دى أسعار قطع غيار الجراند بونتو
http://www.nilemotors.net/Nile/144402-a.html
عرض للطباعة
دى أسعار قطع غيار الجراند بونتو
http://www.nilemotors.net/Nile/144402-a.html
بصراحة انا شايف ان المقارنة دى ممتازة والمفروض تاخد وقت ومجهود اكتر من كدة من الاعضاء اللى مهتمين اكتر بالهاى لاين من العربيات لكن فئة العربيات المتوسطة اللى 90% من الشباب بيركبها مش عارف لية المقارنة مبتبقاش على هوا بعض الناس انها تدخل وتتكلم فيها بردة بنفس الحماس عموما اتمنى ان يكون فية تفاعل اكتر من كدة لانى فعلا شايف المقارنة فيها كلام ونتيجتها مش محسومة
بالنسبة لاسعار قطع الغيار ياباشا هية طبعا غالية زيها زى اى عربية جديدة وخصوصا اوروبى بس الجين اقل منها بالتاكيد بس السوال مش فى كدة ومالوش علاقة بخبرتك الفكرة كلها بعد ما شفت اسعار قطع الغيار دى هل ميزانيتك تتحملها فى اى وقت لا قدر الله تحتاج تغير فية قطعة ولا لاء لو الميزانية تسمح يبقى موضوع قطع الغيار دة بالنسبالك مش عائق وتبدا تشوف اوجة اختلاف اخرى بين العربيتين لترجيح احدهما وتحياتى ليك
الفيات صناعه ارقى وخامات اعلى وتقفيل انضف
شكرا للتوضيح بس دة مختلفش كتير عن اللى حضرتك قلتةمثلا ارقى فى الخامات والتقفيل ماشى هية هية مجبناش حاجة جديدة اوفر فى البنزين اكيد علشان الموتور فرق شااااسع بين الاتنين
بس نفسى نبقى بنتكلم بموضوعية نفسى نتكلم صح يعنى اية كل حاجة لصالح الفيات اية هية كل حاجة ( زى بالظبط بيقولوا ) انا بهزر معاك بس انا عايز المقارنة تبقى منطقية وبالتالى حنحط معايير ونقط والناس وحضرتك تقيمها
1-الشكل الخارجى
2-الشكل الداخلى (خامات وتقفيل)
3-قوة الصاج
4-انظمة التعليق
5-التحكم والثبات على السرعات العالية (القدرة على المناورة)
6-الكماليات بشكل عام
7-التسارع وقوة الموتور
8-الوسع الداخلى والشنطة
9-بلد الصنع وعراقة الشركة (علشان الناس متزعلش)
10-سعر قطع الغيار داخل وخارج التوكيل (ومدى توافرها)
11-استهلاك البنزين(مع انو محسوم بس لازم يتحط)
12-سعر اعادة البيع(مش مقياس للجودة لانة وحش فى الاتنين)
13-الاعتمادية فى العمر الافتراضى (اقل اعطال)
14-جودة الوكيل وخدمة ما بعد البيع
15-قيمة مقابل سعر
كدة تبقى مقارنة
اوعى تزعل بس انا مبحبش التعميم فى كل حاجة ويمكن انا عندى عقدة :C_laugh[1]:
بص هو من وجهه نظرى....
1-الشكل الخارجى انا شايف ان البونتو اشرس وشكلها هجومى اكتر وبتعجبى
2-الخامات البونتو تتفوق...والتقفيل نفس الكلام
3- قوه الصاج الحقيقه مش عارف النقطه دى ولكن الجين 2 قويه ...والفيات كمان صلبه اوى
4-موضوع التعليق دة مش هتكلم عنه لانى مامتلكتش ولا واحده فيهم
5-نقطه الثبات كويسه فى الاتنين ولكن البروتون اعتقد اثبت (والله اعلم)
6- كماليات للبروتون اعلى بس بحاجه بسيطه
7-التسارع والقوه للبروتون (بس بعد ال 100) البونتو فى الاول طلقه ما شاء الله ولكن بعد كده ال 1600 هيتكلم بقا
8-الوسع...البروتون كنبتها ضيقها من ورا....البونتو الحقيقه معرفش...بس ممكن نقول الاتين زى بعد ولكن الجين 2 اكبر فى الشنطه
9-عراقه الشركه....الفيات
10-سعر قطع الغيار.....الجين 2 متوافره...والفيات برضه والاسعار مش بعيده عن بعض لان العربيتين منتشرين
11-البنزين للفيات (استهلاك اقل)
12-اعاده البيع....الاتنين مش تمام
13-الاعتماديه اكيد للفيات...والعمر الافتراضى للايطالى طبعا
14-الوكلاء الاتنين تعبانين
15-القيمه مقابل السعر....البروتون افضل عشان عربيه فئتها اعلى
وانا رايى الفيات تتفوق فى نقط مهمه كتير.....والى صاحب الموضوع...روح اركب دى واركب دى فى المعرض وانت اللى هتحكم....
شرين كار الميرغنى............فيات بانواعه
المصريه مدينه نصر........جين 2