أية رأيكم فى الأمريكانى الكبير زى الفورد و البونتياك و الجى أم سى و الدودج و أية نصيح

**omar90** · 15-06-2010 09:24 PM

بصراحة انا لسة واخد بالى من الموضوع دلوقتى انا واحد من الناس اللى يعنى ليا تجربة فى موضوع الامريكانى دة انا والدى عنده عربية امريكانى هى بونتياك فونكس موديل 80 العربية احنا كنا جيبنها خربانة بصراحة بس لو انتا عارف ميكانيكى بيشتغل فى الامريكانى بس الدنيا هتبقى حلوة معاك لا ن احنا اتخبطنا كتير مع ميكانيكية بهايم بمعنى الكلمة لحد ماخدتها لميكانيكى بيشتغل فى الامريكانى بس وعملنا عمرة كاملة للموتور ووش سلندر جديد ودايرة كهربا جديدة واربع فرد كاوتش جداد انا معاك ان حجمها كبير وسعة الموتور عالية وبالمناسبة علابيتنا 2400 سى سى بس بعد العمرة بتعمل 200كيلو فى الصفيحة بنزين 80 فى الطريق الطوالى وبالمناسبة قطع الغيار متوافرة جدا بس استيراد مافيش جديد وعايز اقولك انها عربيات كويس جدا وسريعة وواسعة جدا من الداخل وممكن تشد بيها جنب اى عربية وانت مطمن لان الثبات عالى اوى على الطريق و فى الغرز بس العيب الوحيد فيها انك لما تيجى تبيع بتتباع بثمن رخيص من الاخر ملهاش سعر حبة فوق وحبة تحت معلش دوشتك اخوك عمر بس نصيحة بلاش امريكانى عشان ملهاش سعر محدد

**AMA** · 16-06-2010 01:27 AM

المشاركة الأصلية كتبت بواسطة omar90

بصراحة انا لسة واخد بالى من الموضوع دلوقتى انا واحد من الناس اللى يعنى ليا تجربة فى موضوع الامريكانى دة انا والدى عنده عربية امريكانى هى بونتياك فونكس موديل 80 العربية احنا كنا جيبنها خربانة بصراحة بس لو انتا عارف ميكانيكى بيشتغل فى الامريكانى بس الدنيا هتبقى حلوة معاك لا ن احنا اتخبطنا كتير مع ميكانيكية بهايم بمعنى الكلمة لحد ماخدتها لميكانيكى بيشتغل فى الامريكانى بس وعملنا عمرة كاملة للموتور ووش سلندر جديد ودايرة كهربا جديدة واربع فرد كاوتش جداد انا معاك ان حجمها كبير وسعة الموتور عالية وبالمناسبة علابيتنا 2400 سى سى بس بعد العمرة بتعمل 200كيلو فى الصفيحة بنزين 80 فى الطريق الطوالى وبالمناسبة قطع الغيار متوافرة جدا بس استيراد مافيش جديد وعايز اقولك انها عربيات كويس جدا وسريعة وواسعة جدا من الداخل وممكن تشد بيها جنب اى عربية وانت مطمن لان الثبات عالى اوى على الطريق و فى الغرز بس العيب الوحيد فيها انك لما تيجى تبيع بتتباع بثمن رخيص من الاخر ملهاش سعر حبة فوق وحبة تحت معلش دوشتك اخوك عمر بس نصيحة بلاش امريكانى عشان ملهاش سعر محدد

منور يا باشا الموضوع و تقرير مفيد جدا جدا و بصراحه البونتياك شيك و عربيه محترمة ربنا يباركلك فيها
بس بالنسبه للعربيات الأمريكانى من وجهة نظرى لو واحد عايز يشترى حاجة شيك أو حاجة ضخمه مثلا يكون عايز يجيبها لنفسه و مش يبيعها تانى و يشتريها بسعر لقطة أوى و يكون بيفهم أوى فيهم عشان ميطلعش عينه فى الميكانيكا بس على فكرة فيه ناس هوايتها العربيات الأمريكانى دى سواء الكلاسيكية أو الضخمه
و ربنا معاك يا باشا و يوفقك إن شاء الله و يكرمك على التقرير الجميل دة

**samy663** · 05-07-2010 01:52 AM

بصراحه انا كنت ومازلت هتجنن على عربيه امريكانى دودج او كابريس بس الى شوفته ان محركاتها فوق ال 2400 سى سى بكتييييييييير يعنى بتبدا من 3800 سى سى إلى 5700 سى سى عشان تحرك الوزن الجامد ده وإلا يبقى العربيه ملهاش لزمه ومش مواتير فبريكه يعنى واحد قبلك كان مفتح وحب يوفر بنزين ,,,,,,المهم دودج لأ لانك هتتعب فى قطع الغيار وهتطر توفق موديلات تانيه عليها بس بصراحه عربيه وححححش و بالنسبه للكابريس بجد مفيش زيها بس مشكله البنزين وارده طبعآ ويوم ما ربنا يكرمك هتعمل فى الصفيحه 110 ك ده طوالى طبعى ومن غير التكييف,,,ربنا معاك وأسف عالاطاله,,,,,,,,,,أخوك الاسكندرانى المجنون

**pegpus** · 15-07-2010 03:21 AM

اولا الشيفورليه لو اقدمت على الشراء انصحك بها لان قطع غيارها متوفره وممكن بيعها بصوره افضل فقط ومنها شيفورليه نوفا قيمه جدا فى الاداء 6 سلندر موتور عدل ثم المكارو منها8 سليندر ثم الكابريس كلاسيك وارجو الاتثق باءحد سوى ميكانبكى وسمكرى يشكف على السياره وده اساسى عند الاتفاق ثانيا من مميزات تلك السيارات لاتحتاج صيانه للمتور الا كل سنه تغير البوجهات وبالنسبه للعفشه متينه جدا ركب وانسى اى قطعة غيار تم تبديلها بجديد ثالثا وهو الاهم سياره امينه عليك وعلى عائلتك صاج قوى وايضا اكسدمات قويه جدا وليست بلاستيك رابعا ثبات عالى جدا على الطريق والكبير كبير ولن تنظر لسياره اخرى فى حالة اقتنائها وعموما لاتقتنى سيارة امربكيه لا تنتمى لشركة جى ام وارجو ان اكون قد افدت بتلك المعلومات وارجو لك التوفيق

**MaZaGAngeE** · 15-07-2010 03:17 PM

سعر الكابريس اللي فوق 90 تقريبا كام ؟
و سعر الصابونة كام ؟
استهلاك البنزين قد ايه تقريبا ؟
‏ لو جبتها اجيبها منين ؟
ينفع احولها غاز ؟ ده مش هيأثر على المكنة؟