هو لازم اعمل رست بالعربيه لو سقت 600 كيلو او اكتر والا عادي مالوش لازمه مش بياثر علي المتور ؟
عرض للطباعة
هو لازم اعمل رست بالعربيه لو سقت 600 كيلو او اكتر والا عادي مالوش لازمه مش بياثر علي المتور ؟
قبل موتور العربية ضهرك انت ورجلك
انت لو سقت ساعتين او تلاتة متصل رجلك ممكن تنمل ودى هتكون كارثة كبيرة لانك ممكن موش تقدر ترفع رجلك من على دواسة البنزين
و أعتقد ان الرست بالعربية بيكون حسب ظروف الجو و الطريق وحالة العربية وحرارة العربية نفسها بس اعتقد ان لو كلو تمام يبقى عادى بس صحتك وجسمك انت أهم من موتور العربية
حسب نوع العربيه والقياده حديثه ولا عربيه قديمه لو قديمه لازم تريح الموتور
بس قبل ما تبطل العربيه تسيبها شويه شغاله والموتور على السلانسيه
ده كنت باعمله فى ال125 ولما غيرتها ب لادا ( ما فرقتيش كتير ) بعمل نفس الشيئ
600 كتير اوى, يا باشا اعمل ريست لنفسك حتى, و بعدين دى الات واحتكاك و حرارة, الريست مهم طبعا
لو عربيه جديده عادي و لو حتى قديمه برضه عادي طالما مسخنتش معاك
مش مهم العربيه
المهم انت
انا متأكد ان حتى لو انا قلت مش ضرورى ريست حضرتك انت نفسك هتبقى محتاج رست !!!! تخيل 600 كيلو فى نفس وضع الجلوس دى صعبة جدا جدا
انا عملت كده مرتين بس اخرهم من اسبوعين
من القاهرة لاسكندرية عشان اجيب مفتاح الشاليه وعلي طول علي مارينا
اعمل رست احسن ولو 5 دقايق