العربيه كده محتاجه هوزن بس ولا محتاجه عمره
السلام عليكم
ازيكم يا أهل العلم والخبره والمشورة
مش عارف موتور الانوس محتاجه ايه بالظبط
مشكلتي تتلخص في ان الموتور من ساعة ماجيبت العربيه وصوته عالي جدا
وعرفت بعد كده انها غالبا مشكلة بلوف وشواكيش وكستبانات
المهم الموتور تسارعه كويس مفيش دخنه مش بياكل زيت
رحت لميكانيكي بص علي عمود الكامه لقاه سليم وقالي الخبط والرزع ده من تحت مش من فوق
وقالي لازم نفك ونغير البساتم وطقم الشمبر وكمان هنبص علي الكرنك وطلمبة الزيت
وبصراحه مش عارف ليه كل ده محتاج يتغير
المهم رحت لواحد تاني وقالي الصوت ده الموتور محتاج هوزن
مش عارف انا بنطقها صح ولا ايه
المهم ده الجزء الي فيه البلوف والكسبانات والشواكيش (تقريبا كل القصه دي علي بعض)
فبصراحه مش عارف مين صح ومين مش صح
وياريت اخد رأيكم
لاني خايف اصرف فلوس وتكون مش محتاجه كل الكلام ده
