الموضوع: مسافر اسكندرية عاوز اعرف اماكن اصلاحات الطريق

انا مش بأسوق لكن الايام دي بأسافر القاهرة

الطريق فيه تحويلات كثيرة فعلاً لكن أظن مش حتفرق مع حضرتك لأن فيه تنبيهات كثيرة طول الطريق وعلامات وحضرتك أمشي وراء العربيات اللي ماشية :))

انا سمعت ده الاسبوع اللي فات لكن انا سافرت الاربعاء والطريق برضه مش حلو

المشاركة الأصلية كتبت بواسطة خالد خليفة

تحويلات الطريق كل شوية بتتغير وان كان معظمها انتهى لانهم مفروض هيفتتحو الطريق فى شهر 7 ومفيش تقريبا غير وصلة طولها حوالى 5 كيلو وانت رايح على اسكندرية من النوباريه لحد قرية الاسد تقريبا او لحد شركة النيل للسكر بعد قرية الاسد بشوية و دى ممكن تتغير على متيجى تسافر والطريق فى معظمه اصبح واسع جدا لكن بالنهار متزودش السرعة عن 95 علشان الرادار لان الطريق فيه اكتر من 5 رادارات من المحور لحد مدخل اسكندرية وطبعا السفر بالصحراوى افضل مليون مرة من الزراعى لان الزراعى كله قرى وتوكتوك والطريق حارتين بس ماعدا وصلة دفرة / كفر الزيات ثم ان الطريق الزراعى سىء فى بعض المناطق وخصوصا داخل محافظة البحيرة من التوفيقية لحد بعد كفر الدوار وضيق جدا عند ايتاى البارود لان فى كمين هناك بيستنى النقل فبيوقف الشارع كله واخيرا السرعة عليه لاتزيد عن 85 علشان الرادار (هيا طبعا 90 بس انا بعمل حسابى من السرحان وممسوك قبل كده على الصحراوى بسرعة 101) واما الليل فانا من عشاق سفر الليل الجو جميل والطريق فاضى ومبشغلش التكييف لانى من اعدائه مع العلم عربيتى غاز وبسافر اسكندرية ب7 جنيه بالتكييف واما النقل فهما غالبا بعد اتساع الصحراوى بيبقو مش مشكلة على الطريق لان بيبقى حواليه 4 حارات فاضية
ارجو انى اكون افدتك وانا لسه جاى من اسكندرية من يومين وراجع بعد كام يوم

+1111111111111111
احب اضيف انك لو سفرت خميس او جمعة احسن لان النقل الثقيل ممنوع بطريق الإسكندرية الصحراوي اليومين دول فالصيف.
و الطريق ماشاء الله باليل منظره روعة وواضح.
ولو في تحويله باقيه لسه متجريش فيها لان اخر مره و انا مسافر كان فيها رادار على 80 .