كيف أعرف اذا كانت العربية الأوبل تقفيل المانى أو مصرى أو أى تقفيل أخر؟

فى فكترا اية تقفيل مصرى بس مش فاكر موديل كام
بداية التقفيل المصرى كان مع فكترا اية وبعد كدة دخل على البى من اول 96 الى 2003 لحد لما وقفت وبعدين جمع الاسترا 1.6 من 2003 الى 2006 ونفس الكلام مع الكورسا السيدان 1.6
فكترا بى اغلب اللى موجود فى مصر تقفيل مصرى اللا لو مستوردة ونفس الكلام مع الاسترا والكورسا

كلام زى الفل

غير ان فيه حاجة اسمها vinدى بتبين صناعة العربية و تاريخ انتاجها و الموديل

اقتباس:

---

المشاركة الأصلية كتبت بواسطة tananybasha

غير ان فيه حاجة اسمها vinدى بتبين صناعة العربية و تاريخ انتاجها و الموديل

---

+11
بس دى محتاجة تبقى عارف الكود
اسهل حاجة موضوع الزجاج والكنبة

وياما وقعت ناس من موضوع الزجاج
العربية المانى ...
حضرتك مغير الزجاج؟؟؟ ....
لأ لية !!! ...
اصل زجاج العربية د/ جريش واعتقد ان دكتور جريش لة موصلش المانيا !! ... سكوووووت

طيب انا هاقولك حاجة من مدير مراقبة جوده سابق فى منصور
العربية الفيكترا ايه بتيجى من بره من غير ازاز امامى و لا ابواب عشان تخش انها تحت التصنيع و غير مكتمله و الأزاز بيتقفل هنا عشان تبقى انتاج محلى
الكنبه عندى بلشتاين جى ام germany و كذلك فرش الأبواب

اقتباس:

---

المشاركة الأصلية كتبت بواسطة eng\ahmed

فى فكترا اية تقفيل مصرى بس مش فاكر موديل كام
بداية التقفيل المصرى كان مع فكترا اية وبعد كدة دخل على البى من اول 96 الى 2003 لحد لما وقفت وبعدين جمع الاسترا 1.6 من 2003 الى 2006 ونفس الكلام مع الكورسا السيدان 1.6
فكترا بى اغلب اللى موجود فى مصر تقفيل مصرى اللا لو مستوردة ونفس الكلام مع الاسترا والكورسا

---

انا معايا استرا 2004 وكل اللى شافها قالى برازيلى حتى فى مقار كانو بيكتبوا كدة فى امر الشغل "استرا برازيلى". وبعدين لو تقفيل مصرى لية فى الشهر العقارى عاملونى على انها مستوردة؟!! ولا فى حاجة انا مش فاهمها.

كنت تجيب شهادة بيانات من المرور فيها بلد المنشأ عشان تتأكد

اقتباس:

---

المشاركة الأصلية كتبت بواسطة tananybasha

طيب انا هاقولك حاجة من مدير مراقبة جوده سابق فى منصور
العربية الفيكترا ايه بتيجى من بره من غير ازاز امامى و لا ابواب عشان تخش انها تحت التصنيع و غير مكتمله و الأزاز بيتقفل هنا عشان تبقى انتاج محلى
الكنبه عندى بلشتاين جى ام germany و كذلك فرش الأبواب

---

بصراحة كلام غريب !
انا طبعا مش بكدبك انت بتنقل كلام راجل قلهولك بس عارف يعنى اية عربية مشحونة من المانيا لمصر من غير زجاج ؟؟؟ دى هتبقى مقلب زبالة من جوة
ومعنى ان الزجاج مش راكب يعنى فى حاجات تانية فى الصالون مش راكبة!!

فرش الابواب فى كل الفكترا حتى التقفيل المصرى هو وفرش الشنطة المانى مش مصرى واعتقد كمان فرش الارضية
مفيش غير الكراسى موبيكا

عربيتك اصلا منصور منزلهاش
العربية دى نادرة جدا هنا
سمعت قبل كدة انهم حوالى 7 عربيات بس اللى فى مصر

اقتباس:

---

المشاركة الأصلية كتبت بواسطة mostafaismail

انا معايا استرا 2004 وكل اللى شافها قالى برازيلى حتى فى مقار كانو بيكتبوا كدة فى امر الشغل "استرا برازيلى". وبعدين لو تقفيل مصرى لية فى الشهر العقارى عاملونى على انها مستوردة؟!! ولا فى حاجة انا مش فاهمها.

---

شوف الزجاج ورقم الشاسية

ممكن تكون العربية مستوردة

اقتباس:

---

المشاركة الأصلية كتبت بواسطة ENG\AHMED

بصراحة كلام غريب !
انا طبعا مش بكدبك انت بتنقل كلام راجل قلهولك بس عارف يعنى اية عربية مشحونة من المانيا لمصر من غير زجاج ؟؟؟ دى هتبقى مقلب زبالة من جوة
ومعنى ان الزجاج مش راكب يعنى فى حاجات تانية فى الصالون مش راكبة!!

فرش الابواب فى كل الفكترا حتى التقفيل المصرى هو وفرش الشنطة المانى مش مصرى واعتقد كمان فرش الارضية
مفيش غير الكراسى موبيكا

عربيتك اصلا منصور منزلهاش
العربية دى نادرة جدا هنا
سمعت قبل كدة انهم حوالى 7 عربيات بس اللى فى مصر

---

ربنا يكرمك
يوم الجمعه كنت فى مقار مع واحد و بيقولوا انت مركب الأسبويلر فين ده مش موجود منه خالص
قلتلهم نازل مع العربية
محدش صدق لغاية ما جابوا ملف العربية و مثبوت فيها الأسبويلر بالسيريال نمبر
انا شفت شبهه صينى و تايوانى بس خفيف قوى
انا فكيته عشان كنت بانضف اللمض و اغيرها و لقيته مكتوب عليه
gm - opel
vectra
a4
ostrich النمسا
serial no...........
و خدت من المهندس اللى راهنى 100 جنيه جبت بيهم بيبيسى للناس اللى قاعده كلها