الموضوع: احدث طريقة لتوفير الطاقة ( الحلقةالثانية - المقارنة )

واضح من الصورة ان العواميد اللى فى الجزيرة بتنور بالنهار و العواميد اللى اللى على الرصيف هى اللى بتنور بليل و اكيد دة نظام حديث بس احنا اللى مش فاهمين

انا نقلت الصور على الفاس بوك اسمحلي ياباشا لان الموضوع غريب فعلا

المشاركة الأصلية كتبت بواسطة د.محمود صلاح

الصورة دي فين ؟؟؟ في المنيا ؟

مش مشكلة فين المهم لية
يعنى اية هتفرق من اسوان الى السلوم
المهم جوا المخروبة اللى احنا فيها

المشاركة الأصلية كتبت بواسطة hamdymsr

المشكلة مش فى مصر... المشكلة فى الحساس اللى بيستشعر الضوء يا أما بايظ يا إما معكوس... وعلى فكرة احنا مسكتناش شكلنا لجنة عشان تبحث الموضوع ... وانبثقت لجنة فرعية عشان تحدد هل المشكلة فى جهاز الإستشعار ولا فى الشعر المستعار ... وعلية ردت اللجنة الفرعية انها مش متخصصة فى مجال الإستشعار وانها متخصصة فى امور الهيل والهزار ... بس احب اطمنكوا اننا برضوا مسكتناش احنا شكلنا لجنة منبثقة من اللجنة الفرعية الأولانية عشان نوصل لحل فى حكاية الإستشعار ... وردت اللجنة المنبثقة من اللجنة الفرعية انهم بعد معناة وبحث مضنى وجد المشكلة مش فى الإستشعار ... المشكلة عند حمؤة الجزار ... بس احب اطمنكوا اننا مسكتناش احنا شكلنا لجنة ........إلخ إلخ إلخ ... وموت يا حمار

هو ده هيكون رد المسئول المختص عن انارة عمود النور

الكلام دة قمة الذكاء
لية بقة ؟
لان عقبال ما الكلام دة يحصل
تكون كل اللومد ( جميع لمبة ) اتحرقوا
و بكدة ينقص عنصر سلاح الجريمة و القضية تبوظ
و هى ان كدة كدة مفيش حاجة منور سواء بالصبح او بالليل
و بما ان دائما الدوريات و التفتيشات من قبل ناس موظفين حكومة
و هنا تنص المادة فيات 131 من قانون العمل ان كل موظفين الدولة تبدا ساعات عملهم من الساعة 10ص الى الساعة 10.15 ص و طبعا هيروحوا هيلاقوا اللمد مش شغالة و هيبقى كلة تمام
لان للتاكد من اذا كان التيار موجود فى السلك من عدمة هذا يحتاج الى لجان اخرى من جهات مختصة عليا
و لما يطلعوا يعاينوا العمدان علشان يشوفوا فيها كهربة و لا لا
هتكون العمدان اتسرقت من الاساس
هههههههههههههههههههه
صح مش فكرة برضوا ؟