذا اتعطلت او اتاخرت اكيد ان ربنا بيفاديك من حاجة اكبر
على فكرة انا بانزل اخلص كل ورقى فى مصر بدون واسطة او رشوة نعم انا باتعب وباتع>ب لكن انى اخلص ورقة بالحلال صدقونى والله باحس بالنجاح والراحة والفرح بعده وباحس انى لم اغضب الله
يا ريت وياريت نبتدى من انفسنا ومن اهلنا