mahindra scorpioعايز اشترى عربية ماهندرا هندى

**pinkfloyd** · 14-02-2008 12:12 PM

يا شباب بجد انا متشكر جدا للمشركة الجميلة دى
بس انا عايز اقول حاجة .. الحقيقة انا نفسى فى عربية عالية ومش بتسحب بنزين كتير انا عارف ان المعادلة صعبة وطبعا هتسئلوا طيب ليه عربية عاليه اقول علشان الناس اللى ماشية تخبط فيا من غير ماعملهم حاجة.
الحقيقة هى دى النظرية اللى بفكر فيها وطبعا انا شفتت شروكى وسعره معقول لكن استهلاك البنزين عالى جدا.
طيب ايه رأيكم فى الفيترا 1600 اتوماتك 4 باب

معلش بتعبكم معايا

**MTAK** · 14-02-2008 12:22 PM

الفيتارا 4 باب
طبعا كويسه اوى بس دى بتعدى 220 الف
و لو 2 باب 150 الف !!!!

ممكن يكون قصدك التيريوس

**pinkfloyd** · 19-02-2008 10:31 AM

بجد مرسى كثير ليكو يا شباب

على فكرة الفيتارا 2 باب 1600 بــ 135 الف زيرو والفيتارا 4 باب 2000 مانيوال بـ 180 الف زيرو

طيب يا اصدقائى اية رأيكم فى الشيروكى الليبرتى الشكل الجديد فى واحدة قصادى موديل 2003 فابريكة بالكامل 4 سلندر 2400 سى سى وفى حدود الـ 135 الف بس انا مش عارف استهلاك البنزين اخبارة ايه وقطع الغيار بتعتها غالية ولا اية النظام.

على فكرة التريوس عربية حلوه طبعا و1500 سى سى واستهلكها حلو فى البنزين لكن حجمها صغير والصالو ضيق من الداخل.

**Khalid_Mostafa** · 19-02-2008 10:52 AM

انا شايف ان سببك في شراء عربية عاليه مش مناسب...يعني ان كان ده حيميك من اخطاء الغير من قائدي الملاكي فماذا عن الميكروباص و الأوتوبيس ؟؟؟
من ناحية تانيه الكلام كتر جداً عن إرتفاع متوقع في اسعار البنزين (ويؤكد هذا الكلام إرتفاعه عالمياً في كثير من الدول) يبقي الأفضل انك تدور علي عربية إستهلاكه إقتصادي في البنزين ...يعني خليك تحت الـ 1600 احسن
اما عن الماهيندار فدي وحشه من جوه ومن بره ...مقدمة السيارة لا تتناسب مع حجم السيارة -تفتقر إلي الإنسيابية و الرشاقة - بالإضافة إلي خامات الداخل الفقيرة فأن تصميم الصالون سئ جداً و اقرب الي الميكروباصات النقل العام - موتور مزعج واشك في كفاءته و إستهلاكه للبنزين - ويكفي ان تلاحظ حجم نافذة السائق و نشازها مع بقية التصميم ..حتي الصيني احسن منها بمراحل

ودي وجهة نظري

**araberphilosoph** · 19-02-2008 11:20 AM

ايه رايك في cross fox عاليه وحلوه وب 110 وشكلها حلو والماني برازيلي بس ضيقه شويه من جوه وتوكيلها حلو بس قطع غيارها معرفش عنها حاجه لسه وفي عربيه بينزلوا غنها اعلان في الاهرام المفروض هتبثى في حدود 120 بس لسه ماعلنوش عنها استنه شويه وشوف
ربنا يوفقك

**pinkfloyd** · 21-02-2008 02:01 PM

واضح يا شباب ان مفيش حد مقيدنى فى موضوع المهنديرا ده وطبعا انا هحترم جميع ارئكم وافكر فى حاجة تانيه

عموما انا شفت سوزوكى فيتارا 1600 اتوماتيك 4 باب موديل 2007 زى الفل وصاحبها عايز 110 الف اعتقد دى مناسبة سعرا وسى سى

ولا اية رأيكم انا بقالى 6 شهور محتار احسن حل بقى انى اجيب عربية حنطور على الاقل مش بتستهلك بنزين :)

**hatemali** · 28-02-2008 02:07 PM

اولا احب اشكر كل الأعضاء علي ردودهم الجميلة اوي
و انا اؤيد رايهم من حيث انك تستني شوية لحد منشوف عاملة ايه علي الطرق المصرية العنيده
و انا فعلا رحت للبافارية اللي في روكسي و شفتها علي الحقيقة
فعلا لاقيت ان التقفيل فعلا سئ للغاية ده حتي مافيش كارتيرة فبير تحت الرفارف يعني ممكن سعادتك تشوف اسلاك الفوانيس الامامية و فيشها و انت وافق جنب فرده الكاوتش
تانيا
حكاية البنزين اللي بيغلي يوم و را التاني خلتني بجد افكر في تركيب غاز طبيعي
و ادرس جدوي تركيبة و انا شفت وانا في مركز الغار عربيات كتير اوي موديلات حديثة رايحة تركب غاز كان من ضمنهم عربية مرسيدس و الله معرفش دي موديلها ايه بس شكلها كان حاجة بتاعت 5000 cc
و شفت عربية landroverدي بقي مركبة فعلا غاز و كانت بتمون
الحقيقة اللي شقتة خلاني افكر بجد في موضوع الغاز دة و حتي مع العيوب اللي بنسمعها هنا و هناك
و علشان كده انا عاوز راي الشباب في موضوع الغاز مع العلم اني معايا بيجو 504 موديل 79 و فعلا في حيرة كبيرة اوي اركب غاز ولا مااركبش و عمال اسأل طوب الاض
العربية حالتها معقولة بس دي 2000cc يعني بلاعة
و انا بحوطلها بنزين 80 علشان التوفير يعني ( انتوا مش غرب)
بس ناهيك عن بنزينات التعاون ( المصدر الوحيد للبنزين ال80 في مصر) زحمه جدا اذا لاقيت بنزينة فيها 80 تقريبا كل التكاسي اللي في مصر تلاقيها واقفة و بتفول ( تقريبا بيكلموا بعض ع الموبايل)
و اذا لاقيت بنزينة تعاون و مافيهاش عربيات (اعرف ع طول ان مافيهاش بنزين 80)
وطبعا من كل الاوقات بتلاقي البنزين بتاع الغلابة ده في المحطات الكبيرة
زي توتال او غيرها

ارجوا الافاده يا شباب لاني فعلا حتجنن من اللي بنشوفة في الشارع المصري

**Hassan** · 29-02-2008 10:45 PM

الماهيندرا فعلا تقفيلها وحش جدا , كذلك 4x2 وليست 4x4 و اعتقد موتور 2000سى سى فقط على هذا الحجم سيكون ضعيف جدا

**Amr_Moh** · 01-03-2008 06:36 PM

المشاركة الأصلية كتبت بواسطة pinkfloyd

اهلا بيكم يا جماعة

اولا احب اشكر جميع الاصدقاء على الموقع الممتاز ده

ثانيا انا عندى نوبيرا 2005 ومش بشتكى من حاجة منها غير التوكيل المتعب بس انا عايز اغيرها واجيب عربية جديده انتاج الهند اسمها مهنديرا وهى 4x4 شكلها زى الجيب الليبرتى 2000 سى سى وفيها كنبة زيادة جميع الكمليات بـ 120 الف زيرو مع العلم ان الوكيل بعها من الناس المحترمين جدا وهو البافرية.

اللى عايز يشفها يروح عند البفارية اللى فى روكسى هى معروضة هناك
وهى منتشرة قوى فى الهند وممكن تشوفها على النت

افيدونى لو سمحتم

el be-120,000 mesh full option we mesh 4x4

سكوربيو 2.0 4x4X2 M/T 2008 119900
سكوربيو 2.04x4X2 F/O M/T 2008 124900
سكوربيو 2.0 4x4X4 F/O M/T 2008 144900