55جنية فى 30ثانية عند ميكانيكى موش دكتور بسبب لمبة الcheck
السلام عليكم يا عباقرة الdaewoo
مشكلة حصليتلى و ئولت اعرض تجربتى فيها و ايه وصلتلة فيها .انا معايا لانوس99..
انا كنت مسافر راكن العربية لفتره حوالى 6 ايام و كانت المدام بدور العربية كل يومين و كله تمام و مفيش حاجة
لحد ما جيت و كانت المشكلة جيت ادور لائيت لمبة الcheck نورت و العربية متبرجلة و الrpm متبهدل ...
انا كنت جاى من السفر و مفيش دماغ للعكرتة فى العربية هو الموضوع بسيط بس انا كنت تعبان و ئلئان و خايف لحسن المشكلة تسبب حاجة تانية و كنت عايز اطمن ......
روحت لواحد جنبى كده عنده جهاز بتاع اسكانر كده على اده صغير ....و كان ادامى اتنين بيعملوا حاجه فى العربيه ..انا مفيش مشكله بس محبش الغروور بتاع الميكانيكيه لما يكون مفيش غيره فى المنطقة عنده جهاز اسكانر و يا ريت حاجه محترمة بس انا كنت عايز اطمن بس و اخلص و معنديش طاقة انى اروح لحد الحرفيين للناس المحترمة و المحترفة ....المهم جيه واحد بعدى و معاه اسكودا A5 و موش من القاهرة و جاى مدايئ و مسافر 600 كيلو متر و كان على اخره لانوا جاى من سفر برده و كان موش طايئ نفسه و عايز يخلص فا بيحكى مع الميكانيكى و هو تعبان من السفر و مدايئ و عايز يخلص ده انا استشفيتة مينه و ئولت مش مشكله لو عايز يشوفلوا العربية ابلى .... رد عليه الميكانيكى بكل غروور و قاله انا دكتور بشوف عربية عربية ينفع يعنى الدكتور يفتح عيان و يسيبة و يشوف عيان تانى ........
مع انو هيعمل اسكانر بس الاول و المفروض يشوف الموضوع كبير يؤوله لو صغير و موش هياخد خلاص زى بتاعى كده 30ثانية على الرغم انى استنيت ....المهم انا كنت همشى بس و اسيبة و اللهى بس ئولت خليك وراه .....
المهم جيه دورى ودخل على العربية و باظبط 30 ثانية عمل ايه بأ
دور العربية و زود بنزين و شال كايل حساس الايديل و الكابل اللى خارج من الكارت اللى موجود فى صدر العربية بس و كله بأ تمام
انا سألت واحد فى التوكيل ئالى ان العربية بتكون محتاجه refresh زى الكمبيوتر و ده بيتم انك تشيل كابل الكومبيوتر او كابل البطارية لمده خمس دقائق .....
الموضوع المهم
انا دورت على النت لحد ما وصلت ان شاء الله انى اعمل كابل بتاع الاسكانر و توصله على لاب توب و تكون فى برنامج بتاع scan و ده موجود على النت و ان شاء الله هعمل الكابل و هوريهلكم
المهم فى طريقه شوفتها على النت لعمل scan بدون كابل و بدون لاب توب.....و هيا كالاتى:
1- كما بالصورة ده شكل دخل الكابل اللى فى العربية (فيشة العربية) اللى تحت التابلوه من الكرسى اللى جانب السواق
2- نجيب سلكه و نوصلها بالنقطة A و النفطة B كما بالصورة
3- نحط مفتاح العربية فى الكونتاكت و نلفه لحد ما لمبات اللى فى التابلوه تنور بس يعنى لحد الوضع ON و مندورش العربية . قبل الخطوة دى نحضر ورقه و قلم
4- نبص على لمبة check و نركز كويس فى الخطوه دى و فى اللمبة ..اللمبة هتشتغل بشفرة الموريس اللى كانت فى التليغراف بمعنى هتعمل flash ..مثلا
اول ما تلف المفتاح لوضع on لمبة ال check هتنور مرة و هتقف ثانيتين و بعدين هتنور مرتين ورا بعض معنى الشفره دى او الكود ده 12 ( flash مرة معناه 1 و الflash مرتين معناه 2 ) يبا من الشمال الى اليمين 12 ..كود 12 ..و الكود ده معناه فى جدول الاكواد System normal
و انا هحطلكم الاكواد دى بعد ما توصلت ليها من النت و الحمد لله
و اسألكم الدعاء بالرحمة لاخوكم المرحوم / محمد
و اسألكم الدعاء للمسلمين جميعا .. و اسألكم الدعاء لى