ياتري بتستخدم أي أسلوب في التوقف بالاشارات ؟؟

**Dr.SherifMansy** · 27-05-2010 01:22 PM

أنا باجيبها على ال n و بادوس فرامل ، علشان كده بتفضل منورة ، و لكن مش متعشقة..

و باستسهل الدوس على الفرامل علشان لما الأشارة تفتح باروح جايب d و اول ماشيل رجلى تتحرك ، بدل ما ادوس فرامل و اجيب ال d و افك فرامل اليد ، اعتقد ان اللى باعمله اسهل و مافيش فيه خطورة او استهلاك على العربية.

**shouk_1987** · 27-05-2010 02:01 PM

طب سؤال كمان مع الإستئذان من صاحب الموضوع

الناس اللى سايقة أوتو عارفين إيه هى الأوضاع اللى الفتيس يتحرك فيها من غير ما تدوس على الزرار اللى فى الفتيس أو تدوس عليه لتحت للى معندوش زرار
عشان الناس اللى مش عارفه نقولها
ياعنى أنا مثلا عندى حاجة غريبة من ال d ل 2 و l لازم أدوس على الزرار لكن العكس (من l ل 2 ل d) مش لازم الزرار ياعنى فرامل بس (ديه أمان منى أنا لكن فى فولكس باسات 2002 الفتيس مش هيتحرك الا لما تدوس فرامل والله أعلم بقى فى عربيات إيه تانى)
فى حين الأوبترا مش لازم تندوس لتحت (بديل الزرار) لما تروح من d ل 2 ل 1

وياريت برده الناس تقول هل عربياتها ما تتتموّرش عشان مرة واحد قفل عليا بفكترا ال 2000 ينات المهم بعد بقى ما كنت مولع ولما جيه قولتله إنت مش مموّر ليه قالى مابتتموّرش قلتله ليييه ؟؟؟ قالى المفتاح مش هيخرج غير على الp قولتله ماشى عادى هتلاقى زرار shiftlock عشان تجيبها على ال n و المفتاح مش فيها زى النيسان تيدا كده طلع مفييييش

أنا أسف جدا لو خرجت عن الموضوع بس متهيألى فيه ناس برده عندها الأسئلة ديه و شكرا

**age** · 27-05-2010 02:05 PM

المشاركة الأصلية كتبت بواسطة NaderNabil

أمور أو أجيب n و أرفع الهاند لو الإشارة طولت كالعادة

لكن لو كل شوية بنتحرك متر في في متر...بفضل معشق و باتحرك سِنة سِنة...

تماام كده

**تامر.محمد** · 27-05-2010 05:13 PM

لو هاقف وقت بسيط (ثواني بسيطة يعني ) بامور و ادوس فرامل برجلي
لو هاقف شوية , باشد فرامل اليد
لو هاندخل في دقايق بابطل موتور العربية

**Samir Elshahawy** · 29-05-2010 10:31 PM

المشاركة الأصلية كتبت بواسطة shouk_1987

طب سؤال كمان مع الإستئذان من صاحب الموضوع

الناس اللى سايقة أوتو عارفين إيه هى الأوضاع اللى الفتيس يتحرك فيها من غير ما تدوس على الزرار اللى فى الفتيس أو تدوس عليه لتحت للى معندوش زرار
عشان الناس اللى مش عارفه نقولها
ياعنى أنا مثلا عندى حاجة غريبة من ال d ل 2 و l لازم أدوس على الزرار لكن العكس (من l ل 2 ل d) مش لازم الزرار ياعنى فرامل بس (ديه أمان منى أنا لكن فى فولكس باسات 2002 الفتيس مش هيتحرك الا لما تدوس فرامل والله أعلم بقى فى عربيات إيه تانى)
فى حين الأوبترا مش لازم تندوس لتحت (بديل الزرار) لما تروح من d ل 2 ل 1

وياريت برده الناس تقول هل عربياتها ما تتتموّرش عشان مرة واحد قفل عليا بفكترا ال 2000 ينات المهم بعد بقى ما كنت مولع

ولما جيه قولتله إنت مش مموّر ليه قالى مابتتموّرش قلتله ليييه ؟؟؟ قالى المفتاح مش هيخرج غير على الp قولتله ماشى عادى هتلاقى زرار shiftlock عشان تجيبها على ال n و المفتاح مش فيها زى النيسان تيدا كده طلع مفييييش

أنا أسف جدا لو خرجت عن الموضوع بس متهيألى فيه ناس برده عندها الأسئلة ديه و شكرا

ياباشا و لا يهمك أنت برضه بتتكلم في سياق الموضوع

عموما هأجاوبك علي سؤالك
- بالنسبة لحركات الفتيس الاوتوماتيك فعندي مثلا مش لازم أدوس فرامل علشان أنقل من وضع n الي ال d أو 1 أو 2 أو 3 و لكن لازم أدوس فرامل من ال n الي ال p

أما موضوع أنك تقف و تمور ده مش ممكن لأن المفتاح فعلا مش هايطلع من مكانه ألا علي ال p و موضوع مفتاح ال shift lock فده للطوارئ فقط و أعتقد كتر أستخدامه ممكن يسبب مشكلة للأوتوماتيك و ألا كانوا صمموا الاوتوماتيك علي كده , و لا انت مش معايا ؟؟

مع خالص تحياتي
م/ سمير الشهاوي

**shouk_1987** · 30-05-2010 01:37 AM

المشاركة الأصلية كتبت بواسطة SE_coralsea

ياباشا و لا يهمك أنت برضه بتتكلم في سياق الموضوع

عموما هأجاوبك علي سؤالك
- بالنسبة لحركات الفتيس الاوتوماتيك فعندي مثلا مش لازم أدوس فرامل علشان أنقل من وضع n الي ال d أو 1 أو 2 أو 3 و لكن لازم أدوس فرامل من ال n الي ال p

أما موضوع أنك تقف و تمور ده مش ممكن لأن المفتاح فعلا مش هايطلع من مكانه ألا علي ال p و موضوع مفتاح ال shift lock فده للطوارئ فقط و أعتقد كتر أستخدامه ممكن يسبب مشكلة للأوتوماتيك و ألا كانوا صمموا الاوتوماتيك علي كده , و لا انت مش معايا ؟؟

مع خالص تحياتي
م/ سمير الشهاوي

أولا: شكرا لذوقك يا باشا
ثانيا: إنت مافهمتنيش كويس أنا مش قصدى إنت بتدوس على الفرامل إمتى لأن أساسا قمة الخطر إنك تحرك الفتيس من غير ما تكون دايس فرامل و زى ما قلت فى عربيات كتيير الفتيس مش هينقل من غير ما دوس فرامل (من أىّ وضع لأىّ وضع) أمان ياعنى
أنا بتكلم إمتى ممكن ما تدوس على الزرار (أو تنزل الفتيس لتحت للى معندوش زرار)
لما تحرك الفتيس من وضع لوضع

وعلى فكرة الماتريكس العربية تبطل والمفتاح يخرج على أىّ وضع معندهاش مشاكل

**m_elkhishin** · 30-05-2010 02:19 AM

المشاركة الأصلية كتبت بواسطة shouk_1987

أولا: شكرا لذوقك يا باشا
ثانيا: إنت مافهمتنيش كويس أنا مش قصدى إنت بتدوس على الفرامل إمتى لأن أساسا قمة الخطر إنك تحرك الفتيس من غير ما تكون دايس فرامل و زى ما قلت فى عربيات كتيير الفتيس مش هينقل من غير ما دوس فرامل (من أىّ وضع لأىّ وضع) أمان ياعنى
أنا بتكلم إمتى ممكن ما تدوس على الزرار (أو تنزل الفتيس لتحت للى معندوش زرار)
لما تحرك الفتيس من وضع لوضع

وعلى فكرة الماتريكس العربية تبطل والمفتاح يخرج على أىّ وضع معندهاش مشاكل :c_laugh[1]:

انا ليا تعقيب على كلام حضرتك
موضوع دوس الفرامل ده بيكون فقط لما تنقل من p الى أي سرعة اخرى. وده ملوش أي علاقة بالحفاظ على الفتيس. انما الهدف الأساسي منه هو الأمان. بمعنى اخر محدش ينقل الغيار الا السائق اللي دايس فرامل، يعني لو طفل مثلا قاعد ورا أو جنب السواق و لعب في الفتيس والسائق مش موجود ودايس فرامل مش حيرضى ينقل.

بالنسبة لموضوع الزرار، فده بيكون لازم تضغط عليه لما تنقل من غيار مداه عالي الى غيار مداه أوطى وده بقى عشان الحفاظ على الفتيس. يعني مثلا ال d مداه من 0 الى اخر العداد بينما 3 مداه من 0 الى 100 مثلا. فلو انت ماشي على ال d على سرعة 140 ونزلت الغيار على 3 ال rpm حيرتفع جدا وممكن يضر الموتور والفتيس، فا الزرار ده بيكون تأكيدا للسائق انه نقل بكامل ارادته مش ايده خبطط في الفتيس ولا حاجة

انما لو حتنقل من تحت لفوق مفيش فيها أي مشكله أو أي ضرر وبالتالي ملوش لازمه الضغط على الزرار.