أنا عايز اعمل زيك
عرض للطباعة
أنا عايز اعمل زيك
نسيت اقول انى غيرت الماستر العمومى و ركبت ماستر نوبيرا
الماستر اللى جبتة ايطالى الصنع و هو من غير الخازنة و البلوف و ب 300... انا اخدت الخازنة و البلوف من الماستر القديم و ركبت كل حاجة
المسافة بتاعت البدال قلت و بقت زى المسافة الطبيعية للدواسة قبل التعديل... الماستر الاصلى موجود فى السوق ب 500 جنية بخزنتة و البلوف بس لو حد جاب الاصلى لازم يشيل خازنة النوبيرا و يركب خازنة اللانوس.
MMamdouh
الحمد لله امبارح عملت تعديل الفرامل و المكونات كانت كالأتى:
1 - طنابير بريمبو بتاعة اوبل فيكترا (300 جنيه)
2 - ماستر عمومى نوبيرا (270 جنيه)
3 - تيل نوبيرا (65 جنيه)
4 - كالبرات لانوس 1600 استيراد من الحرفيين (محل الروضة) (200 جنيه)
5 - علبتين زيت باكم (30 جنيه)
، بس احب انبه لحاجة مهمة، انا كنت اشتريت جنوط نوبيرا اسبور الأصلى
http://www2.0zz0.com/2008/04/10/06/794228725.jpg
لما ركبنا كل حاجة اتضح ان مفيش مسافة بين الجنط و الكاليبر، راح الأسطى عبد البنهاوى بعت خرط الدايرة الصغيرة فى الطنابير القديمة (الدايرة اللى فيها اماكن المسامير) علشان نركبهم فوق الطنابير الجديدة و ده خلانا نحتاج نطول المسمار اللى بيربط الطنبور (و ده كان سهل جبت الأتنين بجنيه) بس كمان احتجنا 8 مسامير اطول للجنوط و جبناهم بتوع مرسيدس (الواحد ب 10 جنيه)
الحمد لله تمت على خير و انطباعى عن التعديل ايجابى جدا و انا عارف ان اداء الفرامل لسه هيتحسن لما التيل يطبع، بس لو قارنا بالوضع القديم بعد تركيب التيل مثلا، يبقى التحسن بنسبة من 40% - 50 % و انا راضى جدا عنه لأنى مكنتش متضايق اوى من الفرامل القديمة، بس احساسى الدائم ان الفرامل غالبا مش هتسعفنى فى المفاجأت - و ما اكثرها فى شوارعنا - الأحساس ده كان بيخلينى متكتف فى سواقتى و سايب مسافات بينى و بين العربيات و للأسف أغلب السواقين بيعتبروها دعوة مفتوحة لأخذ غرزة من امامى او التزنيق عليا لأحتلال المساحة اللى قدامى كأنهم كسبوا مليون جنيه
مبروك يا باشا
MMamdouh
الف الف مبروح يا حسام باشا بس ممكن تقولنا على مكان الصنايعي الى عملك شغل الفرامل ده والف مبروك مرة ثانية ربنا يديلك خيرها ويكفيك شر المفاجأت
بصراحة ربنا الصنايعى اللى كريم منير عرفنى عليه من شهور راجل ممتااااااااااز و أحلى حاجة انه امين فى صنعته اوى، بجد فى حاجات ببقى عاوز اقوله ميحبكهاش بس ولا الهوا، لازم يطلع الشغل 100000% مهما خد وقت
هو فى اول الحرفيين بس بصراحة معرفش العنوان، هو اسمه الأسطى عبده البنهاوى و تليفونه 0103329645 و عنده صنايعى شاطر أوى اسمه حمودة و اسعاره بيتهيألى معقولة جدا، يعنى تعديل الفرامل بالكامل + تغيير 4 مساعدين مع استخدام عربية الأسطى عبده فى 3 مشاوير للمخرطة، المصنعية كانت 160 جنيه
و دى صورة الفرامل بعد التعديل
http://www7.0zz0.com/2008/04/10/11/220650182.jpg
موضوع اكتر من رائع يا باشا وبجد تسلم ايدك
يا جماعة بعد 3 ايام من استخدام العربية بعد تعديل الفرامل، مقدرش اقول غير الف الف الف شكر للعبقرى محمد ممدوح، بعد اختبار العربية فى مواقف كتير، الفرامل اتحسنت بنسبة ممكن تصل ل 75% زيادة عن الأداء الأصلى.
اى خدمة :D
MMamdouh
الف شكر للعبقرى محمد ممدوح على فكرته الجميلة لتحسين اداء الفرامل....
و الف مبروك يا استاذ حسام على التعديل...
بس انا عندى استفسار..
هو التعديل ده للفرامل الخلفية فقط؟ و لا الامامية برضه؟
يعنى الطنابير المذكورة للعجلتين الخلفيتين فقط؟ و لا شامل الاربع عجلات؟
و لو هو للخلفية بس ...هل الفرامل الامامية لا بلزمها نفس التعديل؟
و سؤال اخر...الاسعار المذكورة للطانبير اسعار اربعة و لا اتنين طنبورة؟