ايه شروط الحصول على رخصة صيادلة؟؟؟
ولازم يكون صيدلى اللى هيطلع الرخصة باسمه مش طبيب بشرى
عرض للطباعة
ايه شروط الحصول على رخصة صيادلة؟؟؟
ولازم يكون صيدلى اللى هيطلع الرخصة باسمه مش طبيب بشرى
موضوع طويل
علشان صيدلية تتفتح لازم صيدلي مُسجل بجداول النقابة يقدم طلب فتح صيدلية مُرفق معاه
1.طلب فتح صيدلية
2.عقد إيجار مسجل بإسم الصيدلي صاحب الطلب
3.رسم هندسي بالمكان(المكان لازم يكون خاضع للشروط)
إلي هي:
معمل بشباك+40 متر(لسه بيناقشوا الموشوع بتاع الـ40 متر ده)+ مسافة لاتقل عن 100 متر بينها وبين الصيدلية المجاورة
مساحة باب الصيدلية لازم يكون 4×4 ...باب واحد أو بابين يستوفوا المساحة دي
ومش فاكر ايه كمان بالتحديد
4.صورة كارنيه النقابة
ومش فاكر إيه بالظبط ...أنا فاتح من حوالي 3 سنين..مش فاكر الاإجراءات بالظبط
لكن طبعا
لازم يكون صيدلي (من الناحية الرسمية)..وممكن يكون سمكري(من تحت لتحت)
..والله أعلم..
انا رخصت لاخويا صيدليتين بس معنتش فاكر كويس بس
لازم تكون المساحه 40 متر وده بعد التعديل
مسافة 100 متر بين اقرب صيدليه
عقد مسجل
فيش وتشبيه
زكمان شوية اشتراطات في المنشاه زي الدهانات والتهويه تكون سدس المساحه
وصولات امانة يا ماو
الشيك ضعيف بالمقارنة بوصل الامانة
كنت زيك كده فاكر ايصالات الامانه اقوي
مفيش من كام يوم صاحبي جاني وزعلان بقوله خير مالك قاللي اتنصب عليا!!!!!!!!!!!!
اللي فهمته منه فيه واحد صاحب مكتب كمبيوتر اتفق معاه علي انه يمده بمبلغ 100 الف يشتري بيها شاشات مستعمل وان البضاعه متباعه قبل ماتيجي وانه محتاج التمويل بس لمده شهر طبعا صديقي سأل محامي قاله الشيكات البنكيه اقوي من إصالات الامانه لان الايصالات بتدخل للقاضي مش بيرضي ينظر القضيه من اساسه((مش فاهم ليه))
المشكله ان صاحبي بعد مااخد كل الضمانات اتضح ان البيه مديون لشوشته واتضح ان الفلوس اللي اخدها سدد بيها ديونه
طبعا حاليا صديقي رافع عليه الشيكات واحد ورا واحد والحكم خلاص في اول شهر 6 يعني كلها كام يوم يا الدفع يالحبس
أكيد طبعا لازم تاخد عليه ضمان بشيك عااااااااالي القيمة
أخوك كان أهبل
أنا
لما فتحت الصيدلية وأنا في الجامعة..أخدت إسم دكتورة
وجوزها كان دكتور بشري...أخو جوزها كان عيل متشرد كده..ملوش موقع من الإعراب
داخل الصيدلية مرة ..وبيزعق للبنات إلي شغالين في الصيدلية
وبيقولهم :"نضفوا كويس ..وإلا همشيكم من الصيدلية"
البنات طبعا عارفين إنه-ومرات أخوه إلي إسمها على الصيدلية-ملهمش أي حاجة في الصيدلية من الالف إلى الياء
الصيدلية بتاعتي..وهيا إسم على الورق وخلاص في مقابل راتب
المهم
البنات طبعا راحواااااااااا إدوله في جنابه.وسمعوه كلام يستاهله
وطردوه من الصيدلية
أخوه إتصل بيا ..وزعقلي..وقالي هقفلك الصيدلية وكلام أهبل من النوعية دي
ده كله علشان كنت فاكره راجل
وإن كلمة الراجل بــ1000 ورقة
وماأخدتش عليه ورق
.........بس أنا علم الأدب
علشان عمي مفتش في الصحة ..وييفتش عليه شخصيا
وقاله لو إستهبلت ..هعملك قضية إختلاس وإهمال وكل إلي نفسك فيه
ربنا يوفقك يا دكتور و فعلا كلمة الراجل ب 100 ورقة دى انقرضت من زمان و محدش بقى عنده ضمير
بس سوال تانى هى الصيدلية فى اول افتتحها بتحتاج تقريبا بضاعة بكام و هجيبها منيين
اصلى انا و 2 اصحابى وكلنا مهندسين بنفكر فى مشروع الصيدلية كمشروع سهل ادارته و تسويق منتجاته
حسب المكان إلي إنت فاتح فيه
يعني الي بيفتح في القرية ..غير الي بيفتح في مدينة
شوف إنت عاوز تفتح فين...
مبدئيا
لازم تجيب بضاعة لاتقل عن الــ50 ألف في الأول علشان البداية تكون سليمة
وطبعا
تهتم جدا بالمستحضرات في أول ماتفتح
علشان دي بتعمل (رجل)على الصيدلية بتاعتك
وربنا يوفقك
طب والله فكرة :U_thin1[1]:
يعني مش مكفيكي الكشف بــ100 جنيه(على الأقل)
100 ×50 كشف=5000 جنيه في اليوم:3mla::3mla:
وبتاخدوت نسبة من الصيدليات على الروشتات بتاعتكم
وبتاخدوا نسبة من شركات الأدوية على الأدوية إلي بتكتبوها
وكمان عاوزين تفتحوا صيدليات
إدونا فرصتنا بقا ...إدونا فرصتنا بقا
ههههههههه
أنا بهزر يادكتورة ..إوعي تزعلي
عيني عليكم باردة
:eee::eee::eee::eee:
بص يامعلم
الصيدلية لازم تكون مترخصة بإسم صيدلي
يعني
الصيدلية بإسمه من الناحية القانونية
يعني لو إنت مش واخد عليه ورق
ممكن يشوف الصيدلية شغالة وبتدخل فلوس
ييجي يقولك زي عادل إمام في مسرحية الواد سيد الشغال:"ملكش فلوس عنـــــــــــدي"
يعني
يقولك دي صيدليتي ...وإطلع منها
علشان هيا بتاعته على الورق ومن الناحية الرسمية
وهوا ده إلي حصل معايا فعلا..ولولا إن عمي مفتش في الصحة
وكان ممكن يلبس تهمة لجوز الدكتورة إلي كنت واخد إسمها لحد ماأخلص جامعة
كان أخد مني الصيدلية
لو إنت مش صيدلي
وعاوز تفتح صيدلية ..يبقا إنت عاوز صيدلي تفتح بإسمه
ولازم تاخد على الصيدلي شيك أو أي ضمان مكتوب...علشان تضمن إن الصيدلي مايطمعش في الصيدلية ويقولك دي صيدليتي.
ولو إنت صيدلي ..وفاتج صيدليتين ...وعاوز تفتح التالته
يبقا برضوو
هتشوف صيدلي تفتح بإسمه...وتاخد عليه ضمان ورقي ومكتوب
ولو حتى طلعت مش بتاعته
المهم إنها بإسم الصيدلي........
يعني
الصيدلية بإسم الصيدلي..والصيدلي مأمن نفسه إن الصيدلية بإسمه
وصاحب الصيدلية الفعلي..مأمن نفسه إنه واخد ورق على الدكتور الصيدلي
يعني
هما الإتنين محدش فيهم يقدر يعمل حاجة للتاني
وطبعا
الصيدلي مايمضيش على شيك على بياض..هوا يمضي على شيك بتمن الصيدلية
............والأفضل للصيدلي
يدي إسمه لوحد ثقة..مش لأي حد
علشان في الأخر
لو حصلت مشكلة أو تجارة في أدوية غير مرخصة أو أدوية جدول
الصيدلي إلي هيشيل الليلة..ودي قضية أمن دولة
يعني فيها شطب من جداول النقابة
وفيها تشميع للصيدلية بالشمع الأحمر
وفيها حبس وكلبوش
ده غير الواجب إلي هيتعمل معاه من بتوع أمن الدولة