ظاهرة السماسره والتجار

**dode2002** · 26-05-2010 03:27 PM

ايوه زي ماالعنوان بيقول دي اصبحت ظاهره في كل مكان
حتي المنتدي اصبح مليان
وكده مش هيكون فيه ثقه بيننا وبين بعض بسبب وجود التجار والسماسره في المنتدي
طيب نعمل ايه وايه الحل
عاوزين اقتراحات
انا بقول قبل التعامل ندخل نشوف مشاركات العضو
لو كلها بيع وشراء وما الي ذلك يبقي منتعملش معاه
ولا ايه رأيكم

**mrsailor** · 26-05-2010 03:31 PM

المشاركة الأصلية كتبت بواسطة dode2002

ايوه زي ماالعنوان بيقول دي اصبحت ظاهره في كل مكان
حتي المنتدي اصبح مليان
وكده مش هيكون فيه ثقه بيننا وبين بعض بسبب وجود التجار والسماسره في المنتدي
طيب نعمل ايه وايه الحل
عاوزين اقتراحات
انا بقول قبل التعامل ندخل نشوف مشاركات العضو
لو كلها بيع وشراء وما الي ذلك يبقي منتعملش معاه
ولا ايه رأيكم:u_thin1[1]:

+11111111111111111111111111

**dode2002** · 26-05-2010 03:57 PM

ايه محدش عاوز يقول رايه

**FunnyMickey** · 26-05-2010 04:13 PM

اختلف معاك في موضوع المنتدي المليان ده
اي حد بيعمل موضوع بره البيع والشراء الاداره بتطرقعه علي طول

وروح شوف في الكماليات
واحد كان عامل اعلان والموضوع اتوقف والعضو اتوقف والموضوع تقريبا محطوط لسه عشان يبقي عبره

انما الي يعمل في البيع والشراء بردو نفس الحكايه
وفيه موضوعين اتشالوا لنفس السبب

انما اعضاء بتبيع لبعض عادي
مفيهاش مشكله

بصراحه المنتدي احلي حاجه فيه ادارته الحازمه

**FunnyMickey** · 26-05-2010 06:05 PM

ممممممممممممممممممممممممم ممممم
والله انا اشتريت حاجات من قسم البيع
والناس زي الفل

بس موقعتش في اللي انتا بتقول عليهم دول
بس هوا فعلا اسلم حل
اللي انتا بتقول عليه
انك تبص عالمشاركات قبل ما تشتري

بس بردو مش حل
لاني انا شخصيا ليا تجربه مع الموضوع ده مع عضو معانا هنا

اشتريت منه اي بود واسمه عصام
والراجل ده يعني اغلب انشطته بيع

وفعلا مش تاجر

والراجل بعد ما باعلي الحاجه عمل اعلانات علي حاجات تانيه

فاهم فالموضوع ميخضعش لمقياس
اهم حاجه مياخدش الحاجه من عضو ميعرفوش خالص ولا مثلا مشاركاته اقل من 10
وكلهم بيع

ده كده يبقي يستاهل اللي يجراله بقي

يعني اقل من برونزي مينفعش
ممعاكش حاجه للبيع بقي
ههههههههههههههه

**M.Zaher** · 26-05-2010 10:07 PM

تصدق اني كل مااقول هادخل على قسم البيع و الشراء اكسل و انسى مجربتش بصراحة حاجة زي دي
بس انا عارف ان الناس هنا في المنتدى في ادارة محترمة بتواجه الشغل ده و اكيد لما هاجي اشتري حاجة من حد هنا زي ماميكي قال مش اقل من برونزي

يعني اقل من برونزي مينفعش

بس ده هنا في المنتدي اما في الواقع بقى فامفيش ليه حل نهائي
يعني مثلا بدور على شقه بقالي كام شهر و السماسرة مبهدلني كل يوم تعالي شوف ادامي حاجة جامده اروح واشوف الاقي حاجة غير الكلام بتاع التليفون
وكل واحد عايز يلبسنى وخلاص مش هاتفرق معاه المهم ياخد الفلوس وخلاص يعني يبيعك علشان فلوسه لما بجد بقت حاجة تزهق وتلاقيه نازل زن زن زن فوق دماغك يعني لسه النهارده الراجل متصل عليا بتاع حوالي 50 مره بجد لما التليفون زهق منه ياعم خلاص مش عايز ام الشقه دي يقولي طب بس دي كذا و كذا مش عارف ايه الحل بقى مع النوعيه دي من الناس

**smsmxxxxxx** · 26-05-2010 10:50 PM

مع انى ماشترتش حاجة من الاعضاء هنا في المنتدى

بس انا رأيي ان وجود تجار او مندوبين في القسم المخصص من المنتدى وبموافقة الادارة
دا حاجة كويسة جدا

لان في ناس كتير ممكن ميبقاش معاها تمن حاجة جديدة
لكن اللي معاها على اد حاجة مستعملة
او يمكن ميعرفش حد عنده الحاجة اللى عايزها

يعنى الموضوع مفيد اكتر للاعضاء الدائمين

--------------
محمد سالم

**dode2002** · 27-05-2010 04:16 AM

والله انا متفق معاكم بس نفسي يكون منتدي البيع والشراء للاعضاء الذين مر عليهم اكثر من 200 مشاركه ( عضو فعال ) علشان عدم دخول التجار والسماسره ولا انتم ايه رأيكم