لو انت من المنصورة وعندك كراسى معووجة..

**Lion_Heart** · 26-05-2010 05:26 PM

الحمد لله عملت الكرسى عند واحد اسمه الحاج فاروق و هو متخصص كراسى بس
رحت سألت عند سروجى بالحسنية فدلنى عليه
هوه بعد سوق الجملة على طول و انته جاى من مشعل و قبل ماتدخل يمين على ش عبد السلام عارف بحوالى 20 متر
هتلاقيه مشهور هناك
هوه الكرسى عندى كان مايل للشمال و كل ما اضرب فرامل يزحف للامام مرة آه و عشرو لأ
خلى بالك لما يلحم حاجة فى القطعة اللى شايلة الكرسى و يرش ميه تنشف المية كويس و تسيبها لما تنشف شوية فى الهوا
و تحط شوية زيت منعا لأى رطوبة و تنشفه تانى و بعد كده خليه يقفل الشغل عشان البرومة
الحمد لله حسيت بتغير و الكرسى اتظبط
اخد منى 80 جنيه

**wael6** · 13-06-2010 04:07 PM

السلام عليكم
انا اخوك وائل من المنصورة ممكن تقولى على مكان السروجى ده لان عندى الدواسه فرشها مش مظبوط وناقصه تقريبا جلد او عايز يتشد من جديد بس يارب يكون عنده ضمير وسؤال اخر معلش هو الفيبر انواع ولا كل زى بعضه اصله عندى بيتكسر بسرعه وبيسيب الشاسيه مع اى حكه وهل فى بديل له وما رايك فى شئ اخر لتجميل السيارة وهل ترشح محل كماليات اسعاره معقوله مش عاليه وربنا يكرمك

**Lion_Heart** · 14-06-2010 01:19 AM

اللى انا ظبطت عنده الكرسى ورشة متخصصة فى الكراسى بس و عنوانه بأعلى كما ذكرت
فى سروجى كويس و شغله نضيف اللى فى اول الحسنية بعد الجامع و انته جاى من ش بنك مصر
و اامن واحد و افضلهم فى الاكسسوارات هوه أحمد الجزار اللى محله بعد موقف التلاجة و انته رايح لمحطة القطار هوه مشهور هناك
و بصراحة ماعنديش فكرة عن الفايبر

**wael6** · 14-06-2010 10:02 PM

شكرا جزيلا
وياريت لو تكون فيه هنا رابطه لشباب المنصورة اعهو ن ساعد بعض على جشع الصنايعيه والتجار
وربنا يوفق الجميع

**Lion_Heart** · 15-06-2010 08:11 PM

الشكر لله و ياريت فعلا يكون فى رابطة لأعضاء المنصورة

**wael6** · 15-06-2010 09:02 PM

السروجى تقصد عند جامع القاضي اللى فى حسين بيه ولا جامع البياع اللى فى موقف الثلاجه وياريت وصف له واسمه
معلش بتقل عليك

**Lion_Heart** · 15-06-2010 10:00 PM

اللى بعد جامع القاضى على طول بحوالى 3 او اربع محلات فى ش حسين بك بس للاسف ما اعرفش اسمه
و على فكرة مش بيشتغل غير فى الجلود

**wael6** · 15-06-2010 11:07 PM

تسلم يارب وربنا يوفقك ويوسع عليك
اتشرفت بيك

**Lion_Heart** · 15-06-2010 11:26 PM

ربنا يخليك ...... انا اللى حصلى الشرف

**wael6** · 16-06-2010 12:49 AM

الله يعزك
يا ترى بتغير زيت فين وايه رايك فى كاسترول gtx انا عملته المره ده بدل بترومين اكسترا وكان سعره 80 ج وقالى هو على 3000 كم و يستحسن تغيره على 2000كم وبرده هيوفر معاك وسالته على شل الاصفر قالى ب 115 ج هل سعره كده ام 98 زى ما حضرتك ذكرت وما الافضل ؟ علما بانى بغير زيت فى موقف الثلاجه طولت معلش عليك بس ده عشم ولاد البلد

الموضوع: لو انت من المنصورة وعندك كراسى معووجة..

LinkBack

أدوات الموضوع

عرض

لو انت من المنصورة وعندك كراسى معووجة.. - انشر الموضوع فى :

-

-

-

-

المواضيع المتشابهه

وعندك كمان واحد ساجا اف ال اكس Saga FLX

لو من الزقازيق ، وعندك سوزوكى تعالى هنا نتعرف

لو مرهق وعندك ضغط عصبى اتفضل ادخل معانا

وعندك كمان واحد تيجو 2010

وعندك واحد لوجان بترولي اسكندرية---فول أوبشنز

الكلمات الدلالية لهذا الموضوع

المفضلات

المفضلات

ضوابط المشاركة