الموضوع: عايز اظبط ال 128

متابع.....

1- بالنسبة بالزجاح فى التوفقية ب 300 جنية با ( التركيب+ الزراير + وحدة رفع للزجاج + ضمان سنة ) الامامى فقط مكينة رفع الزجاج يبانى استيراد

2- سنتر لوك سيمفونى فى منة نوعين ( باريموت ) ( من غير ريموت ) و سعرة تقريبا 120 جنية للاربع ابواب --- الانزار خليك فى النوعين دول يا ( ولــف ) او ( سباى ) و الاتنين حلوين الاسعار مش متاكدة منها اوى بس اعرف ان الولف ب 150 تقريبا

3- بلاش موضوع الاستوب دة خالص علاشان عامل زى بتاع المكروباصات يستحسن تجيب الاسبويلر الواطى اللى بيركب على الشنطة علاطول و فى منة العريض و منة الرفيع اوى

4- قصدك بموضوع الشماشات اللى بتركب على حرف شباك البيبان ( بتاعت التاكس البيجو ) خليها على طبيعتها احسن بكتير

5- خلى العربية على طبيعتها احسن و عدل فى حاجات بسيطة احسن زى فانوسين كريستال عاملين 30 جنية و حط لمبتين فيلبس بحدود 80 جنية لونهم ثلجى الشبكة رشة اسود غامق مع الفانوسين هيدولك شكل 10/10

6- لو مفيش جنوط ركب 4 طاسات يكون لونهم رمادى ميتالك مش نيكل ميتالك غامق من ابوة 35 جنية اللى فى الكرتونة مقاس 13

7- فامية اسود 0.0 او اخف فامية على الزجاج الخلفى

8- باغة فانوس خلفى جبها احمر او ابيص شفاف او اديها فامية اسود عند اى محل اكسسوارات (حسب لون العربية انا عربيتى لونها ابيض مديها باغة حمرا مش فامية احمر )

9- ركب لمض صالون ثلجى فاتح ( و ركب زرارين ثلاجة فى قايم البابين اللى قدام و شغلهم مع السنتر و جهاز الانزار و نور الصالون )

10- كاسيت كويس اى نوع محترم ( وبلاش الحاجات الصينى علاشان هتتخنق منها و هتبوظ و هتغيرها و هتفضب تدفع علاطول ) الغالى تمنة فية

11- جوزين سماعات سونى او كينود او بايونير مدورين علاشان متفتحش فى الصاج

12- ربنا يباركلك فيها يارب و يكفيك شرها و شرها و شر الطريق ( قول امين ) [IMG]file:///C:/DOCUME%7E1/Mahmod/LOCALS%7E1/Temp/moz-screenshot.png[/IMG]

خلى العربية على طبيعتها احسن و عدل فى حاجات بسيطة احسن زى فانوسين كريستال عاملين 30 جنية و حط لمبتين فيلبس بحدود 80 جنية لونهم ثلجى الشبكة رشة اسود غامق مع الفانوسين هيدولك شكل 10/10

لو سمحت ياباشا مين بيبيع الفوانيس الكريستال ممكن تدلنى عليه وعنده الفوانيس المدوره بتاعت 128 العاده
وشكرا

حضرتك الميزانيه كام ؟؟
لان دى اللى هتحدد انت ممكن تعمل ايه فعربيتك

المشاركة الأصلية كتبت بواسطة magyver

زي ماساري قال
جوز فانوسين كريستال ودول هتلاقيهم عند بتوع قطع الغيار لانهم مش بتوع ال28 اساسا دول بتوع الدباابة
.

باشا انا جايب الفاونيس بتاعتى من التوفقية و هى كرستالة لل 128 مش الدبابة الحوار بتاع فوانيس الدبابة غالية اوى و حوار و على العموم شكرا على متابعتلك للموضوع و مجهودك العظيم اللى فى المنتدى

وبكام فوانيش الفيات 128 الكريستال وهل تقصد اللى فدام صح بكام بقى و الفوجات بكام

انا جايب 2 امامى ب 30 جنية من التوفقية و موجودين و غير كدة يا جماعة فى واحد فى الجيزة بيعمل الفوانيس القديمة كريستال تقريبا لو هيعمل رينج فى الفانونس + الكريستالة + رش الفانوس اسود الواحد ب 60 جنية يعنى الاتنين ب 120 جنية و انا معاية رقم الورشة اللى عايز الرقم يقولى و انا اكتب الرقم و الراجل صاحب الورشة محترم و ممكن تفاصل معاة