شوف عندنا فى مرور شيراتون العقيد خالد عمارة ... من الآخر ظابط الأداء هناك جداً .. دة استثناء طبعاً البلد خربانة كلها على بعض المفروض ان دة يكون الطبيعى.
عرض للطباعة
شوف عندنا فى مرور شيراتون العقيد خالد عمارة ... من الآخر ظابط الأداء هناك جداً .. دة استثناء طبعاً البلد خربانة كلها على بعض المفروض ان دة يكون الطبيعى.
مرور بورفؤاد محترم جدا
و اللى ماسكه ضابط صغير رتبته نقبيب او رائد بس الحق محترم جدا جدا
هو زحمة شوية صحيح بس فيه مكان ادمى للاستراحة و لا يوجد به رشوة او اكرامية او حتى كانزات
مرور فيصل لازم رشوه لاي حد تشوفه في وشك حتى لو مش هيعملك حاجه واللي ماسكه حتتة ظابط مستفز جداً شغال وسايط الله ينور وكل شويه ييجي واحد ببدله ومعاه كرت يفتحوله الباب الحديد بتاع رئيس الوحده ويدخلوه يشرب الشاي على ما الرخصه تخلص!! واحنا بنتشوي في الشمس وريحة العرق الفظيعه ومرره واحد سنه كبير علا صوته طلعله الظابط شتمه بالاب والام وكان هيلطشه كمان!
واول سؤال يسؤلهولك اللي على الشباك (معاك تأشيره يا بشمهندز؟؟) ولما سألت عن التأشيره طلعت يعني كرت ظابط متدبس في الورق ويقولي اصل ورق الوسايط اكتر من الورق العادي فمش هتخلص النهارده تعالى بكره!! ولما طلعتله 50 جنيه قالي 150 يا بلاش وفعلاً بعد الـ150 الرخصه طلعت في ثواني وندمت اني مدخلتش شرطه مكنتش هتنطط على الناس بس مكانش فيه حد هيتنطط عليا !
انا عن نفسي بعد كده مش هدفع ولا مليم وهروح بواسطه اكرملي من اني ااكل الكلاب دول
الله يخرب بيت المرور منهم لله
الله يخرب بيت الموظفين اللى شغالين فى المرور .................
اللهم ابعد عنا المرتشين,,,,,,,,,,,,,,,,,,,,
انت في مصر يا صاحبي
كله بيقفش
وأنا إلي كنت فكر مرور أوسيم هو الأسوأ
ربنا ينتقم منهم
مرور النزهه زى الفل
مرور مدينة نصر كويس برده بس ممكن 30:40 جنيه لسرعة الأنجاز هههههههههه ......ربنا يصلح الاحوال
انا كنت في مرور فيصل الاسبوع اللي فات , كنت بجدد الرخصة و كمان فيه فحص و مخالفات لعربية والدي ,
المهم كنت هناك الساعة 8 ص و قلت احجز مكان علشان الفحص ,
لقيت ناس من برة بتقوللي ممكن يخلصولي كل حاجة بـ 250 ج , دا غير النماذج أو المخالفات ,
و طبعاً رفضت و جبت نماذج الفحص و فحصت العربية و اضطريت اجيب طفاية بـ 121 ج علشان اللي معايا كانت قديمة ,
و المهندس غلس شوية طلعتله 10ج و 2ج لبتاع البصمة ,
و بعدين رحت النيابة سلمت الرخصة و استنيت 30 دقيقة و الحمد لله مكنش فيه مخالفات ,
و بعدين رحت دفعت تأمين و ضريبة و بعدين رحت الخزينة دفعت رسوم و بعدين رجعت للشباك و سلمت كل حاجة و استلمت الرخصة و خلصت كل ده على الساعة 12 ,
اهم حاجة اني مرحتش يوم سبت و لكن اخدت اجازة و رحت يوم الاربعاء ,
و كل اللي دفعته 12 ج
مهو حضرتك لية تدفع من اصلة ..انت من حقق تخلص ورقك من غير ما تدفع ماليم ..لو عاوز تدفع حاجة دى تبقى من عندك انت مش رشوة عشان ورقك يخلص
لو كلنا توقفنا عن الدفع ..كدة كدة الموظف حيعمل شغلة غصب عن عين اللى خالفوة ..
انما احنا اللى بندفع و بعدين نرجع نشتكى بندفع لية ..لو كلنا توقفنا عن دفع الرشاوى صدقنى حال الموظفين دول حينصلح و مش حتحصل المهزلة دى
انتوا لية بتفكروني من دلوقتي
انا التجديد بتاع رخصة العربية قرب فاضل علية خمس شهور و من دلوقتي و الله و انا شايل هم اليوم دة
اسوء ايام قضيتها في حياتي، ايام الهايكستيب و أيام المرور، نفسي امشي من البلد دية و اقول الله لا يعيدها ايام
ماهو عشان كده الرسول الكريم صلى الله عليه وعلى آله وسلم ... قال فيما معناه الراشي والمرتشي في النار
والراشي جاء قبل المرتشي لأن عليه الإثم الأكبر لأنه الذي سبق بالرشوة وأخل بالنظام قبلا
لو الناس دي كلها توقفت عن دفع أي مليم أحمر للموظفين الموظفين غصب عن عينهم هايشتغلوا برضه ... وبعدين لو حد طلب منك فلوس بصراحة إدخل للضابط المسئول عن الوحدة ولو لم يتجاوب إدخل للي أكبر منه .. أنا نادرا لما بشوف ضابط قافل مكتبه على الجمهور
لكن لو كل واحد دفع حتى لو مبلغ بسيط بحجة إنه لو مادفعش ورقه مش هايخلص بيكون مشارك في هذه الجرائم وبعدين يطلع الواحد يلعن في البلد وفي الرشاوي وفي اللى عملوها ونسي إن هو كان جزء منها
إحنا مشكلتنا إننا مكسلين نتعب شوية عشان نجني ثمار تعبنا كله بقى بيدفع وخلاص عشان مش عايز يتعب
" ظهر الفساد في البر والبحر بما كسبت أيدي الناس "
طيب هو مرور اوسيم دة فين .........
انا ساكن فى شبرا........
العربية انا تانى توكيل ليها ....
زالرخصة مرور اوسيم
اعمل نقل ملكية ازاى وهايتكلف كام العربية 127 .........وفيها رخصة لسة لمدة سنة
عايز اخليها مرور عبود.......
يا جماعة انا ببيع عربيتى_هى مرور اوسيم_عايز اروح بكرة اجيب شهادة مخلفات_اعمل ايه فى الحوار دة_اروح مرور اوسيم من شبرا ازاى.
حتى الكانز دخل فى الرشاوى
البلد دى فعلا بتطلع فى الروح