ياتري بتستخدم أي أسلوب في التوقف بالاشارات ؟؟

**mrsailor** · 30-05-2010 04:19 AM

المشاركة الأصلية كتبت بواسطة se_coralsea

الاخوة الاعضاء الكرام ...

النهاردة و انا واقف في الاشارة لاحظت حاجة غريبة شوية , هي يمكن تكون غريبة بالنسبة لي لكن عند غيري عادية

لما بأكون واقف في أشارة و الوقفة طويلة شوية بأنقل الغيار علي n و بأعشق فرملة اليد و أشيل رجلي من علي الفرامل , ده علشان عربيتي أوتوماتيك و لما كان معايا عربية مانيوال كنت بأعمل نفس الحكاية بأمور و أشد فرامل اليد , طيب لحد كده تمام أوي

نيجي بقي للعربيات اللي واقفة قدامي لاحظت أيه ؟؟؟
كل العربيات أستوبات الفرامل بتاعتها منورة ... ده معناه أيه ؟؟ :u_thin1[1]:
أن السادة سائقي السيارات الاوتوماتيك بيفضلوا دايسين علي الفرامل و تاعبين نفسهم و الاوتوماتيك بتاع العربية
طيب هل سائق العربية المانيوال بيعمل كده ؟؟ لأ طبعا و ده لأنه صعب يفضل دايس علي الفرامل و الدبرياش مع بعض كده هايتعب رجليه الاثنين

هنا تبادر الي ذهني سؤال .... ليه الناس بتفضل دايسة فرامل و مابتفصلش الموتور و تشد فرملة اليد و تريح نفسها و تريح عربيتها

ياتري حضرتك من أي نوع :
- اللي غاوي يتعب رجليه ... و لا اللي بيريح رجليه أثناء توقف العربية بالاشارات

مع خالص تحياتي
م/ سمير الشهاوي

انا عن نفسى طريقتى بتكون على حسب المنطقة و السيارات اللى حولى .. يعنى لو منطقة راقية و كل اللى حواليك ملاكى بامور و اشد فرامل اليد .. اما لو حواليك سيارات مهنية يعنى نقل و نص نقل و ميكروباسات و تاكسيات .. بامور و ادوس فرامل و اسيب مسافة 2 متر من العربية اللى قدامى علشان لو حد خبطنى من الخلف و عربيته عظمها ناشف اشيل رجلى من على الفرامل و العربية تطلع لقدام و تمتص الصدمة و فى نفس الوقت ما اخبطش العربية اللى قدامى

**mhmdalsaadany** · 30-05-2010 05:01 AM

انا بردوه بجيب الn واشد الهاند بس في مشكله انا ملاحظها عندي ومش عارف ليها حل ولا لأ
انا بنتي لسه صغيرة سنه وشهرين وبتعد جنب مامتها قدام علي رجلها وكل شويه تقوم خبطه الفتيس برجليها وهي نايمه بالعرض وتحوله لستبترونك انا اول مره حصلت مختش بالي غير لما صوت الموتور علي وحسيت ان العربيه منقلتش بصيت علي العداد لاقيت نفسي علي 3 قمت مرجعه علي الD بس هي اخدتها لعبه وكل شويه تزقه برجلها ومهما ازعق فاكراني بلعب ومش لاقي حل وخايف ان كتر النقل دا يأثر علي الفتيس فشكلي كدا مش هركبهم معايا تاني ولا انتوا رائيكم ايه هههههههههههه

**Dr.SherifMansy** · 30-05-2010 09:06 AM

المشاركة الأصلية كتبت بواسطة mhmdalsaadany

انا بردوه بجيب الn واشد الهاند بس في مشكله انا ملاحظها عندي ومش عارف ليها حل ولا لأ
انا بنتي لسه صغيرة سنه وشهرين وبتعد جنب مامتها قدام علي رجلها وكل شويه تقوم خبطه الفتيس برجليها وهي نايمه بالعرض وتحوله لستبترونك انا اول مره حصلت مختش بالي غير لما صوت الموتور علي وحسيت ان العربيه منقلتش بصيت علي العداد لاقيت نفسي علي 3 قمت مرجعه علي الD بس هي اخدتها لعبه وكل شويه تزقه برجلها ومهما ازعق فاكراني بلعب ومش لاقي حل وخايف ان كتر النقل دا يأثر علي الفتيس فشكلي كدا مش هركبهم معايا تاني ولا انتوا رائيكم ايه هههههههههههه

الكنبة الورانية حل ممتاز للمشكلة دى ، و كمان أأمن للبنت عند الفرملة المفاجئة لا قدر الله.

و ربنا يخليها لكم و يخليكم ليها و تفرحوا بيها و هى عروسة ان شاء الله... و تبقى تفكرها باللى كانت بتعمله و هى صغيرة...

و تحياتى

**Samir Elshahawy** · 30-05-2010 09:37 AM

أنا بتكلم إمتى ممكن ما تدوس على الزرار (أو تنزل الفتيس لتحت للى معندوش زرار)
لما تحرك الفتيس من وضع لوضع

علي فكرة موضوع الزرار ده علي حسب النظام المستخدم في النقلات يعني بيختلف من عربية لأخري

أما عن النقل من سرعة عالية الي منخفضة (من d الي 3 مثلا ) فعادي أنك تعملها و لو علي سرعة 140 كم/ساعة لأني جربتها علي الدائري لأني كنت في موقف محتاج فيه عزم جامد علشان أهرب من العربية اللي جنبي , هو ال rpm فعلا بيرتفع جدا بس مش هايدخل علي المنطقة المحددة باللون الاحمر

لكن انا مش باعمل الحركة دي كل يوم يعني دي للطوارئ او في حالات معينة

**mohamedbook** · 30-05-2010 09:41 AM

بمور العرببة واحط رجلي علي الفرامل

**shouk_1987** · 30-05-2010 10:54 AM

المشاركة الأصلية كتبت بواسطة m_elkhishin

انا ليا تعقيب على كلام حضرتك
موضوع دوس الفرامل ده بيكون فقط لما تنقل من p الى أي سرعة اخرى. وده ملوش أي علاقة بالحفاظ على الفتيس. انما الهدف الأساسي منه هو الأمان. بمعنى اخر محدش ينقل الغيار الا السائق اللي دايس فرامل، يعني لو طفل مثلا قاعد ورا أو جنب السواق و لعب في الفتيس والسائق مش موجود ودايس فرامل مش حيرضى ينقل.

بالنسبة لموضوع الزرار، فده بيكون لازم تضغط عليه لما تنقل من غيار مداه عالي الى غيار مداه أوطى وده بقى عشان الحفاظ على الفتيس. يعني مثلا ال d مداه من 0 الى اخر العداد بينما 3 مداه من 0 الى 100 مثلا. فلو انت ماشي على ال d على سرعة 140 ونزلت الغيار على 3 ال rpm حيرتفع جدا وممكن يضر الموتور والفتيس، فا الزرار ده بيكون تأكيدا للسائق انه نقل بكامل ارادته مش ايده خبطط في الفتيس ولا حاجة

انما لو حتنقل من تحت لفوق مفيش فيها أي مشكله أو أي ضرر وبالتالي ملوش لازمه الضغط على الزرار.

أشكرك بشدّة على الشرح الوافى

**maroguidehouse** · 03-06-2010 04:02 AM

بصراحه انا من اللي بيدوسو فرامل بس حتعلم منكم لأني لسه متعلمه السواقه جديد و محدش علمني اي حاجه
مدارس السواقه بتعلمك تدوس وبس المهم تعدي امتحان المرور
بحاول اتعلم بنفسي و اتجرأ حبه حبه
شكرآ على المعلومه

**gade2** · 03-06-2010 08:49 PM

يمكن تلاقيهم بنات لسه بيتعلمو السواقه

**HeRo_LaNCeR** · 03-06-2010 11:34 PM

انا عربيتي الاوتوماتيك لما بتكون اشارة طويلة او وقفه طويلة بنقل علي p وسيب الماتور شغال عادي او لما بكون علي مطلع كوبري مثلا بفضل سايبها علي الـ d ومش بدوس فرامل خلاص وبتفضل العربية واقفه مكانها
اما المانوال احياننا بخليها علي النقل الاوله وافضل دايس علي الدبرياش ده لو علي طريق مسطح لو علي مطلع بمور العربية وارفع الهاند بريك