ياتري بتستخدم أي أسلوب في التوقف بالاشارات ؟؟

**M.Osman** · 26-05-2010 11:00 PM

المشاركة الأصلية كتبت بواسطة ahmed nouh

خلى بالك يا باشا , معدل استهلاك الوقود المستخدم لإداره الموتور هو يوازى تقريبا 5 دقايق انتظار او 10 دقائق مش متأكد

فلو الموضوع مش مزنق قوى مفيش داعى تبطل العربيه

ده بجانب ان غلط كتير تبطيل وتدوير العربيه انت كدا بتاخد من عمر المارش

بس انا قرأت ان طالما انت هتنتظر اكتر من 7 ثواني يبقى اطفي العربية احسن
الكلام دا طبعاً لو هقف استنى حد ... مش في اشارة واقفة او مزلقان

**hobaz** · 26-05-2010 11:05 PM

بمور في الغالب لاكن لما اكون واقف في اشارةوبقالها 5 ثواني مثلا فرامل وخلاص مش مستاهلة.......

**M!SHO** · 26-05-2010 11:06 PM

لو الاشاره اكتر من 10 ثوانى بجيب ال N وساعات بشد الهاند وساعات مبشدهاش على حسب المكان ...
التفسير للناس اللى بتفضل دايسه فرامل بيبقى معظمهم فاكر ان كتر النقل فى الفتيس الاتوماتيك بيبوظه وناس كتير فاكره كده وانا كنت واحد من الناس دى بس من زمان

**Samir Elshahawy** · 26-05-2010 11:09 PM

المشاركة الأصلية كتبت بواسطة M.Osman

بس انا قرأت ان طالما انت هتنتظر اكتر من 7 ثواني يبقى اطفي العربية احسن
الكلام دا طبعاً لو هقف استنى حد ... مش في اشارة واقفة او مزلقان

لو هاتستني حد و لفترة كبيرة يكون من الافضل أيقاف المحرك ,

و لو هاتستني واحدة ست يبقي الافضل تركن و تبطل المحرك و ممكن تقعد علي كافيه قريب تشرب حاجة ساقعة تهدي بيها اعصابك

**أبومعاذ** · 26-05-2010 11:11 PM

المشاركة الأصلية كتبت بواسطة abdelaziz-waleed

انا عندي مانوال. بمور على طول ومش دايما برفع فرامل اليد طالما العربية ثابتة ولكن طبعا برفعها لو واقف على مطلع او منزل كبري

+1

**M.Osman** · 26-05-2010 11:26 PM

المشاركة الأصلية كتبت بواسطة SE_coralsea

لو هاتستني حد و لفترة كبيرة يكون من الافضل أيقاف المحرك ,

و لو هاتستني واحدة ست يبقي الافضل تركن و تبطل المحرك و ممكن تقعد علي كافيه قريب تشرب حاجة ساقعة تهدي بيها اعصابك

**M.Osman** · 26-05-2010 11:41 PM

المشاركة الأصلية كتبت بواسطة ahmed nouh

فعلا انا بحثت دلوقتى وطلع كلامك صح , متأسف يا باشا

المعلومه اللى انا قولتها طلعت بس على العربيات الكربراتير اللى فيها بالفعل الموتور بيستهلك كميه وقود غير منتظمه فى بدايه تدويره ده بجانب ان العادم بيبقى اكثر ضررا من العادى فى بدايه التدوير فالافضل ان كان وقت التوقف مش كتير عدم تبطيله لكن العربيات الانجكشن لو هتقف اكتر من 10 ثوانى يبقى اوفر انك تبطل العربيه

بس طبعا خلى بالك بلاش تدوير على الفاضى والمليان علشان زى ما قولت اكيد ده استهلاك بدون داعى للمارش

شكراً احمد باشا على تأكيد المعلومة ... تلميذك :)

**hany_mohamed** · 26-05-2010 11:52 PM

على حسب التأخير فى الاشارة بس التصرف البديهى هو n وزيادة تبطيل المحرك لو الموضوع هيطول
ومن الامور الهامة لو الواحد منتظر فى اشارة بمطلع طريق لازم أخد بالى من العربية اللى أمامى لو موديل قديم بأسيب مسافه مريحة علشان لما يدور ويطلع ممكن يرجع شوية لورا ويعمل مشكلة

**Hmatchy** · 27-05-2010 12:12 AM

انا بمور وشد الهاند سنتين كدة او تلاته يعنى يدوب توقف العربية وخدو بالكو يا جماعة بلاش تشدو الهاند للأخر علشان موش تريح مع الوقت خليها بس لما تكون راكن على منزل او حاجة لكن لو واقف فى مكان مسطح عادى شدها للنص بس
بس دا طبعان للزيرو والناس اللى الهاند بتاعها مظبوط صح