عرض للطباعة
السلام عليكم ورحمه الله وبركاته
ازيكم يا احلى شباب فى الدنيا
كنت عايزكم تفيدونى فى حاجه
انا معايا عربيه 128 ولسه عامل عمرة للموتور
وبعد التليين جربت اجرى بيها لقيت اخرها 110 - 120
وكانت قبل العمرة بتجرى كده برده
عايز اعرف اعمل ايه فى الموتور عشان اخلى العربيه تبقى اسرع
مع العلم انى مركب علبه شكمان ديفل واحد ومش مركب التانيه هل ده ياثر على الجرى او يخنق العربيه
مستنى ردودكم وشكرا ليك
واسف انى طولت عليكم
اخوكم ادهم
اولا الديفل بيسخن المكنة ولو علبة واحدة ركب التانية هتريح المكنة شوية
اخبار البوجيهات وطقم الكهرباء ايه؟
هل الكربراتير متنظف والبكات سليمة؟
فلتر الهواء حالته ايه؟
كل الكلام ده بيأثر على السحب بتاع العربية
واخيرا لو كل ده سليم يبقى اكشف على الديسك والاسطوانة اخر حاجة
اولا | الديفل مش بيسخن المكنه انت الى بتقرص جامد عشات تسمع الصوت ف العربيه بتسخن
وطبعن اكشف على طقم الكهربه او غيره احسن بالكامل وروح للمكانيكى خليه يظبطله كهربت الموتور لانه لو ماخر او مش مظبوط بياثر على السحب جامد ويظبطلك التاكيهات ولو عملت كل ده بازن الله هتبقى تمام ولو برده زى الول غير الدسك والصطوانه وجرب ولو برده زى الاول روح للميكانيكى وهاتو من دماغه وقله ده شغلى انت خلتنى اعمر ولا لاجر هى هيها فبل العمره وخليه يشوف الغلط فى ايه ولو العمر مش مظبوطه يبقى هو ملزم انه يعمرهالك تانى على حسابه
ظبط طقم كهربه بتاع عربيه تانيه انضف ابلتين وكندسير و ركب ماسورة جكمان 2 سم و الديفيل متقلقش مش هيسخن العربيه غير لما تحرق عليه جامد و نضف الكربيداتير كويس و خلى النقله بتاعتك تاخد راحتها مش علطول ورا بعضه الاول كده خليه ياخد راحته معاك والتانى و التالت لو وصلته ل 100 يبقى تمام اوى بس 100 مش بتيجى علطول لازم واحده واحده
انا الي اعرفه ان ال128 عدادها 120 اصلا
ظبط الكرهبه كلها و خلي السلوك و البوجوهات رايضيه و فلتر رياضي لانك حاطط ديفل عشان تخرج اسرع طب ايه اخبار الدخول بقا! يعني لازم تدي ليها هواء اكثر زي ما مخلي العادم بتعها بيطلع اسرع
حاول تستخدم جنوط مش عريضه و يكون فيها شقوق كتير عشان ميبقاش في احتكاك كتير في الارض و يقلل عزم العربيه
و الثبات بقا يا مان لازم تركب ميزان وره و تركب بار علي المساعدين الي ادام عشان العربيه تثبت شويه
عموما يا مان بعد ده كله بردو مش هتعرف تعمل حاجه مع اي عربيه غير 128 حلتها وحشه و هتبقا مصاريف في الارض انا رائيي حاول تظبط الموتور شويه بس مش كتير و تألق ال128 في شكلها الخارجي مش محركاتها اصلا فحاول تعمل لها شكل مميز و جميل يخطف الانظار
اخبار البوجيهات وطقم الكهرباء ايه؟ طقم الكهربا لسه مغيره ابلتين وكوندنسر فرنساوى بس البوجيهات صينى وهل هيفرق لو ركبت 3 شمعه او 2 شمعهاقتباس:
المشاركة الأصلية كتبت بواسطة محمد فريد
هل الكربراتير متنظف والبكات سليمة؟اه نضفته وانا بعمر
فلتر الهواء حالته ايه؟ فتحت العمه ملقتش فلتر هوا اصلا هيفرق فى السحب لو ركبته
وشكرا ليك ياباشا على ردك الجميل
بالنسبه لموضوع التاكيهات انا بعد العمرة لسه مظبطهاش ممكن يكون ده الى مخلى العربيه كدهاقتباس:
المشاركة الأصلية كتبت بواسطة yuyu0000yuyu
اما بالنسبه للديسك والاسطوانه لسه جداد
الف شكر يا yuyu0000yuyu تعبتك معايا
بس ان شاء الله هتجرى
منور يا ريس وكلامك جميل جدا وادانى دفعه بس حاسس انها دفعه وهميهاقتباس:
المشاركة الأصلية كتبت بواسطة medoakef
اما بالنسبه لعداد ال128
هو 170 كم س ده العداد الفابريكه بتاعها
اقولك ليه دفعغه وهميه بالنسبه للبوجيهات الرياضيه والسلوك كل ده مش هيعمل فرق ف ال128 1100 لان واحد صاحبى ركبهم ف عربيته ومعملتش فرق زى ما بيكون فى الانجكشن
اما بالنسبه لشكل عربيتى الخارجى والصالون
مش ناقصها ابره الصالون كله جلد طبيعى احمر فى اسود جنوط اسبور زجاج كهرباء سنتر انذار متسقطه
عدادات ال ار بى ام لوحده والحراة والزيت وكل اللايت سيستم
والعربيه اسود ميتالك
مش فاضلى الا التكييف
هههههههههههههههههههه
ميرسى يا باشا على الافاده الجميله دى
وال ى عنده اى اقتراحات تانيه يقولهالى عشان بجد بستفيد من كلامكو الجميل كتير شكرا ليكم
اخوكم ادهم
يعنى ايه بتاع عربيه تانيهاقتباس:
المشاركة الأصلية كتبت بواسطة disha_2020
وشكرا ليك ياباشا على النصيحه الف شكر
يعنى انا لما كنت مرة عند المبكانيكى معانا عربيه 127 1050 الراجل قالنا العربيه دى موتورها جامد هاتلها طقم كهربه بتاع عربيه تانيه زى البيجو بس انا مش عارف اقولك انتا لو هتجيب نوع ايه بالظبط يعنى مش عارف ايه انواع المواتير بتاعت البيجو اللى ممكن تمشى معاك اسأل فيها ميكانيكى علشان مش عاوز افتى
لو ناوى تقف عند ميكانيكى و تشترى حاجات و تضيع خمس ايام كدة ولا حاجة و معاك 3 الاف جنية روح اشترى موتور كامل سقط موتور صح عليها لو ساشيها سليم و حوضها و قوايمها سليمة و مرشتش قبل كدة حوض سقط و ادعليى و هتوصل ل 180 مستريح لو انتا بتحب السرعة كدة يعنى كفاية العزم و طبها هتتخذ الاجراءات اللازمة للتغير (تركيب مقويات حاجة تافهة متخفش و رخيصة و تركب فرامل اشد بعد تسقيط الموتور عشان توقفلك السرعة الجديدة ) و مبروك عليك السرعة لو اشطة اعمل الكلام دة هياخدلة خمس ايام تعب بس حتتعوض بعدها ان شاء الله ههههههههههه بالسرعة اللى نفسك فيها فى عربية جديدة
ياراجل بقولك لسه عامل عمره مكملتش1000 كم وتقولى غير الماتوراقتباس:
المشاركة الأصلية كتبت بواسطة mstool
انا اقصد ان العربيه كانت بتجيب 140 150 ودلؤتى بتجيب 110 انا عاتيزها تجرى زى الاول
وشكرا لردك يا معلم منور التوبيك
نضف فلتر البنزين كمان و الكربيداتير غير فلتر البنزين و الزيت
انا عربيتى 128 1100 سىسى لسة عامل عمرة للموتور وفعلا مابتسحبش معايا حلو وبتسخن والموتور بيطلع صهد روحت للميكانيكى قالى شوية كدة وهاظبلتك التيكاهات وهاراجعيلك عليها كلها تانى ومش عارف ممكن وبالنسبة للسخونة قالى دة طبيعى عشان الموتور بيلين وعشان كدة عمرة الصيف بتبقى مش حلوة عشان السخونة ..... انا هاروحلو انهاردة عشان انا قلقان الصراحة
فعلا هتلاقيها بتسخن اوى بس انت اظبط التاكيهات وحط ميه خضرا هتلاقيها احسن
هو ده الكلام المظبوطاقتباس:
المشاركة الأصلية كتبت بواسطة dreftage
بص حضرتك هو لازم العربية تلين كويس بعد العمرة وان شاء الله تبقى احسن من الأول :biggrin2:
متابع............
طيب انا أعرف ازاى ان العربية لينت وبقت تمام